វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 9655 នាក់
ម្សិលមិញ 8227 នាក់
សរុប 14136536 នាក់
ភ្នំពេញៈ នៅថ្ងៃទី ២០ កញ្ញាថា លោកបណ្ឌឹតសេងសារីអ្នកវីភាគសភាពការណ៍នយោបាយដែលបានរត់គេចខ្លួនបានថ្លែងអំណរគុណដល់សម្តេចនាយករដ្ឋមន្ត្រី ហ៊ុន សែន ចំពោះការយោគយល់ទៅលើសំណេររបស់លោកកន្លងមកតាមហ្វេសប៊ុកដោយលោកយល់ថា នេះគឺជាឥរិយាបថមួយដែលបង្ហាញពីការបើកនូវលម្ហ និងស្តាប់នូវមតិផ្ទុយ និងការទទួលយកការពន្យល់ពីអ្នកវិភាគ និងអ្នកស្រាវជ្រាវ។
«ប្រសិនបើករណីបើកចំហ និងទទួលយកបទវិភាគផ្សេងៗ ត្រូវបានរដ្ឋាភិបាលយកទៅពិចារណា ខ្ញុំគិតថា អាចជាផលប្រយោជន៍ និងធាតុចូល ចូលរួមពីបញ្ញវន្តដែលមានមតិផ្ទុយនៅក្នុងការដោះស្រាយបញ្ហា សង្គម និងនយោបាយនៅកម្ពុជាបាន»។លោកបណ្ដឹតសេងសារីក៏បានសរសេរផ្ញើសារតាមហ្វេសប៊ុកមកកាន់ក្រុមគ្រួសាររបស់លោកដែរថា៖ «ម៉ែអាចទៅវត្តនៅថ្ងៃកាន់បិណ្ឌខាងមុខនេះបានហើយ ម៉ែមិនបាច់បារម្ភពីអ្នកណាថាឱ្យម៉ែ មានកូនជាជនក្បត់ជាតិទេ! ប្រពន្ធសម្លាញ់ អូនអាចបើកទ្វាររបងឱ្យកូនរត់លេងវិញបានហើយ!»។
សម្តីថ្លែងអំណរគុណនិងប្រាប់ប្រពន្ធនៅស្រុកខ្មែរឲ្យបើកទ្វារផ្ទះកើតឡើងក្រោយពៅសម្តេចតេជោ ហ៊ុន សែន បានអំពាវនាវឱ្យស្ថាប័នតុលាការពិចារណាក្នុងការបញ្ឈប់ដីកាតាមចាប់ខ្លួនលោក សេង សារី អ្នកវិភាគ និងជាអ្នកស្រាវជ្រាវអភិវឌ្ឍន៍សង្គម និងកុំឱ្យក្រុមគ្រួសាររបស់លោកបារម្ភ បន្ទាប់ពីលោកនាយករដ្ឋមន្ត្រីបានស្តាប់ការបកស្រាយមានលក្ខណៈសមហេតុសមផល។ លោកបណ្ឌឹត សេង សារី កាលពីថ្ងៃទី ២១ ខែ កក្កដា ឆ្នាំ ២០២១ បានសរសេរវិភាគតាមទំព័រហ្វេសប៊ុករបស់លោកពាក់ព័ន្ធនឹងការផ្តួចផ្តើមគំនិតបង្កើតរដ្ឋាភិបាលបង្រួបបង្រួមជាតិរបស់លោក សម រង្ស៊ី ដោយលោកថា កម្លាំងដែលអាចធ្វើឱ្យនយោបាយកម្ពុជាប្រែប្រួលមានចំនួន ៦ ធំៗរួមមាន កម្លាំងអ្នកគាំទ្រគណបក្សប្រឆាំង កម្លាំងមហាជន កម្លាំងយុវជន កម្លាំងផ្ទៃក្នុងគណបក្សកាន់អំណាច កម្លាំងប្រដាប់អាវុធ និងកម្លាំងអន្តរជាតិ និងប្រទេសជិតខាង។ លុះក្រោយមកក៏មានដីកាតុលាការតាមចាប់ខ្លួនលោក។
ករណីយ៍នេះកាលពីថ្ងៃទី ១៧ ខែកញ្ញាក្នុងពិធីបើកយុទ្ធនាការចាក់វ៉ាកសាំងឲ្យកុមារសម្តេចតេជោហ៊ុនសែន បានឱ្យដឹងថា តុលាការបានចេញដីកាឱ្យតាមចាប់ខ្លួនលោក សេង សារី ដែលបានសរសេរលើកឡើងនូវសេណារីយោកម្លាំងចំនួន ៦ ក្នុងការបង្កើតរដ្ឋាភិបាលចម្រុះតាមការអំពាវនាវរបស់លោក សម រង្ស៊ី ដោយយកគំរូតាមប្រទេសមីយ៉ាន់ម៉ា ហើយត្រូវបានលោកនាយករដ្ឋមន្ត្រីចាត់ទុកជាទង្វើខុសច្បាប់មិនអាចអត់ឱនឱ្យបានព្រោះស្រុកខ្មែរមិនមែនមីយ៉ាន់ម៉ាដែលគណបក្សឈ្នះឈ្នោតត្រូវបានគេដណ្តើមអំណាច។
បន្ទាប់មកនៅថ្ងៃទី ២០ ខែ កញ្ញា ឆ្នាំ ២០២១នាយករដ្ឋមន្ត្រី ហ៊ុន សែន បានសរសេរនៅលើទំព័រហ្វេសប៊ុកផ្លូវការរបស់សម្តេច ថា ក្រោយពីលោកបានស្តាប់នូវការសម្ភាសរបស់លោក សេង សារី ជាមួយកាសែត The Cambodia Daily កាលពីថ្ងៃទី ១៨ កញ្ញា ២០២១ បកស្រាយពន្យល់អំពីគោលបំណងនៃការវិភាគថា «ជាការវិភាគបែបសេណារីយោ» ។សម្តេចនាយករដ្ឋមន្ត្រីបានចាត់ទុកថាការបកស្រាយនេះមានលក្ខណៈសមហេតុផល និងអាចទទួលយកបានហើយក្នុងនាមប្រមុខនៃរាជរដ្ឋាភិបាលកម្ពុជាលោកបានអំពាវនាវឱ្យស្ថាប័នតុលាការពិនិត្យពិចារណាក្នុងការបញ្ឈប់ដីកាចាប់ខ្លួនលោកបណ្ឌិត សេង សារី។
សម្តេចតេជោ បានមានប្រសាសន៍ថា៖ «ទន្ទឹមនឹងនេះ ខ្ញុំក៏សូមលើកទឹកចិត្តឱ្យលោក បណ្ឌិត សេង សារី បន្តកិច្ចការស្រាវជ្រាវ និងវិភាគបញ្ហាសង្គមបន្តទៀត ដើម្បីជាប្រយោជន៍ដល់ការសិក្សាស្រាវជ្រាវផ្នែកវិទ្យាសាស្ត្រសង្គម។ខ្ញុំក៏អំពាវនាវឱ្យភរិយា កូន និងឪពុកម្តាយរបស់បណ្ឌិត សេង សារី កុំឱ្យមានការព្រួយបារម្ភ»។
ទាក់ទងនិងប្រសាសន៍នាយករដ្ឋមន្ត្រីដែលមានឥទ្ធីពលលើក្រសួងយុត្តិធម៍នេះលោក ជិន ម៉ាលីន អ្នកនាំពាក្យក្រសួងយុត្តិធម៌ប្រាប់កាសេតនៅថ្ងៃទី ២០ ខែកញ្ញាថា សម្តេចនាយករដ្ឋមន្ត្រី ហ៊ុន សែន គ្រាន់តែស្នើសុំទៅតុលាការឱ្យមានការបញ្ឈប់ចេញដីកាចាប់ខ្លួន លោក សេង សារី ប៉ុណ្ណោះមិនមានទាស់ខុស ឬជ្រៀតជ្រែកលើស្ថាប័នតុលាការទេ ប៉ុន្តែការសម្រេចយ៉ាងណានោះ វាជាឆន្ទានុសិទ្ធិរបស់តុលាការ។
«អ្វីដែលសម្តេចនាយកលើកឡើងពីការចេញដីកាវាជាការបញ្ចេញទស្សនៈយោបល់ និងបញ្ចេញព័ត៌មានដែលតុលាការបានធ្វើ មិនមែនបង្គាប់ឱ្យតុលាការចេញដីកាឯណា ហើយអ្វីដែលសម្តេចនាយកស្នើសុំឱ្យបញ្ឈប់បញ្ចេញដីកា វាគ្រាន់តែជាការស្នើសុំ និងយោបល់ ប៉ុន្តែការសម្រេចយ៉ាងណា វាជាសិទ្ធិរបស់តុលាការទេ»។សូមបញ្ជាក់ថា៖នៅថ្ងៃទី២១កញ្ញានេះតុលាការរាជធានីភ្នំពេញបានចេញដិការលើកលែងការចោទប្រកាន់និងបញ្ឈប់ការាតមចាប់ខ្លួនលោកសេងសារីដែលជាសាស្ត្រាចារ្យយនៅសាកលវិទ្យាល័យមានជ័យហើយ៕