វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 10133 នាក់
ម្សិលមិញ 8227 នាក់
សរុប 14137014 នាក់
ខេត្តកែប៖អាជ្ញាធរខេត្តកែបប្រកាស មិនអនុញ្ញាតឲ្យក្រុមអាជីវករក្រាលកន្ទេលតាមចិញ្ចើមផ្លូវសាធារណៈ ចំណុចទីប្រជុំជនយកលុយ ទៀតឡើយនៅក្នុងផែនការរក្សាសោភ័ណភាព ក៏ដូចជាការរៀបចំសណ្ដាប់ធ្នាប់តាមមាត់ឆ្នេរកម្សាន្តតំបន់ទេសចរណ៍ឆ្នេរកែប ក្នុងព្រះរាជពិធីបុណ្យអុំទូក បណ្ដែតប្រទីប អកអំបុក និងសំពះព្រះខែ នាពេលខាងមុខ ។
ការសម្រេចចិត្តបានធ្វើនៅនៅ ក្នុងកិច្ចប្រជុំគណៈកម្មការគ្រប់គ្រង និងរៀបចំសណ្ដាប់ធ្នាប់សាធារណៈ កាលពីរសៀលថ្ងៃអង្គារ ទី២៧ ខែតុលា ឆ្នាំ២០២០ ក្រោមអធិបតីភាព លោក សោម ពិសិដ្ឋ អភិបាល នៃគណៈអភិបាលខេត្តកែប និងមានការចូលរួមពី លោក លោកស្រី អភិបាលរងខេត្ត កងកម្លាំងទាំងបី ប្រធាន អនុប្រធាន មន្ទីរអង្គភាពក្នុងខេត្ត ព្រមទាំងក្រុមអាជីវករលក់ដូរតាមបណ្ដោយឆ្នេរផងដែរ។
លោក សោម ពិសិដ្ឋ បានសំណូមពរដល់ក្រុមអាជីវករលក់ដូរ និងម្ចាស់ហាង រាប់ទាំង អាហារដ្ឋាន និងភោជនីយដ្ឋានផងដែរ ត្រូវបន្តចូលរួមសហការក្នុងការកែលំអសោភ័ណភាព រក្សាអនាម័យ ពិសេសការរៀបចំសណ្ដាប់ធ្នាប់ របៀបរៀបរយឲ្យបានល្អ។បើក្រុមអាជីវករណាអនុវត្តផ្ទុយនឹងគោលការណ៍ដូចជម្រាបខាងលើ រដ្ឋបាលខេត្ត នឹងឲ្យរុះរើចេញជាបន្ទាន់៕
សូមបញ្ជាក់ផងដែរថា កន្លងមក មានការរិះគន់យ៉ាងចាស់ដៃពីព្រជាពលរដ្ឋជាអ្នកទេសចរណ៍ទៅលើអាជ្ញាធរដែលបណ្តោយឲ្យ ក្រុមអាជីវករយកចិញ្ចើមផ្លូវ ឬទីសាធារណៈ ដើម្បីសង់ខ្ចុស ឬកាងកន្លែង សម្រាប់ក្រាលកន្ទេលជួលឲ្យភ្ញៀវអង្គុយលេង ឬញាំអាហារនៅថ្ងៃបុណ្យដោយយកម្រៃថ្លៃហួសហេតុ។