លោកនាយឧត្តមសេនីយ៍ នេត សាវឿន គួរត្រួតពិនិត្យមើលពីសកម្មភាពនៃការប្រព្រឹត្តអំពើពុករលួយរបស់ក្រុមនគរបាល ចរាចរណ៍ផ្លូវគោកខេត្តសៀមរាបផង បើបណ្តែតបណ្តោយវានឹងក្លាយជាទម្លាប់ អាក្រក់ដល់ក្រុមប៉ូលីសអនុវត្តច្បាប់ចរាចរណ៍ !
27-March-2024 / ព័ត៌មានជាតិ
ភ្នំពេញ៖បន្ទាប់ពីគេហទំព័រសារព័ត៌មាន មាតុភូមិ www.meatophoum.com បានចេញផ្សាយអត្ថបទ ពាក់ព័ន្ធនឹងការអនុវត្តច្បាប់ចរាចរណ៍ របស់នគរបាល ចរាចរណ៍នៃស្នងការដ្ឋាននគរបាលខេត្តសៀមរាប ដែលមាន លោកឧត្តមសេនីយ៍ទោ ទិត្យ ណារ៉ុង ជាស្នងការនគរបាលខេត្តសៀមរាប រួចមក ។
តាមរយៈផេកហ្វេសប៊ុករបស់ការិយាល័យនគរបាលចរាចរណ៍សៀមរាប បានបង្ហោះសារលិខិត បដិសេធអំពីករណី នៃការចុះផ្សាយរបស់គេហទំព័រសារព័ត៌មាន មាតុភូមិ ដែលមានខ្លឹមសារថា: ការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តសៀមរាប មានកិត្តិយសដ៏ខ្ពង់ខ្ពស់ សូមអនុញ្ញាតិជំរាបជូនសាធារណជន និង ម្ចាស់គេហទំព័រ www.meatophoum.com ជ្រាបថា: ការិយាល័យនគរបាលចរាចរណ៍ផ្លូវគោក សូមធ្វើការបដិសេធទាំងស្រុង ចំពោះការលើកឡើងថា លោក ឡៃ លឿន ប្រធានក្រុមប៉ូលីស ចរាចរណ៍ក្រុងសៀមរាបប្រព្រឹត្តអំពើពុករលួយ ។
អំពីដំណើររឿង កាលពីថ្ងៃទី ០៦ វិច្ឆិកា ឆ្នាំ២០១៨ កម្លាំងមានសមត្ថកិច្ចនគរ បាលចរាចរណ៍ផ្លូវគោកបានចុះរឹតបន្តឹងច្បាប់ ស្តីពី ចរាចរណ៍ ផ្លូវគោក នៅវេលាម៉ង ០៧:០០នាទី ដល់ម៉ោង ១០:០០នាទី ព្រឹក ផ្លូវលោកតា ខៀវណឺយ ដែលមានទីតាំងស្ថិតនៅភូមិិវត្ត បូព៌ សង្កាត់សាលាកំរើក ក្រុងសៀមរាបខេត្តសៀមរាប។ ពេលចុះអនុវត្តច្បាប់ចរាចរណ៍ផ្លូវគោកពិតជាបានពិន័យអ្នករួមដំណើរដែលជិះម៉ូតូជាមួយឈ្មោះលោក ស៊ីម ហៀម ចំពោះអំពើល្មើសមិនប្រើប្រាស់មួកសុវត្ថិភាព តាមអនុក្រឹតលេខ ៤៤ អនក្រ.បក មាត្រា ៦ ចំនួនទឹកប្រាក់១៥០០០(ដប់ប្រាំពាន់) រៀលគត់ ដែលមានបង្កាន់ដៃបង់ប្រាក់លេខ ០៧០៥៣៥៣ និង បង្កាន់ដៃពិន័យអន្តរកាលលេខ ០៥០៨៦៤០ ។
យើង សង្ឃឺមថា លោក ស៊ីម ហៀម មិនបង្ករឿងដែលសង្គមមិនទទួល ស្គាល់ទៀតទេ ពីព្រោះអ្នកសារព៌ត៌មានតែងតែមាន វិជ្ជាជីវៈរបស់ខ្លួន ។ យើងខ្ញុំតែងតែគាំទ្រជានិច្ចនូវមតិរិះគន់ ។
សូមអរគុណ !ការដែលការិយាល័យចរាចរណ៍ បានចេញសេចក្តីប្រកាស ច្រានចោលនូវព័ត៌មានស្តីពី ករណី លោក ឡៃ លឿង ដឹកនាំ កម្លាំងសមត្ថកិច្ចអនុវត្តរឹតបន្តឹងច្បាប់ចរាចរណ៍ផ្លូវគោក ដែល ធ្វើការផាកពិន័យអ្នកបើកបរមិនគោរពច្បាប់ចរាចរណ៍ដូចរៀបរាប់ខាងលើនេះ គឺពិតជារឿងត្រឹមត្រូវនិងមានការគាំទ្រ ពីប្រជាពលរដ្ឋ ព្រោះគ្មានបុគ្គលណាម្នាក់ អាងអំណាច តួនាទី ឋាន: អ្វីក៏ដោយក៏ត្រូវតែគោរពច្បាប់ចរាចរណ៍ដូចគ្នា គ្មាន ការលើកលែងទេ កុំអាងខ្លួនជាអ្នកកាសែតនោះ ។
ប្រាវូ ! ប៉ុន្តែ ចំណុចសំខាន់ដែលលោក តា ស៊ីម ហៀម អ្នកយក ព័ត៌មានអោយអង្គភាពគេហទំព័រ សារព័ត៌មានមាតុភូមិ បានរៀបរាប់ពី សកម្មភាពនៃការប្រព្រឹត្តអំពើមិនប្រក្រតី ការផាកពិន័យលើអ្នកបើករ មិនគោរពច្បាប់ចរាចរណ៍ មានដូចជាអ្នកបើកឡាន អត់ពាក់ខ្សែក្រវ៉ាត់ការពារ ដែលការផាកពិន័យគឺ ២០០០០រៀល តែអ្នកបើកបរបង់តែ១៥០០រៀល ក៏ត្រូវប៉ូលីស យកលុយទុក ដោយមិនចាំបាច់ចេញបង្កាន់ដៃផាកពិន័យឲ្យ និងអ្នកបើកម៉ូតូអត់ពាក់មួកសុវត្ថិភាព ត្រូវផាកពិន័យចំនួន ១៥០០០រៀល តែបើអ្នកបើកបរបង់ត្រឹមចំនួន១០០០០រៀល ក៏ប៉ូលីសយកទុកដែរ គឺអត់ចេញបង្កាន់ដៃអោយទេ។ បើចេញ បង្កាន់ដៃអោយគឺ ១៥០០០រៀលដូចរូបគាត់ ( ស៊ីម ហៀម ) មានតឹកតាងបង្ហាញនេះចឹងមានការចោទប្រកាន់ស្អី ?។
ត្រង់ចំណុចការលើកឡើង របស់លោកតាហៀម បញ្ជាក់ក្នុងគេហទំព័រ មាតុភូមិបែជា មិនត្រូវបានខាងការិយាល័យចរាចរណ៍ផ្លូវគោក នៃស្នងការដ្ឋាន នគរបាលខេត្តសៀមរាបលើកយកមកបកស្រាយពន្យល់បញ្ជាក់ពីទង្វើប្រព្រឹត្តខុសឆ្គង និងជាសកម្មភាពប្រព្រឹត្តអំពើ ពុករលួយ របស់ក្រុម លោក ឡៃ លឿន ដែលប្រឆាំងនឹងច្បាប់ប្រឆាំងអំពើពុករលួយ នោះឡើយតើហេតុអី?។
ដូច្នេះអង្គភាពកាសែតមានតុភូមិចាត់ទុកការចេញប្រកាសច្រានចោលព័ត៌មានក្នុងហ្វេសប៊ុកនៃការិយាល័យចរាចរណ៍ផ្លូវគោក នៃស្នងការដ្ឋានខេត្តសៀមរាបគឺពុំមានតម្លាភាពមិនព្រមទទួលស្គាល់កំហុសខ្លួនឯងនោះទេ ។ អង្គភាពសារព័ត៌មាន មាតុភូមិ សង្ឃឹមមានជំនឿជឿជាក់លើលោកនាយឧត្តមសេនីយ៍ នេត សាវឿន អគ្គស្នងការនគរ បាលជាតិ លោកនឹងពិនិត្យស្រាវជ្រាវអំពីកណីនេះឡើងវិញ ជាមិនខាន ។ ការិយាល័យនិពន្ធយើងស្វាគមន៍គ្រប់ពេល នៃការប្រតិកម្មឆ្លើយតប ពីគ្រប់ភាគីពាក់ព័ន្ធ ដើម្បីចេញផ្សាយបំភ្លឺជូនសាធារណជន ៕ ដោយ: សុផល Tel : 012 953 824 / 086 911 920
