នាយកុយល្បីឈ្មោះព្រោះត្រូវទទួលចាក់វ៉ាក់សាំងប្រឆាំងកូវិត១៩មុនគេ ក្នុងចំណោមអ្នកបានទទួលមុន
03-April-2024 / ព័ត៌មានជាតិ
ភ្នំពេញ: តារាកំប្លែងជើងចាស់ នាយកុយមន្ត្រីយោធា ដែលគេស្គាល់ថា ជាតារាកំប្លែងម្នាក់ដែលប្រកបដោយសមត្ថភាព កំប្លុកកំប្លែង អស់រយ:ពេលជាយូរឆ្នាំមកហើយនោះត្រូវបានសម្តេចតេជោរំលឹកឈ្មោះពេលមានវ៉ាក់សាំងប្រឆាំងកូវិត។ 
នៅក្នុងការថ្លែងសារជូនប្រជាជនកម្ពុជា នាឱកាសដែលប្រទេសកម្ពុជា ទទួលបានជំនួយឧបត្ថម្ភជាវ៉ាក់សាំង មួយលានដូស ពីសាធារណរដ្ឋប្រជាមានិតចិន។ សម្តេចតេជោហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជា បានចូល Comments ដោយមានប្រសាសន៍ថា៖ លោកកុយ គួរទទួលវ៉ាក់សាំងមុនគេ ក្នុងចំណោមអ្នកទទួលមុន។ទទួលបានវ៉ាក់សាំង និងមានហាងឆេងខ្ពស់។
នៅក្រោយ ពេលដែលសម្តេចថ្លែងមានប្រសាសន៍នៅក្នុងComments ដូច្នេះ លោកកុយក៏បានបង្ហោះសារ តាមបណ្តាញសង្គមហ្វេកបុកយ៉ាងដូចនេះថា:
ថ្ងៃនេះខ្ញុំសប្បាយចិត្តសម្ដេចអគ្គមហាសេនាបតីតេជោហ៊ុនសែន ជានាយករដ្ឋមន្ត្រីនៃកម្ពុជាប្រទេសកម្ពុជាបានទទួលវ៉ាក់សាំងពីប្រទេសចិនមួយលានដូរ ហើយលោកមានប្រសាសន៍ថាលោកុយ គួរទទួលវ៉ាក់សាំងមុនគេក្នុងចំណោម អ្នកទទួលមុន។ ទទួលវ៉ាក់សាំងបាននិងមានហាងឆេងខ្ពស់ ខ្ញុំបាទសូមថ្លែងអំណរអរគុណចំពោះសម្ដេច ដែលលោកបានផ្ដល់កិត្តិយសឱ្យខ្ញុំបានចាក់វ៉ាក់សាំងមុនគេ ខ្ញុំបាទសូមជូនពរសម្ដេចទាំងទ្វេព្រមទាំងកូនប្រុសកូនស្រីចៅប្រុសចៅស្រី ឱ្យជួបតែសេច្តីសុខកុំឲ្យមានជំងឺរបៀតបៀន ដើម្បីដឹកនាំប្រទេសកម្ពុជាឲ្យបានរុងរឿងបន្តទៀត អរគុណសន្តិភាព។
ទាក់ទងនិបញ្ហាវ៉ាកសាំងប្រឆាំងកូវិត១៩នេះសម្តេចតេជោដែលទទួលបានថវិការពីការអំពាវនាវជាង៥៨លានដុល្លារអាមេរិកសម្រាប់ទិញបានប្រកាសផ្អាកឈប់ទទួលយកផងដែរ។សូម នៅយប់ថ្ងៃទី១៥ ខែមកខែមករានេះសម្តេចតេជោ ហ៊ុន សែនបានប្រកាសថា ប្រទេសចិន បានសម្រេចផ្តល់ឲ្យកម្ពុជានូវវ៉ាក់សាំងកូវីដ១៩ចំនួន ១លានដូស សម្រាប់ចាក់ឲ្យប្រជាជនកម្ពុជា ដោយឥតគិតថ្លៃ ចំនួន៥០ម៉ឺននាក់ ។ អ្នក ដែលត្រូវចាក់វ៉ាក់សាំងចិនមុនគេ គឺអ្នកនៅជុំវិញសម្តេចផ្ទាល់ ជុំវិញព្រះមហាក្សត្រ ប្រធានព្រឹទ្ធសភា និងប្រធានរដ្ឋសភា ជាដើម ។
សម្តេចតេជោ បានគូសបញ្ជាក់យ៉ាងដូច្នេះថា៖ ខ្សែត្រៀមជួរមុខ គឺក្រុមគ្រូពេទ្យ គ្រូបង្រៀន កងកម្លាំងគ្រប់ប្រភេទ មន្ត្រីយុត្តិធម៌ អ្នកបោសសម្អាត គ្រូបង្រៀន អ្នករត់ម៉ូតូឌុប ម៉ូតូកង់បី និងអ្នករត់តាក់ស៊ី នឹងត្រូវទទួលបានវ៉ាក់សាំង ដោយឥតគិតថ្លៃ និងដោយស្ម័គ្រចិត្ត ។សម្តេចតេជោ ហ៊ុន សែន បានលើកឡើងថា កន្លងមក សម្តេចបានប្រកាសថា កម្ពុជាទទួលយកតែវ៉ាក់សាំងណា ដែលអង្គការសុខភាពពិភពលោកប្រកាសទទួលស្គាល់ប៉ុណ្ណោះ។ ប៉ុន្តែមកដល់ពេលនេះ សម្តេចបញ្ជាក់ថាអង្គការសុខភាពពិភពលោក មិនទាន់ប្រកាសទទួលស្គាល់វ៉ាក់សាំងរបស់ក្រុមហ៊ុនណាមួយនៅឡើយទេ។
សម្តេចតេជោ ហ៊ុនសែន បានបញ្ជាក់ថា កម្ពុជាមានភាពចាំបាច់ ត្រូវតែទទួលយកវ៉ាក់សាំងកូវីដ១៩ របស់ក្រុមហ៊ុនចិន គឺស៊ីណូហ្វាម ដើម្បីចាក់ជូនប្រជាជនកម្ពុជា ខណៈដែលវ៉ាក់សាំងរបស់ចិននេះត្រូវបានចាក់នៅប្រទេសជាច្រើនរួចមកហើយក្នុងនោះ មានទាំងមេដឹកនាំចិន និងមេដឹកនាំប្រទេសឥណ្ឌូនេស៊ី ជាដើម។ សម្តេចតេជោ ហ៊ុន សសែនបានសង្កត់ធ្ងន់ថា៖ «យើងមិនអាចរង់ចាំតទៅទៀតទេ ដោយសារតែភាពចាំបាច់ក្នុងកិច្ចការពារប្រជាជនកម្ពុជាយើង។
បញ្ជាក់ថាវ៉ាកសាំងប្រឆាំងកូវិត១៩ដែលជាផលិតផលរបស់ប្រទេសចិននេះត្រូវបានប្រទេសក្នុងអាស៊ានមានសិង្ហបុរីឥណ្ឌូណេស៊ីទទួលយកមកចាក់ជូនប្រជាពលរដ្ឋគេហើយដែរទោះបីជាអង្គការសុខភាពពីភពលោកមិនទាន់ប្រកាសទទួលស្គាល់ឲ្យប្រើជាផ្លូវការក៏ដោយ។
