វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5156 នាក់
ម្សិលមិញ 8227 នាក់
សរុប 14132037 នាក់
ភ្នំពេញ៖លោក ខាំ ខឿន អតីតអភិបាល នៃគណៈអភិបាលខេត្តរតនគិរីត្រូវបានស្ថាប័នតុលាការសម្រេចផ្ដន្ទាទោសដាក់ពន្ធនាគារកំណត់១៧ឆ្នាំ ពីបទទទួលសំណូក បំផ្លាញបរិស្ថាន និងផ្ដល់ព័ត៌មាននូវរបាយការណ៍ក្លែងបន្លំជាលាយលក្ខណ៍អក្សរ តាមអំណាចសាលក្រមព្រហ្មទណ្ឌស្ថាពរលេខ ១៣៨«ខ» ចុះថ្ងៃទី២៣ ខែវិច្ឆិកា ឆ្នាំ២០០៦ របស់សាលាដំបូងរាជធានីភ្នំពេញ ។
ពាក់ពន្ធ័រឿងអាស្រូវកាប់បំផ្លាញព្រៃឈើនៅតំបន់កន្ទុយនាគ ឧទ្យានជាតិវីរៈជ័យ លោក ខាំ ខឿន ឋានន្តរស័ក្ដិឧត្តមមន្ដ្រី ថ្នាក់លេខ២ ត្រូវបានសម្រួលភារកិច្ចពីអភិបាលខេត្តរតនគិរី ឲ្យទៅបម្រើការងារនៅទីស្ដីការក្រសួងមហាផ្ទៃ ដោយរក្សាឋានន្តរស័ក្ដិ និងថ្នាក់ដដែល ដើម្បីបើកការស៊ើបអង្កេតស្រាវជ្រាវ ដោយព្រះរាជក្រឹត្យលេខ នស/រកត/០១០៦/០១៩ ចុះថ្ងៃទី២០ ខែមករា ឆ្នាំ២០០៦ ។លុះក្រោយទទួលរងការផ្ដន្ទាទោសដាក់ពន្ធនាគារ តាមការសម្រេចរបស់ស្ថាប័នតុលាការ គឺលោក ខាំ ខឿន ក៏បានក្លាយជាទណ្ឌិត និងត្រូវបានលុបឈ្មោះចេញពីក្របខ័ណ្ឌមន្ដ្រីរដ្ឋបាលជាន់ខ្ពស់ក្រសួងមហាផ្ទៃ ដោយព្រះរាជក្រឹត្យលេខ នស/រកត/០២១០/១៤៤ ចុះថ្ងៃទី១២ ខែកុម្ភៈ ឆ្នាំ២០១០ ។រយៈពេលប្រមាណជិត១១ឆ្នាំក្រោយជាប់ឈ្មោះជាទណ្ឌិត គឺទណ្ឌិតឈ្មោះ ខាំ ខឿន ក៏ទទួលបានការលើកលែងទោស ដោយព្រះរាជក្រឹត្យលេខ នស/រកត/០២១៧/២១១ ចុះថ្ងៃទី២៤ ខែកុម្ភៈ ឆ្នាំ២០១៧ ។
នៅក្រោយពេលទទួលបានការលើកលែងទោសរួចហើយប្រមាណជាង៥ឆ្នាំ មកដល់អំឡុងចុងឆ្នាំ២០២២លោក ខាំ ខឿនបែជាមានឈ្មោះ ត្រូវបានដាក់ឲ្យចូលនិវត្តន៍ ចាប់ពីថ្ងៃទី១៥ ខែកក្កដា ឆ្នាំ២០១៧ ក្នុងឋានន្តរស័ក្ដិឧត្តមមន្ដ្រី ថ្នាក់លេខ១ នៃក្របខ័ណ្ឌមន្ដ្រីរដ្ឋបាលជាន់ខ្ពស់ក្រសួងមហាផ្ទៃ ទៅវិញ ដោយព្រះរាជក្រឹត្យលេខ នស/រកត/០៩២២/១១៦៨ ចុះថ្ងៃទី២៤ ខែកញ្ញា ឆ្នាំ២០២២ ។អនុលោមតាមស្មារតីព្រះរាជក្រឹត្យលេខ នស/រកត/០៩២២/១១៦៨ចុះថ្ងៃទី២៤ ខែកញ្ញា ឆ្នាំ២០២២ និងស្មារតីព្រះរាជក្រឹត្យលេខ នស/រកត/០២១០/១៤៤ ចុះថ្ងៃទី១២ ខែកុម្ភៈ ឆ្នាំ២០១០ គឺបានបង្ហាញឲ្យឃើញថា លោក ខាំ ខឿន ឋានន្តរស័ក្ដិឧត្តមមន្ដ្រី ថ្នាក់លេខ២ នៃក្របខ័ណ្ឌមន្ដ្រីរដ្ឋបាលជាន់ខ្ពស់ក្រសួងមហាផ្ទៃ ដែលបានលុបឈ្មោះចេញពីក្របខ័ណ្ឌរួចហើយនោះ បែជាទទួលបានការឡើងឋានន្តរស័ក្ដិពីឧត្តមមន្ដ្រី ថ្នាក់លេខ២ មកឧត្តមមន្ដ្រី ថ្នាក់លេខ១ ផង និងមានឈ្មោះដាក់ឲ្យចូលនិវត្តន៍ ក្នុងក្របខ័ណ្ឌមន្ដ្រីរដ្ឋបាលជាន់ខ្ពស់ក្រសួងមហាផ្ទៃ ដើម្បីទទួលបានប្រាក់សោធននិវត្តន៍ ទៅវិញ ។បើគិតទៅដល់ច្បាប់សហលក្ខខន្តិកៈមន្ត្រីរាជការស៊ីវីលដូចជាងចង់វង្វេងល្ម៉េចមិនដឹងទេរដ្ឋបាលសាធារណៈស្រុកយើង៕