វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 10120 នាក់
ម្សិលមិញ 8227 នាក់
សរុប 14137001 នាក់
ហុងកុង៖ កាលពីថ្ងៃចន្ទទី២៥តុលាអង្គការលើកលែងទោសអន្តរជាតិបានប្រកាសថាគេនឹងបិទការិយាល័យនៅក្នុងទីក្រុងហុងកុងដោយសារច្បាប់សន្តិសុខជាតិចិនដីគោកដែលទើបដាក់ចេញកាលពីពេលថ្មីៗនេះ។
ក្រុមសិទ្ធិមនុស្សអន្តរជាតិមួយនេះដែលមានវត្តមាននៅទីក្រុងហុងកុងរយៈពេលជាង៤០ឆ្នាំមកហើយ និងបច្ចុប្បន្នមានការិយាល័យចំនួន២នៅទីនោះបាននិយាយថា ច្បាប់សន្តិសុខជាតិហុងកុងថ្មីដែលត្រូវបានអនុម័តដោយប្រទេសចិនបានធ្វើឲ្យគេមិនអាចបំពេញប្រតិបត្តិការបានដោយសេរីឡើយ។
ប្រធានក្រុមប្រឹក្សាភិបាលរបស់អង្គការលើកលែងទោសអន្តរជាតិបាននិយាយក្នុងសេចក្តីថ្លែងការណ៍ថា ការិយាល័យទាំងពីរនឹងត្រូវបិទនៅចុងឆ្នាំនេះ ដោយកត់សម្គាល់ថាការបង្ក្រាបស្ថិតក្រោមច្បាប់ថ្មីនោះបានបង្ខំឲ្យក្រុមអង្គការផ្សេងទៀតយ៉ាងច្រើនត្រូវរំសាយនៅក្នុងឆ្នាំនេះ។«បរិយាកាសនៃការគាបសង្កត់និងភាពមិនប្រាកដប្រជាដែលបង្កើតឡើងដោយច្បាប់សន្តិសុខជាតិហុងកុងធ្វើឱ្យគេមិនអាចដឹងបានឡើយថាថាសកម្មភាពអ្វីខ្លះដែលអាចនាំទៅដល់ការដាក់ទណ្ឌកម្ម។»
គួរបញ្ជាក់ថា ច្បាប់សន្តិសុខជាតិហុងកុងត្រូវបានបង្កើតឡើងដើម្បីកាត់ទោសអ្នកដែលធ្វើសកម្មភាពភេរវកម្ម, ផ្តាច់ខ្លួន, វិទ្ធង្សនា ឬឃុបឃិតជាមួយកម្លាំងបរទេស។ ប៉ុន្តែក្រុមអ្នករិះគន់និយាយថាវាមានគោលបំណងដើម្បីបង្ក្រាបក្រុមប្រឆាំង៕