វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5413 នាក់
ម្សិលមិញ 6001 នាក់
សរុប 13878243 នាក់
អាមេរិក៖អង្គការណាសា (NASA)ទើបតែបានបាញ់រ៉ុក្កែត AtlasVអមដំណើរយាន Roverមួយឈ្មោះថា Perseveranceចេញពីតំបន់ CapeCanaveralក្នុងរដ្ឋ Floridaកាលពីចុងខែកក្កដាកន្លងទៅនេះ នៅក្នុងបេសកកម្មទៅកាន់ភពព្រះអង្គាររបស់ខ្លួន ដើម្បីសិក្សាពីភូមិសាស្ត្រ និងលទ្ធភាពនៃវត្ថុមានជីវិត -ល- ។
យានអវកាសនេះគ្រោងទៅដល់ភពព្រះអង្គារនៅខែកុម្ភៈ ឆ្នាំ២០២១។ ប៉ុន្តែអ្វីដែលជាការចាប់អារម្មណ៍នោះគឺ មានស្ត្រីជាវិស្វករកំណើតខ្មែរយើងម្នាក់ បានចូលរួមចំណែកនៅក្នុងការបង្កើតយាន Perseveranceនេះឡើងរាប់ឆ្នាំមកហើយ។
សារព័ត៌មានម៉ែគូរីនីវ( MercuryNewបានឱ្យដឹងថា ស្ត្រីវិស្វករខ្មែរយើងម្នាក់នោះមានឈ្មោះថានីស៊ូអ៊ូកន( NySou Okon) ។អ្នកស្រី និងស្វាមី បានធ្វើការជាវិស្វករនៅមន្ទីរ Jet Propulsion Laboratoryរបស់អង្គការណាសារាប់ឆ្នាំមកហើយ ដើម្បីបង្កើតយានរ៉ូវើ( Rover)ឈ្មោះថា Perseveranceជាមួយវិស្វករអាមេរិកដទៃទៀត។ អ្នកស្រី Ny Sou Okonបានបញ្ចប់ការសិក្សាពីសាកលវិទ្យាល័យកាលីហ្វ័រញ៉ា ហើយគាត់ជាមនុស្សដែលមានការព្យាយាម និងមិនគ្រាន់តែរៀនដើម្បីចប់យកសញ្ញាប័ត្រនោះទេ ទើបនៅទីបំផុតបានធ្វើការជាមួយ JPLរបស់អង្គការណាសា។
ថ្វីបើអ្នកស្រី NySouOkonបានបញ្ចប់ការសិក្សាពីសាកលវិទ្យាល័យរបស់អាមេរិក និងបានចូលរួមចំណែកក្នុងការបង្កើតយាន Perseverance ឱ្យអង្គការណាសា ប៉ុន្តែជីវិតរបស់គាត់និងគ្រួសារ គឺធ្លាប់បានឆ្លងកាត់ការលំបាកច្រើនណាស់។ អ្នកស្រីបានប្រាប់កាសែតថា គាត់បានទៅដល់អាមេរិកកាលពីអំឡុងអាយុ ៥ ទៅ ៦ឆ្នាំ បន្ទាប់ពីប្រទេសកម្ពុជាបានប្រឈមនឹងរបបប្រល័យពូជសាស្ត្រខ្មែរក្រហម។ មុននោះគាត់ក៏ធ្លាប់បានទៅរស់នៅវៀតណាមដើម្បីគេចពីខ្មែរក្រហម និងត្រឡប់មកកម្ពុជាវិញ ប៉ុន្តែដោយសារតែភ្លាមៗក្រោយមានសង្គ្រាមស្ថានភាពមិនបានប្រសើរឡើង ទើបគ្រួសាររបស់គាត់តស៊ូរហូតបានទៅរស់នៅអាមេរិកស្វែងរកក្ដីសង្ឃឹមថ្មី៕