វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 931 នាក់
ម្សិលមិញ 4027 នាក់
សរុប 14153601 នាក់
ខេត្តព្រះសីហនុ ៖ លោកយាយ ឈុន ឡៃគើន មានអាយុ៩៥ឆ្នាំ ភ្នែកងងឹត ត្រចៀកធ្ងន់ និងពិការជើង ជាជនចាស់ជរាដែលវង្វេងផ្ទះ ត្រូវកូន ឬសាច់ញាតិយកមកបោះបង់ចោល នៅក្រុង-ខេត្តព្រះសីហនុ ត្រូវបានអាជ្ញាធរខេត្តនាំយកមកស្នាក់នៅ មណ្ឌលបុរីកុមារ ខេត្តព្រះសីហនុ បណ្ដោះអាសន្នសិន។ នៅរសៀលថ្ងៃទី៩ ខែកុម្ភៈ ឆ្នាំ២០២៣ លោក គួចចំរើន អភិបាល នៃគណៈអភិបាលខេត្តព្រះសីហនុ បានបង្ហោះនៅក្នុង facebook របស់លោកថា, (សីលធម៌ គុណធម៌ សប្បុរសធម៌ មនុស្សគ្រប់គ្នា សុទ្ធតែអះអាងថាខ្លួនមាន ។ តែសំរាប់លោកយាយ នៅឯណា?) ករណីយ៍លោកយាយឈុនឡៃគីដែលត្រូវកូនចៅបោះបង់ចោលនេះវា មិនខុសពីពាក្យចាស់បុរាណ ម្ដាយម្នាក់ចិញ្ចឹមកូន ១០នាក់រស់ ប៉ុន្ដែកូន១០នាក់ មិនអាចចិញ្ចឹមថែម្ដាយម្នាក់មិនបាន ។ សង្ឃឹមថាកូនៗ ដែលឃើញព័ត៌មានហើយរូតរះឡើង ធ្វើបុណ្យទាន់ខែភ្លឺ !
លោកចៅសង្កាត់លេខ១ក្រុងព្រះសីហនុ និងលោកស្រី ប្រាក់ ចន្ទ័សុខា ក្នុងនាមសាខាកាកបាទក្រហមខេត្តព្រះសីហនុ ព្រមទាំងវត្តមានថ្នាក់ដឹកនាំមន្ទីរកិច្ចការនារីខេត្តនិងមន្ទីរអង្គភាពពាក់ពន្ធ័នៅសាលាសង្កាត់លេខ១ក្រុងព្រះសីហនុ កាលពីព្រឹកថ្ងៃ៧កុម្ភៈ២០២៣នេះបានជួយសង្គ្រោះលោកយាយដើម្បីរងចាំកូនចៅឬសាច់ញាតិមកទទួលយកវិញ។សូមបញ្ជាកថាក្រោយមានសេចក្តីរាយការណ៍ពីពលរដ្ឋថាឃើញជីដូនមួយរូបវយ័ជាង៩០ឆ្នាំនៅម្តុំឃ្លាំងលើសង្កាត់លេខ១ ដែលដំបូង គេសន្និដ្ឋានថាទំនងជាវង្វេងផ្ទះឬវង្វេងសាច់ញាតិ អាជ្ញាធរមូលដ្ឋានក៏ចុះសាកសួរនិងក្រោយមកបាននាំជីដូនរូបនេះមកមើលថែរបណ្តោះអាសន្ននៅសាលាសង្កាត់លេខ១ក្រុងព្រះសីហនុ។ ក្នុងពេលរង់ចាំ មិនឃើញកូនចៅ សាច់ញាតិមកទទួលយក មន្ត្រីសង្កាត់និងក្រុមការងារសង្គ្រោះ ក៍បានរៀបចំកន្លែងឲ្យលោកយាយសម្រាន្តនៅសាលាសង្កាត់លេខ១ជាបណ្តោះអាសន្ន និងដាក់ឲ្យមានអ្នកមើលថែទាំលោកយាយរូបនេះ ចាប់តាំងពីយប់ថ្ងៃទី៥កុម្ភៈបន្តរហូតមកដល់យប់ថ្ងៃ៦កុម្ភៈ២០២៣ ក៏នៅតែមិនឃើញមានកូនចៅមកទទួលយក ទើបអជ្ញាធររដ្ឋបាលខេត្ត និងសាខាកាកបាទក្រហមខេត្តព្រះសីហនុរៀបចំដោះស្រាយជាបណ្តោះអាសន្នបែបនេះ។លោកយាយ ឈុន ឡៃគើន មានអាយុ៩៥ឆ្នាំ ភ្នែកងងឹត ត្រចៀកធ្ងន់ និងពិការជើង ជាជនចាស់ជរាជិះតែរទេះវង្វេងមិនស្គាលផ្ទះ ត្រូវបានគេសង្ស័យថាកូន ឬសាច់ញាតិយកមកបោះបង់ចោល នៅក្រុង-ខេត្តព្រះសីហនុ ៕