វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3103 នាក់
ម្សិលមិញ 6501 នាក់
សរុប 13951658 នាក់
ថៃ៖ នារីជនជាតិខ្មែរម្នាក់នៅខេត្តកណ្តាល ត្រូវបានមិត្តភ័ក្ដិធ្វើការជាមួយ បោះបង់ចោលនៅម្ដុំហ្វែត8 ក្នុងតំបន់និគមអាំម៉ាតាក់សិធីស្ថិតនៅក្នុងស្រុកផានថងខេត្តឈុនបុរីប្រទេសថៃ កាលពីថ្ងៃទី២២ ខែសីហា ឆ្នាំ២០២០។ ។នារីរងគ្រោះ មានឈ្មោះ ឈឿន សុខលីនអាយុ ២៩ ឆ្នាំ ស្រុកកំណើតរស់នៅភូមិព្រែកបាក់ ឃុំព្រែកទន្លាប់ ស្រុកលើកដែក ខេត្តកណ្តាល។នេះបើតាមប្រភពពីឈ្មោះ Pheaktra ប្រាប់ឲ្យដឹង។
តែសំណាងល្អនាងត្រូវបានបុរសជនជាតិថៃចិត្តធម៍ម្នាក់ ជួយយកអាសារ។ គាត់បានសរសេរនៅក្នុងបណ្តាញសង្គមថា គាត់បានប្រទះឃើញនារីជនជាតិខ្មែរខាងលើដើរបណ្ដើរយំបណ្ដើរ នៅតាមដងផ្លូវម្ដុំហ្វែត8 ក្នុងស្ថានភាពគ្មានកម្លាំងកំហែងគ្មានប្រាក់ជាប់ខ្លួន គ្មានញាតិនៅតំបន់នេះទៀត ហើយថែមទាំងមិនចេះនិយាយភាសាថៃទៀតផង។ ពេលឃើញគួរឲ្យអាណិតបែបនេះ បុរសជនជាតិថៃរូបនោះ ក៏នាំនាងទៅកាន់អធិការដ្ឋានតម្រួតប៉ុស្តិ៍ផានថង ។
នៅទីនោះមានអ្នករត់ម៉ូតូឌុប ចេះនិយាយភាសាខ្មែរខ្លះៗ បានសួរនាំនាងអំពីមូលហេតុដែលកើតឡើង។នាងបានប្រាប់ថា នាងត្រូវមិត្តភ័ក្ដិយកមកបោះបង់ចោលហើយពេលនេះ នាងឃ្លានបាយខ្លាំងណាស់ ឮដូច្នោះ បុរសជនជាតិថៃចិត្តធម៌ ដែលនាំនាងមកបានទៅទិញបាយទិញទឹក និងនំមួយចំនួនឲ្យនាងហូប ដើម្បីបន្ធូរភាពហេវហត់ព្រមទាំងផ្ដល់ប្រាក់បន្តិចបន្តួច ដល់នាងសម្រាប់ទិញរបស់ហូបចុកតទៅមុខទៀត។
បុរសជនជាតិថៃចិត្តធម៌នោះ ក៏បានបញ្ជាក់ឲ្យដឹងជាមួយដំណឹងល្អផងដែរថា វេលាម៉ោង១០និង៣០នាទីយប់ថ្ងៃដដែលនោះ មានថៅកែចិត្តធម៌ម្នាក់ ព្រមទទួលយកនាងទៅធ្វើការជាមួយ ព្រោះកន្លែងធ្វើការគាត់ ក៏មានកម្មករខ្មែរធ្វើការផងដែរ។នេះចាត់ទុកជាសំណាងល្អហើយ និងក៏សូមអរគុណជំនួសផងដែរ ចំពោះទឹកចិត្តដ៏ល្អរបស់បុរសជនជាតិថៃម្នាក់នោះ ដែលបានជួយដល់ពលករខ្មែរខាងលើ។ករណីយ៍មួយនេះក៏ជាមេរៀនសម្រាប់បងប្អូនខ្មែរទាំងអស់ ដែលជាពលករ មុននឹងសម្រេចចិត្តចំណាកស្រុក សូមគិតពិចារណាឲ្យបានច្បាស់សិន។