» កម្ពុជា​បញ្ជូន​តំណាង​ទៅ លើកទឹកចិត្ត​ដល់​វិនិយោគិន​កូរ៉េ ឱ្យ​បន្ត​ស្វែងរក​ឱកាស​វិនិយោគ នៅ​កម្ពុជា​ » រដ្ឋមន្ត្រីការបរទេស​វៀតណាម​ទៅ​ធានា​នៅ​អាមេរិក​ថា​គ្មាន​បញ្ហា​រឿង​ប្រធានាធិបតី​លាលែង​! » ខ្មាន់កាំភ្លើង​ខ្លី​បាន​បាញ់រះ​ចំនួន​០៦​គ្រាប់ ទម្លុះ​ទ្វារផ្ទះ​អ្នកលក់​ទូរស័ព្ទ និង​គ្រឿងអគ្គិសនី​មួយកន្លែង​ម្ចាសផ្ទះ​ថា​អត់​ដឹង​ហង​! » មន្ត្រី​សុរិយោដី​ស្រុក​សំរោង​ទង ស្រវឹងស្រា​បើកឡាន​បុក​ផ្ទាំង​ផ្សាយពាណិជ្ជកម្ម​នៅ​សួនច្បារ​សម្តេចព្រះសង្ឃរាជ ជួន ណាត » ក្រុមហ៊ុនចិន១៧ស្វែងយល់ពីឱកាសវិនិយោគនៅកម្ពុជា » លោក​កើត រិ​ទ្ធ រដ្ឋមន្ត្រីក្រសួង​យុ​ត្តិ​ធ​ម៍​ប្រកាស​បើក​យុទ្ធនាការ​លុប​ពាក្យ​បណ្តាសា ត្រី​មួយ​កន្ត្រក​ស្អុយ​មួយ ស្អុយ​ទាំងអស់​ក្នុង​ប្រព​ន្ធ័​យុ​ត្តិ​ធ​ម៍​ » រុស្ស៊ី​ធ្វើ​សមយុទ្ធ​ក្នុង​សមុទ្រ​ក្បែរ​កោះ​ជប៉ុន​និង​បាន​ព្រមាន​ជប៉ុន​រឿង​លក់​អាវុធ​ចេញ​! » រកឃើញ​ត្រី​លក់​នៅ​ផ្សារ​សាម​គ្គិ​ស្ទឹងត្រែង​មាន​ជាតិពុល​ » រកឃើញ​កន្លែង​បន្លំ​ធ្វើ​ឈាមជ្រូក​និង​សណ្តែកបណ្តុះ​មាន​ជាតិគីមី​ » អ្នកស្រុក​ក្រុង​ហុងកុង នាំគ្នា​តវ៉ា​ប្រឆាំងនឹង​ច្បាប់​សន្តិសុខ​ជាតិ​ថ្មី​ដែល​ទើបបាន​អនុ​ម័​ដែលបិទសេរីភាព » តើករណីយ៍ក្រុមហ៊ុនវិនិយោគCICបោកលុយប្រជាពលរដ្ឋសមត្តកិចរដ្ឋចង់អូសបន្លាយ? » បំបែកសំណុំរឿង​ឃាតកម្ម​សម្លាប់​ញាត់​សព​ក្នុង​វ៉ា​លី​នៅ​ភ្នំពេញ យកទៅ​បោះចោល​នៅ​ខេត្តកោះកុង​ » ក្រសួង​វប្ប​ធ​ម៍​និងឧបនាយករដ្ឋមន្ត្រីហ៊ុនម៉ានីប្រតិកម្ម​រឿង​មិន​រៀបចំ​ស​ង្ក្រា​ន​​ទូរទស្សន៍​ហង្ស​មាស​សុំទោស​ » ហ្វីលីពីន​ថា​៖​ចិន​ថា​កំពុង​ធើ្វ​ការដាក់​ពង្រាយ​របាំង​អណ្តែត​ទឹក​ក្នុង​តំបន់​ជម្លោះ​សមុទ្រ​ចិន​ខាងត្បូង​ » ក្រៅពី​ចុះ​អនុស្សរណៈ​យោគយល់​គ្នា លើ​ឯកសារ​ចំនួន ៧​ជាមួយ​ឡាវ​នាក​យក​រដ្ឋមន្ត្ក្រីកម្ពុជាប្រកាស​ជួយ​១​លាន​ដុល្លារ​ផងដែរ

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 2970 នាក់

ម្សិលមិញ 6501 នាក់

សរុប 13951525 នាក់

ក្តៅ​គេ​រិះគន់​ប្រធានាធិបតី​ប្រេ​ស៊ី​ល​បដិសេធ​មិន​ទទួល​ជំនួយ​ពន្លត់ភ្លើង​ឆេះ​ព្រៃ​អា​ម៉ា​ហ្សូ​ន​

 

​ប្រេ​ស៊ី​ល​៖ រដ្ឋាភិបាល​ប្រេ​ស៊ី​ល​បាន​បដិសេធ «​មិន​ទទួលយក​» ថវិកា​ជំនួយ​ពី​ប្រទេស​កំពូល​សេដ្ឋកិច្ច​ទាំង​៧( G7) ដែល​ចង់​ចូលរួម​ជួយ​កិច្ចប្រឹងប្រែង​ពន្លត់ភ្លើង ដែល​កំពុង​ឆេះ​ព្រៃ​អា​ម៉ា​ហ្សូ​ន (Amazon) ឡើយ​។ នេះ​បើតាម ទីភ្នាក់ងារ​ព័ត៌មាន​បារាំង AFP នៅ​រសៀល​ថ្ងៃ​អង្គារ ទី​២៧ ខែសីហា ឆ្នាំ​២០១៩​។​a brazil ma2 

​ក្នុង​កំឡុង​កិច្ចប្រជុំ​កំពូល G7 ប្រធានាធិបតី​បារាំង លោក ម៉ា​ក្រុង បាន​និយាយថា មេដឹកនាំ​នៃ​ប្រទេស G7 បាន​ព្រមព្រៀងគ្នា​ថា នឹង​ផ្តល់ជំនួយ​ជា​ថវិកា​ចំនួន ២០​លាន​អឺរ៉ូ (​ជាង​២២​លាន​ដុល្លារ​អាមេរិក​) ដើម្បី​ជួយ​ប្រទេស​នៅ​តំបន់​ព្រៃ​អា​ម៉ា​ហ្សូ​ន ទប់​ទល់នឹង​បញ្ហា​ភ្លើង​ឆេះ​ព្រៃ​ដ៏​អាក្រក់​។ តែ​ទីប្រឹក្សា​របស់​ប្រធានាធិបតី​ប្រេ​ស៊ី​ល បាន​និយាយថា «​យើង​អរគុណ​ហើយ ប៉ុន្តែ​ប្រហែលជា​ធនធាន​ជំនួយ​នេះ​គួរតែ​យកទៅ​ប្រើប្រាស់ ក្នុង​ការដាំដុះ​ព្រៃឈើ​ឡើងវិញ​នៅ​អឺរ៉ុប​គឺ​ល្អ​ជាង​»​។​

​ផ្ទុយទៅវិញ​ឈី​លី ដែលមាន​ចំណែក​គ្រប់គ្រង ព្រៃ​អា​ម៉ា​ហ្សូ​ន​មួយផ្នែក​បានប្រកាស​ស្វា​គម​ទទួលយក ជំនួយ​ពី​ក្រុម​ប្រទេស​ហ្សេ ៧ ដោយ​ថា ប្រទេស​ដែលមាន​ព្រៃ​អា​ម៉ា​ហ្សូ​ន ត្រូវការ ជំនួយ​បន្ទាន់ ដូចជា ក្រុម​ពន្លត់​អគ្គិភ័យ និង​យន្តហោះ​ពិសេស​ដើម្បី​ដឹក​ទឹក​ទៅ​ពន្លត់ ភ្លើង​ឆេះ​ព្រៃ​អា​ម៉ា​ហ្សូ​ន​។ ក្រៅតែពី​ជំនួយ​បន្ទាន់​សម្រាប់​ពន្លត់ភ្លើង​ឆេះ​ព្រៃ អា​ម៉ា​ហ្សូ​ន ក្រុម​ប្រទេស​មហា​ឧស្សាហកម្ម ហ្សេ ៧ បាន​ព្រមព្រៀងគ្នា​ផងដែរ ថា នឹង​ផ្តល់​កញ្ចប់​ថវិកា ៣០​លាន​ដុល្លារ ផ្សេងទៀត សម្រាប់​គម្រោង​ដាំ​ដើមឈើ​ឡើងវិញ នៅ​ព្រៃ អា​ម៉ា​ហ្សូ​ន នៅក្រោយ​ភ្លើង​ឆេះ​ព្រៃ​លើក​នេះ​។

តាម​ប្រធានាធិបតី​បារាំង លោក​អេ​ម៉ា​នុយ​អែល ម៉ា​ក្រុង គម្រោង​ទឹកប្រាក់ ជំនួយ​ទី​២ នឹងត្រូវ​លើកយក​ទៅ​ជជែក​នៅក្នុង​កិច្ចប្រជុំ​របស់​អង្គការសហប្រជាជាតិ នៅ​ខែកញ្ញា​ខាងមុខ និង​ថា វា​អាច​កើតឡើង​ទៅបាន លុះ​ណា​មានការ​យល់ព្រម​ព្រៀង ពី​ភាគី​ប្រេ​ស៊ី​ល ផ្ទាល់ ហើយ​និង​ប្រទេស ៨​ផ្សេងទៀត ដែលជា​ម្ចាស់​ព្រៃ អា​ម៉ា​ហ្សូ​ន​។​

​ប្រធានាធិបតី​បារាំង បាន​ឲ្យ​ដឹង ពី​សំណើ​ចង់​ឲ្យ​គេ​បង្កើត​លក្ខន្តិកៈ​អន្តរជាតិ សម្រាប់​ព្រៃ​អា​ម៉ា​ហ្សូ​ន ក្នុងករណី ដែល​ថ្នាក់ដឹកនាំ របស់​ប្រទេស នៅក្នុង​តំបន់ អា​ម៉ា​ហ្សូ​ន ធ្វើ​នយោបាយ បំផ្លាញ បរិស្ថាន របស់​ផែនដី​ដែល​ប៉ះពាល់​ដល់ ប្រធានាធិបតី ប្រេ​ស៊ី​ល លោក​បុល​សូ​ណា​រ៉ូ ដែល រង​ការរិះគន់ ថា ជា​អ្នក​នៅ​ពីក្រោយ ជំរុញ ឲ្យ​មានការ​កាប់ឆ្ការ ដុត​ព្រៃ អា​ម៉ា​ហ្សូ​ន យ៉ាង​សស្រាក់សស្រាំ ដើម្បី​ពង្រីក​យក​ដី ធ្វើ​កសិកម្ម ពោល គឺ​ដើម្បី​ប្រយោជន៍​សេដ្ឋកិច្ច ដោយ​មិន​ខ្វល់​ពី​បញ្ហា​បរិស្ថាន​។ តំបន់​ព្រៃ​អា​ម៉ា​ហ្សូ​ន គ្របដណ្ដប់​លើ​ប្រទេស​ដូចជា ប្រេ​ស៊ី​ល​, បូ​លី​វី​, កូ​ឡុំ​ប៊ី​, អេ​ក្វា​ដ័​រ​, ដែនដី​បារាំង​ហ្គី​យ៉ាណា (French Guiana), ហ្គូ​យ៉ាណា (Guyana), ប៉េ​រូ​, ស៊ូ​រី​ណេ​ម (Suriname) និង​ប្រទេស​វេ​ណេ​ស៊ុយ​អេ​ឡា ខណៈ​៦០​ភាគរយ គឺ​ស្ថិត​ក្នុងប្រទេស​ប្រេ​ស៊ី​ល ដែលជា​កន្លែង​មាន​ករណី​ឆេះ​ច្រើនជាងគេ​។​

​ក្រៅពី​ទំនាស់​គ្នា​រឿង​បរិស្ថាន​ដោយសារ​ព័ត៌មាន CNN នៅ​ព្រឹក​ថ្ងៃ​អង្គារ ទី​២៧ ខែសីហា ឆ្នាំ​២០១៩​បាន​ឲ្យ​ដឹងថា​៖​លោក​ប្រធានាធិបតី​បារាំង​លោក អែម​ម៉ា​នុយ​អែល ម៉ា​ក្រុង បាន​ហៅ​លោក ហ្ស៊ែ​រ បូល​សូ​ណា​រ៉ូ (Jair Bolsonaro) ថា «​ជា​មនុស្ស​គ្មាន​ការគោរព​ទាល់តែសោះ​»​។​ការ​ប្រតិកម្ម​បែបនេះ​គឺ បន្ទាប់ពី​ប្រធានាធិបតី​ប្រេ​ស៊ី​ល​រូបនេះ​ឆ្លើយឆ្លង​សារ​នៅលើ Facebook បែប​ចំអក​ឡក​លើ​យ​ដាក់​ភរិយា​របស់លោក​ម៉ា​ក្រុង គឺ​លោកស្រី ប្រ៊ី​ហ្គី​តេ ម៉ា​ក្រុង (Brigitte Macron)​។

នៅក្នុង​សារ​បង្ហោះ​លើ​ទំព័រ Facebook របស់លោក Bolsonaro កាលពី​ប៉ុន្មាន​ថ្ងៃ​មុននេះ អ្នកលេង Facebook ម្នាក់​បាន​ចូល​ឆ្លើយឆ្លង និង​បង្ហោះ​រូបភាព​ដោយ​ចង់​ប្រៀបធៀប រវាង​ជំទាវ​ទីមួយ​របស់​ប្រេ​ស៊ី​ល និង​ជំទាវ​ទីមួយ​របស់​បារាំង​។ ប៉ុន្តែ​អ្វីដែល​គួរឱ្យកត់សម្គាល់ នោះ​លោក Bolsonaro បាន​ចូល​ឆ្លើយឆ្លង​លើ​រូបភាព​នោះ​ដោយនិយាយ​បែប​ចំអក​ថា «​កុំ​ធ្វើឱ្យ​គាត់ (​លោក ម៉ា​ក្រុង​) អាម៉ាស់មុខ​អី​... ហាហា​!»​។​

​ដោយឡែក​ជាការ​ឆ្លើយតប លោក ម៉ា​ក្រុង បានចាត់ទុក​ប្រធានាធិបតី​ប្រេ​ស៊ី​ល​រូបនេះ «​ជា​មនុស្ស​គ្មាន​ការគោរព​ទាល់​សោះ​»​។ លោក ម៉ា​ក្រុង បានលើកឡើង​នាឱកាស​ចូលរួម​កិច្ចប្រជុំ G7 ក្នុង​ទីក្រុង ប៊ីយ៉ា​រីត (Biarritz) ប្រទេស​បារាំង នៅ​ថ្ងៃ​ចន្ទ​សប្ដាហ៍​នេះ​យ៉ាង​ដូច្នេះ​ថា «​គាត់​ជាម​នុស្ស​គ្មាន​ការគោរព ទាល់តែសោះ​ចំពោះ​ភរិយា​របស់ខ្ញុំ​... តែ​ខ្ញុំ​គិតថា​ប្រជាជន​ប្រេ​ស៊ី​ល នឹងមាន​ភាព​អៀនខ្មាស់​ចំពោះ​ឥរិយាបថ​បែបនេះ ហើយ​ខណៈ​ខ្ញុំ​មាន​មិត្តភាព​ជាច្រើន និង​គោរព​ដល់​ប្រជាជន​ប្រេ​ស៊ី​ល ខ្ញុំ​សង្ឃឹមថា​ពួកគេ​នឹងមាន​ប្រធានាធិបតី​ម្នាក់ ដែល​ផ្តោត​តែ​ទៅលើ​ការងារ​»​។​

​គួរ​បញ្ជាក់ថា បើតាម​ប្រវត្តិ​ស្នេហា​របស់លោក ម៉ា​ក្រុង និង​ភរិយា​បច្ចុប្បន្ន គឺ​ពិតជា​បានធ្វើ​ឲ្យ​ពិភពលោក កោតសរសើរ​មិន​ស្ទើរ​នោះឡើយ​កន្លងមក ព្រោះ​អ្នក​ទាំងពីរ​ពីមុន​ត្រឹមតែ​ជា​សិស្ស និង​គ្រូបង្រៀន​ប៉ុណ្ណោះ ប៉ុន្តែ​លោក ម៉ា​ក្រុង នៅតែ​បាក់ចិត្ត​ស្រឡាញ់​អ្នកគ្រូ ដែលមាន​អាយុ​បង​លោក​រហូតដល់​ទៅជា​ង ២០​ឆ្នាំ រហូត​សម្រេច​យកគ្នា​ជា​គូ​ទាល់តែ​បាន ចំពោះមុខ​ការប្រឆាំង​ពី​គ្រួសារ​។​​លោកស្រី Brigitte Macron ត្រូវបាន​គេ​ដឹងថា ជា​កម្លាំង​ជម្រុញ​ដ៏​សំខាន់​ឲ្យ​លោក ម៉ា​ក្រុង ក្លាយជា​អ្នកនយោបាយ​វ័យក្មេង​ដ៏​រឹងមាំ និង​រហូត​ក​ក្លាយជា​ប្រធានាធិបតី នៃ​ប្រទេស​បារាំង​តែម្តង​៕a brazil ma a brazil ma1 a brazil maa a amazon a amazon1