វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 411 នាក់
ម្សិលមិញ 6243 នាក់
សរុប 16966632 នាក់
ភ្នំពេញ៖ ប្រតិភូរាជរដ្ឋាភិបាលទទួលបន្ទុកជាអគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា (ស៉ីម៉ាក់) លោក ហេង រតនា នៅថ្ងៃទី២៨ ខែកក្កដា ឆ្នាំ២០២១បានបញ្ជាក់ប្រាប់តាមហ្វេសប៊ុកថា៖ ស៊ូៗនៅពេលរស់នៅនិងបំពេញការងារនៅបរទេស! ពួកគេទាំង៦ក្បាលត្រូវចេញដំណើរ ទៅក្រៅប្រទេសហើយ! ២ក្បាលទៅប្រទេសកេនយ៉ា និង៤ក្បាលត្រូវទៅប្រទេសស៊ូដង់ខាងត្បូង។
អគ្គនាយកស៊ីម៉ាក់រូបនេះ បញ្ជាក់បន្ថែមថា អង្គភាពស៊ីម៉ាក់បានកែប្រែស្ថានភាពពីការទិញឬសុំសុនខពីបរទេសមកប្រតិបតិការនៅកម្ពុជា ក្លាយជាអ្នកផ្គត់ផ្គង់សុនខទៅអន្តរជាតិផងនិងគាំទ្រកិច្ចប្រតិបត្តិការក្នុងព្រះរាជាណាចក្រនេះផង! ។ នេះជា សមិទ្ធិផលនៃការពង្រឹងភាពជាម្ចាស់ទាំងចំណេះដឹងនិងចំណេះធ្វេី ពង្រឹងសមត្ថភាពធនធានមនុស្ស នីតិវិធី និងសម្ភារ:បច្ចេកទេស!។
លោក ហេង រតនា ថ្លែងប្រាប់ប្រព័ន្ធផ្សព្វផ្សាយនៅក្នុងស្រុកមួយ បានឱ្យដឹងថា សុនខចំនួន ៦ក្បាល ក្រោមការបញ្ជាទិញពីអង្គការ APOPO។ ក្នុងនោះ សុនខហិតមីននេះ មានតម្លៃពី៣៥០០ដុល្លារ ដល់ទៅ២០០០០ដុល្លារអាមេរិក ក្នុងមួយក្បាល។ តែកន្លងមក ប្រទេសកម្ពុជាលក់បានខ្ពស់បំផុតត្រឹមតម្លៃតែ១ម៉ឺនដុល្លារប៉ុណ្ណោះ៕