ក្មេងស្រីរងគ្រោះដែល ត្រូវជនសង្ស័យទាំង២០នាក់ រំលោភបូកបាន មកដល់អង្គការ AFESIP នៅភ្នំពេញ
21-September-2026 / សន្តិសុខសង្គម
ភ្នំពេញ៖ ក្មេងស្រីរូបនេះ ត្រូវជនសង្ស័យទាំង២០នាក់ បានប្រព្រឹត្តអំពើរំលោភសេពសន្ធវៈនៅ៣ទីតាំងផ្សេងគ្នា និង៣ថ្ងៃជាប់ៗគ្នា ពោលចាប់ពីថ្ងៃទី១៥ ១៦ និងទី១៧ ខែមេសា ឆ្នាំ២០២៤តែទើបបែកធ្លាយនៅថ្ងៃទី៣ឧសភាឆ្នាំ២០២៤តាមរយៈអ្នកស្រីម៉មសុមាលីប៉ុណ្ណោះ។
ប្រភពព័ត៌មានបានបញ្ជាក់ថា ក្មេងស្រីរងគ្រោះដោយការរំលោភបូកដែលមានគ្នាច្រើននាក់នៅកន្លែងផ្សេងគ្នា ក្នុងខេត្តសៀមរាបបានមកដល់អង្គការ AFESIP Cambodia នៅភ្នំពេញ ដោយមានការទទួលស្វាគមន៍ដោយលោកស្រី ម៉ម សុម៉ាលី ប្រធានអង្គការ ។រឿងដែលសំខាន់ក្រៅពីការលាកបាំងអ្វីដែលគួរឲ្យហួសចិត្តគឺឪពុកយុវតីរងគ្រោះត្រូវបានតុលាការចាប់ឃុំខ្លួនដោយសារតែបាប្រើហឹង្សាលើយុវជនបង្កម្នាក់ក្នុងចំណោមច្រើននាក់ដែលសមត្តកិច្ចចាប់ខ្លួនបាន។
លោក ពេជ្រ សុវ័ន្ត ជាឪពុកក្មេងស្រីរងគ្រោះដែលត្រូវបានជនសង្ស័យចំនួន ២០នាក់រំលោភបូក ត្រូវបានសមត្ថកិច្ចខេត្តសៀមរាបឃុំខ្លួនបណ្ដោះអាសន្នកាលពីថ្ងៃទី២០ ខែមេសា ក្រោយលោកវាយជនសង្ស័យដែលសមត្ថកិច្ចឃាត់ខ្លួនបានកាលពីថ្ងៃទី១៩ ខែមេសាកន្លងទៅ។ ដោយសារទប់កំហឹងមិនបានលោក ពេជ្រ សុវ័ន្ត បានប្រើហិង្សាលើជនសង្ស័យ ដែលរំលោភកូនស្រីរបស់លោកម្នាក់អាយុ១៥ឆ្នាំ ឱ្យរបួសត្រង់ភ្នែកខាងស្ដាំ និងហូរឈាមតាមច្រមុះ។ មួយថ្ងៃបន្ទាប់ពោលនៅថ្ងៃទី២០ ខែមេសា ម្ដាយជនសង្ស័យបានដាក់ពាក្យបណ្ដឹងប្រឆាំងលោក ពេជ្រ សុវ័ន្ត។
បន្ទាប់ពីបែកធ្លាយរឿងអយុត្តិធម៍នេះរដ្ឋមន្ដ្រីក្រសួងយុត្តិធម៌ លោក កើត រិទ្ធ បានបញ្ជាក់ថាអំពើហិង្សា ជាអំពើខុសនឹងច្បាប់ព្រហ្មទណ្ឌ និងថាការឃាត់ខ្លួនអ្នកប្រព្រឹត្តពេលមានបណ្ដឹងពីជនរងគ្រោះ ជារឿងត្រឹមត្រូវតាមផ្លូវច្បាប់។ តែលោកមិនភ្លេចបញ្ជាក់ថាការសម្រេចឃុំខ្លួនបណ្ដោះអាសន្ន ធ្វើឡើងក្នុងករណីចាំបាច់ប៉ុណ្ណោះ។ ចំពោះករណីឪពុកក្មេងស្រីរងគ្រោះមកដល់ពេលបច្ចុប្បន្ននេះ លោក កើត រិទ្ធ ថាវិធានការឃុំខ្លួនលែងមានភាពចាំបាច់ទៀតហើយ។ លោកស្នើឱ្យតុលាការខេត្តសៀមរាប គប្បីប្រើវិធានការដាក់ឱ្យស្ថិតក្រោមការត្រួតពិនិត្យតាមផ្លូវតុលាការជំនួសឱ្យការឃុំខ្លួនវិញ។
បើតាមសេចក្ដីថ្លែងការណ៍របស់សាលាដំបូងខេត្តសៀមរាបឲ្យដឹងថា ជនបង្កតែ៥នាក់ប៉ុណ្ណោះដែលបានឃាត់ខ្លួន និងឃុំខ្លួន។ ដោយឡែកមានសង្ស័យម្នាក់ត្រូវបានដោះលែង ដោយសារតុលាការរកមិនឃើញភស្ដុតាងគ្រប់គ្រាន់ ដើម្បីចោទប្រកាន់ និងស្របតាមការស្នើសុំរបស់មេធាវី និងអាណាព្យាបាលជនសង្ស័យ។ តែជនពាក់ព័ន្ធផ្សេងទៀតចំនួន១៤នាក់ មិនទាន់ឃាត់ខ្លួនបាននៅឡើយ ដោយសារពួកគេពុំមានអត្តសញ្ញាណគ្រប់គ្រាន់។ នេះបើតាមសាលាដំបូងខេត្តសៀមរាប។លោក អំ សំអាត នាយកប្រតិបត្តិនៃអង្គការសិទ្ធិមនុស្សលីកាដូ បានប្រាប់កាសែតនៅថ្ងៃទី៤ ឧសភាថា តុលាការ និងសមត្ថកិច្ចគួរស្វែងរកជនពាក់ព័ន្ធមកអនុវត្តទោសតាមផ្លូវច្បាប់ ព្រោះនេះជារឿងឃោឃៅ និងជាបទឧក្រិដ្ឋធ្ងន់ធ្ងរ។
ពាក់ព័ន្ធនឹងការសម្រេចឃុំខ្លួនឪពុកក្មេងស្រីរងគ្រោះ នាយកប្រតិបត្តិនៃអង្គការសិទ្ធិមនុស្សលីកាដូរូបនេះថា តុលាការខេត្តសៀមរាបរងការរិះគន់យ៉ាងខ្លាំងពីអ្នកប្រើប្រាស់បណ្ដាញសង្គម។ បើតាមសាលាដំបូងខេត្តសៀមរាបដដែល ជនសង្ស័យទាំង២០នាក់ បានប្រព្រឹត្តអំពើរំលោភសេពសន្ធវៈនៅ៣ទីតាំងផ្សេងគ្នា និង៣ថ្ងៃជាប់ៗគ្នា ពោលចាប់ពីថ្ងៃទី១៥ ១៦ និងទី១៧ ខែមេសា។ យ៉ាងណា ក្មេងស្រីដែលរងគ្រោះពីអំពើរំលោភបូកនេះ ត្រូវបានអង្គការ Afesip Cambodia របស់អ្នកស្រី ម៉ម សុម៉ាលី យកទៅព្យាបាល។ទោះបីយ៉ាងណាបន្ទាប់ពីដឹងដល់រដ្ឋមន្ត្រីក្រសួងយុត្តិធម៍តុលាការខេត្តសៀមរាបសម្រេចដោះលែងឪពុកក្មេងស្រីរងគ្រោះឱ្យនៅក្រៅឃុំហើយ ក្នុងសំណុំរឿងរំលោភបូកលើនារីវ័យ១៥ឆ្នាំម្នាក់នៅខេត្តសៀមរាប ក្រោយមានសំណើពីក្រសួងយុត្តិធម៌។
ទាក់ទងនឹងចំណាត់ការលើជនសង្ស័យដែលប្រព្រឹត្តអំពើរំលោភជាក្រុមវិញ សាលាដំបូងខេត្តសៀមរាប បានអះអាងថា តុលាការសម្រេចចោទប្រកាន់ជនសង្ស័យចំនួន១៤នាក់ បន្ទាប់ពីពិនិត្យភស្តុតាង ចម្លើយជនរងគ្រោះ និងជនសង្ស័យ។ ប៉ុន្តែមកទល់នឹងថ្ងៃទី៣ឧសភានេ បច្ចុប្បន្ន អាជ្ញាធរទើបតែឃាត់ខ្លួន និងសម្រេចឃុំជនសង្ស័យបាន៥នាក់ប៉ុណ្ណោះ ខណៈជនសង្ស័យបន្តគេចខ្លួន។ប្រភពពីសមត្ថកិច្ចបានប្រាប់នៅល្ងាចថ្ងៃទី៣ ខែ ឧសភា ឆ្នាំ២០២៤ នេះថា ការិយាល័យប្រឆាំងការជួញដូរមនុស្ស បានបញ្ជួនជនសង្ស័យទៅសាលាដំបូងខេត្តសៀមរាប ចំនួន៦នាក់ ករណីរំលោ.ភសេពសន្ថវ:(រំលោភបូក) ១-ឈ្មោះ អ៊ីម វណ្ណអ៊ីន ភេទប្រុស អាយុ១៥ឆ្នាំ មុខរបរ (គ្មាន) ទីលំនៅភូមិវត្តដំណាក់ សង្កាត់សាលាកំរើក ក្រុងសៀមរាប ខេត្តសៀមរាប។ ២-ឈ្មោះ សេង សំណាង ភេទប្រុស អាយុ១៦ឆ្នាំ មុខរបររត់តុ ទីលំនៅភូមិវត្តបូព៌ សង្កាត់សាលាកំរើក ក្រុងសៀមរាប ខេត្ត សៀមរាប។
៣-ឈ្មោះ ស្រីសុវណ្ណ មករា ភេទប្រុស អាយុ១៥ឆ្នាំ មុខរបរសិស្ស ទីលំនៅភូមិវត្តបូព៌ សង្កាត់សាលាកំរើក ក្រុងសៀមរាប ខេត្តសៀមរាប ។ ៤-ឈ្មោះ ឃុំ សាវី ភេទប្រុស អាយុ១៦ឆ្នាំ មុខរបរសិស្ស ទីលំនៅភូមិបឹងដូនប៉ា សង្កាត់សាលាកំរើក ក្រុង ខេត្តសៀមរាប ។ ៥-ឈ្មោះ ឡុង សេងឡាយ ភេទប្រុស អាយុ ១៦ឆ្នាំ មុខរបរ (គ្មាន)ទីលំនៅភូមិតាវៀន សង្កាត់ សាលាកំរើក ក្រុងសៀមរាប ខេត្តសៀមរាប និង ៦-ឈ្មោះ ឌឿន បញ្ញាស័ក អាយុ១៧ឆ្នាំ មុខរបរសិស្ស ទីលំនៅភូមិបន្ទាយចាស់ សង្កាត់ស្លក្រាម ក្រុងសៀមរាប ខេត្តសៀមរាប។ជនសង្ស័យទាំង១៤នាក់ ដែលស្ថិតនៅក្រៅឃុំ ត្រូវបានកម្លាំងកងរាជអាវុធហត្ថ ខេត្ត កំពុងបន្តនីតិវិធីស្រាវជ្រាវចាប់ខ្លួនយកមកផ្តន្ទាទោសទៅតាមផ្លូវច្បាប់ .។
ទោះយ៉ាងណាក៏ដោយ តុលាការសាលាដំបូងខេត្តសៀមរាប អះអាងថានឹងបន្តចាត់ការក្នុងសំណុំរឿងព្រហ្មទណ្ឌនេះឱ្យបានត្រឹមត្រូវតាមច្បាប់ ដើម្បីផ្តល់យុត្តិធម៌ដល់ជនរងគ្រោះ។«សាលាដំបូង និងអយ្យការអមសាលាដំបូងខេត្តសៀមរាប នឹងបន្តចាត់ការសំណុំរឿង រំលោភសេពសន្ថវៈមានស្ថានទម្ងន់ទោស នេះឱ្យបានត្រឹមត្រូវតាមនីតិវិធីច្បាប់ជាធរមាន ដើម្បីស្វែងរកការពិត និងយុត្តិធម៌ជូនភាគីពាក់ព័ន្ធទាំងអស់»។ សាលាដំបូងខេត្តសៀមរាប អះអាងក្នុងក្នុងលិខិតថ្លែងការណ៍នេះរបស់ខ្លួន៕
