» ចាប់បាន​ផ្កាយ​ពីរ​រត់ពន្ធ​ចិន​នៅ​ស្វាយរៀង​និង​ផ្កាយ​បី​ក្លែងក្លាយ​នៅ​បាត់ដំបង​! » សិង្ហ​បុរី​បញ្ជូន​នាវា​សង្គ្រោះ​ទៅ​ជួយ​ស្វែងរក​នាវាមុជទឹក​ឥណ្ឌូនេស៊ី​ដែល​បាត់​ » បញ្ចប់​ការប្រើ​ហឹ​ង្សា​លើ​ប្រជាពលរដ្ឋ​ក្នុង​បេសកកម្ម​បិទ​ខ្ទប់​រាជា​ធានី​ភ្នំពេញ​និង​ក្រុង​តាខ្មៅ​ខេត្តកណ្តាល​! » ប្រធានាធិបតី​លោក ពូ​ទីន ព្រមាន ថា «​ប្រសិនបើ​មិន​ចង់​មានការ​ស្តាយក្រោយ​ទេ សូមកុំ​បំពាន​លើ​ផល ប្រយោជន៍​រុស្ស៊ី​ » សម​ត្ត​កិច្ច​ខេត្តបាត់ដំបង​ចាប់​អ្នកលេង​ភ្នាល់​ទឹក​ភ្លឿ​ង​តែ​មិន​ចាប់​មេបន​!? » បែកធ្លាយ​ក្រុមគ្រូពេទ្យ​និង​ប្រធាន​មន្ទីរ​សុខាភិបាល​ខេត្តបន្ទាយមានជ័យ​រំលោភ​បំរាម​ខូ​វិដ​-19 ! » នាយទាហាន ២​នាក់ ឆ្លង​កូ​វីដ​-១៩​ក្រោយពី​ចាក់​វ៉ាកសាំង​រួច​ » សាលា​រាជធានី​នឹង​ចែក​កាត​ធ្វើដំណើរ​ទៅ​ផ្សារ​នៅតាម​ផ្ទះ ក្រៅពី​តំបន់​ក្រហម​ » សម្តេច​តេ​ជោ​ពន្យល់​ពី​ការកែប្រែ​ថវិការ​ឧបត្ថម្ភប្រជាពលរដ្ឋកូវីត​ទៅជា​គ្រឿង​ឧបភោគបរិភោគ​និង​សុំ​យោគយល់​ » ចាប់​ទា​ហ៊ាន​ម្នាក់​ថ្លើមធំ​ជិះ​ម៉ូតូ​បុក​បា​រ៉ា​ស់បិទ​ខ្ទប់​តែ​អង្គភាព​ថា​ឡេ​ឡឺ​! » អា​ការៈឈឺ​បំពង់ក​ខ្លាំង​មិនមែន​សុទ្ធតែជា​រោគសញ្ញា ជំងឺ​កូ​វីដ​១៩ ទេ​ » អ្នកនាង​ខាត់​សុ​ឃីម​បង្ហាញ​កូនប្រុស​ច្បង វ័យ​១៦​ឆ្នាំ​ដ៏​សង្ហារ​! » ខណ្ឌមានជ័យ ពោធិ៍​សែន​ជ័យ និង​ខណ្ឌទួលគោក​ត្រូវបាន ក្លាយ ​ជា​តំបន់​ក្រហម​ធ្ងន់ធ្ងរ​នៃ​ជំងឺ​កូ​វីដ​-១៩ » ក្រសួង​ព័ត៌មាន ស្នើ​ប្រព័ន្ធ​ផ្សព្វផ្សាយ​ទាំងអស់ ផ្អាក​ការផ្សាយ​គ្រឿង​ស្រវឹង​ពេល​អនុវត្ត​ការបិទ​ខ្ទប់​ភូមិសាស្ត្រ​ភ្នំពេញ និង​ក្រុង​តាខ្មៅ​ » អ្នក​ឆ្លៀតឱកាស​ក្នុង​បំរាម​កូ​វីត​ត្រូ​វ​ចាប់បាន​និង​ផាកពិន័យ​

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 3180 នាក់

ម្សិលមិញ 3463 នាក់

សរុប 6863127 នាក់

អាមេរិក​ដាក់ទណ្ឌកម្ម ព្រះរាជអាជ្ញា​តុលាការ ឧក្រិដ្ឋកម្ម​សង្គ្រាម​ICC


​អាមេរិក​៖ លោក​ម៉ៃ​ប៉ុ​ម​ពី​អូ (Mike Pompeo) រដ្ឋមន្ត្រី​ក្រសួងការបរទេស​សហរដ្ឋអាមេរិក​បាន​ប្រកាស​កាលពី​ថ្ងៃ​ពុធ ទី​២ ខែកញ្ញា ដាក់ទណ្ឌកម្ម​ទៅលើ​រដ្ឋអាជ្ញា​កំពូល នៃ​តុលាការ​ព្រហ្មទណ្ឌ​អន្តរជាតិ ដែលមាន​មូលដ្ឋាន​នៅ​ទី​ក្រុងឡាអេ ។ ទីភ្នាក់ងារសារព័ត៌មាន AFP បាន​ចុះផ្សាយ​ថា ទណ្ឌកម្មសេដ្ឋកិច្ច​ប្រឆាំង​លោក​ហ្វា​ទូ​បែន​សូ​ដា​( Fatou Bensouda) និង​មន្ត្រីជាន់ខ្ពស់ ICC ម្នាក់ទៀត គឺ​លោក​ផា​គិ​សូ​ម៉ូ​ស្ហូ​ស្ហូ​កូ​( Phakiso Mochochoko) ដោយសារ​លោក Bensouda និង​អ្នក​ផ្សេងទៀត បាន​រំលោភ​បំរាម​ធ្វើការ​ស៊ើបអង្កេត​នូវ​បទឧក្រិដ្ឋ​សង្គ្រាម ទៅលើ​បុគ្គលិក​យោធា​អាមេរិក​នៅ​អា​ហ្វ​ហ្គា​នី​ស្ថាន ។ a icc us 

​លោក Pompeo បាន​និយាយថា “​ថ្ងៃនេះ យើង​បោះជំហាន​ទៅមុខទៀត ព្រោះ ICC នៅតែ​បន្ត​ផ្តោតលើ​ជនជាតិ​អាមេរិក​ដែល​គួរឱ្យ​សោកស្តាយ​” ។
​ប្រធានាធិបតី​លោក ដូ​ណា​ល់ ត្រាំ បានអនុញ្ញាត​ឱ្យមាន​កា​រដាក់​ទណ្ឌកម្ម​លើ ICC កាលពី​ថ្ងៃទី​១១ ខែមិថុនា ជុំវិញ​ការស៊ើបអង្កេត​របស់ ICC ទៅលើ​កងទ័ព​អាមេរិក ។​​លោក Pompeo បានចាត់ទុក ICC ថា​ជា “​តុលាការ​កង់​ហ្គា​រូ​” ហើយ​បាន​ព្រមាន​ថា ប្រសិនបើ​ទាហាន​អាមេរិក​ជា​គោលដៅ​នោះ ក្រុម​សម្ព័ន្ធមិត្ត​អាមេរិក​នៅ​អា​ហ្វ​ហ្គា​នី​ស្ថាន ក៏​ប្រឈម​នឹង​ហានិភ័យ​ដូចគ្នា​។

​ទោះបីជា​មានការ​ដាក់ទណ្ឌកម្ម​ថ្មី​ក៏ដោយ ក៏​តុលាការ ICC ហាក់ដូចជា​មិន​ចាប់អារម្មណ៍​លើ​បញ្ហា​នេះ​ទេ ដោយ​និយាយថា ខ្លួន​នៅតែ​បន្ត​ឈរជើង​យ៉ាងរឹងមាំ ក្នុងការ​ប្រយុទ្ធប្រឆាំង​និ​ទណ្ឌ​ភាព​ចំពោះ​ឧក្រិដ្ឋកម្ម​ធ្ងន់ធ្ងរ​បំផុត នៅលើ​ពិភពលោក ។ ​សហរដ្ឋអាមេរិក រុស្ស៊ី ចិន អ៊ីស្រាអែល ស៊ី​រី និង​ប្រទេស​មួយចំនួនទៀត មិនមែនជា​សមាជិករ​បស់​តុលាការ​ឧក្រិដ្ឋកម្ម​អន្តរជាតិ​ទេ ហើយ​ការប្រឆាំង​របស់ខ្លួន​ចំពោះ​តុលាការ គឺមាន​ជា​យូរ​មកហើយ ។​

​សូមបញ្ជាក់ថា​ក្នុង​ឆ្នាំ​២០០២ សភា​សហរដ្ឋអាមេរិក​ថែមទាំង​បានអនុម័ត​នូវ​ច្បាប់ ដែល​គេ​ហៅថា “​ការ​លុកលុយ​ទីក្រុង​ឡាអេ​” ដែល​អនុញ្ញាតឱ្យ​ប្រធានាធិបតី​អាមេរិក​ផ្តល់​សិទ្ធិអំណាច​ដល់​កងទ័ព ដើម្បី​ដោះលែង​បុគ្គលិក​អាមេរិក​ណាមួយ ដែល​កាន់កាប់​ដោយ ICC ។ ប៉ុន្តែ​ការស៊ើបអង្កេត​ទៅលើ​អំពើ​ឃោរឃៅ​ក្នុងសម័យ​សង្គ្រាម នៅ​អា​ហ្វ​ហ្គា​នី​ស្ថាន​អាចពាក់ព័ន្ធ​នឹង​មន្ត្រី​យោធា និង​ស៊ីវិល​របស់​អាមេរិក និង​បាន​ប្រែក្លាយជា​ការប្រឆាំង​របស់​ក្រុង​វ៉ាស៊ីនតោន ទៅជា​យុទ្ធនាការ​រួមគ្នា ប្រឆាំងនឹង​ស្ថាប័ន ICC ។​​កាលពី​ឆ្នាំមុន រដ្ឋបាល Trump បាន​ដកហូត​ទិ​ដ្ឋ​ការ​អាមេរិក​របស់លោក Bensouda ប៉ុន្តែ​តុលាការ​នៅតែ​បន្ត​ការស៊ើបអង្កេត​ដែល​នាំទៅដល់​ការសម្រេចចិត្ត​របស់លោក ត្រាំ កាលពី​ខែមិថុនា ក្នុងការ​អនុញ្ញាត​ឱ្យមាន​ការដាក់ទណ្ឌកម្ម​សេដ្ឋកិច្ច​ប្រឆាំងនឹង​តុលាការ ។​

​រដ្ឋមន្ត្រី​ក្រសួងការបរទេស​ហូ​ឡង់​លោក Stef Blok បាន​និយាយថា ប្រទេស​របស់លោក​មាន​ការខកចិត្ត​ចំពោះ​ចំណាត់ការ​របស់​សហរ​ដ្ឋ​អាមេរិក ។ លោក​បាន​និយាយថា “​ហូ​ឡង់​នឹង​បន្ត​គាំទ្រ​ដល់​ឯករាជ្យភាព​របស់ ICC និង​ដំណើរការ​ក្នុងការ​ប្រយុទ្ធប្រឆាំង​និ​ទណ្ឌ​ភាព ។ ​លោក Balkees Jarrah អ្នក​ប្រឹក្សា​ជាន់ខ្ពស់​នៅ​អង្គការ​ឃ្លាំមើល​សិទ្ធិមនុស្ស បាន​ថ្លែងថា ការដាក់ទណ្ឌកម្ម​នេះ គឺជា​សញ្ញា​ថ្មី​គួរ​ឲ្យ​អាម៉ាស់​មួយ​សម្រាប់​អាមេរិក ចំពោះ​យុត្តិធម៌​សម្រាប់​ជនរងគ្រោះ​នៃ​ឧក្រិដ្ឋកម្ម​ដ៏​អាក្រក់​បំផុត ៕a icc us1