វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 8270 នាក់
ម្សិលមិញ 8227 នាក់
សរុប 14135151 នាក់
ភ្នំពេញ៖ រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ លោក វេង សាខុនបន្ទាប់ពីបានប៉ះពាល់ផ្ទាល់ជាមួយរដ្ឋមន្ត្រីការបរទេសហុងគ្រីដែលបានរកឃើញជំងឺឆ្លងCOVID-19នៅព្រឹកថ្ងៃទី៦ ខែវិច្ឆិកានេះ បានបញ្ចេញរូបភាពមួយសន្លឹកគឺលោក និងភរិយា បាននឹងកំពុងហាត់ប្រាណ ដែលលោកថាជាភារកិច្ចត្រូវបំពេញប្រចាំថ្ងៃ ក្នុងអំឡុងពេលធ្វើចត្តាឡីស័ក។
លោករដ្ឋមន្ត្រីក្រសួងកសិកម្មរូបនេះ បានសរសេរនៅលើទំព័រហ្វេសប៊ុកយ៉ាងដូច្នេះថា៖«យើងខ្ញុំទាំងពីរនាក់ ត្រូវចូលបន្ទុមក្នុងផ្ទះ រយៈពេល១៤ថ្ងៃ តាមវិធានការរបស់ក្រសួងសុខាភិបាល ទន្ទឹមនឹងនេះខ្ញុំសូមអភ័យទោសចំពោះការលុបចោលកម្មវិធីជាច្រើនដែលត្រូវចុះមូលដ្ឋានតាមបណ្តាខេត្ត ដែលយើងខ្ញុំបានសន្យាកន្លងមក។ ប៉ុន្តែអ្វីដែលជាភាកិច្ចរបស់ខ្ញុំដែលត្រូវបំពេញជាប្រចាំរាល់ថ្ងៃនេះ នៅតែបំពេញគឺការហាត់ប្រាណ ការត្រួតពិនិត្យឯកសារនិងការសម្រេចទៅលើរាល់ឯកសារនានាតាមសមត្ថកិច្ចទទួលខុសត្រូវរបស់ខ្ញុំ ដែលប្រមុខរាជរដ្ឋាភិបាលបានប្រគល់ជូន»។
បន្ទាប់មកនៅពេលថ្ងៃពេលថ្ងៃត្រង់ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានថ្លែងសារពិសេសមួយដោយអំពាវនាវអំពីវិធានការធ្វើចត្តាឡីស័ក ចំពោះអ្នកពាក់ព័ន្ធទាំងអស់ជាមួយដំណើរទស្សនកិច្ចរបស់រដ្ឋមន្ត្រីការបរទេស ហុងគ្រី មកកម្ពុជានាពេលថ្មីៗនេះឲ្យបានត្រឹមត្រូវ។សម្តេចតេជោ ហ៊ុន សែន ក៏បានលើកឡើងអំពីការធ្វើចត្តាឡីស័កដ៏ច្បាស់លាស់របស់សម្តេចផងដែរ។សូមបញ្ជាក់ថាដោយសាររដ្ឋមន្ត្រីការបរទេសនិងពាណិជ្ជកម្មហុងគ្រីរកឃើញមានផ្ទុកេមរោគកូវិត១៩បន្ទាប់ពីមកទស្សនៈកិច្ចនៅស្រុកខ្មែរក្រសួងសុខាភិបាលបានតម្រូវឲ្យដាក់មនុស្សជាមន្ត្រីនិងគ្រួសាសរុបជាង៨រយនាក់ធ្វើចត្តាឡីស័ក។