វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 711 នាក់
ម្សិលមិញ 5020 នាក់
សរុប 14116158 នាក់
ត្បូងឃ្មុំ៖ក្រសួងសុខាភិបាលនៅថ្ងៃទី២៣ ខែកក្កដា នេះបានចេញជូនដំណឹងថា ករណី បុរសម្នាក់អាយុ ២១ ឆ្នាំ ស្លាប់អំឡុងពេលធ្វើចត្តាឡីស័កនៅខេត្តត្បូងឃ្មុំ គឺបណ្តាលមកពីខ្យល់គរ តែយ៉ាងណាត្រូវរង់ចាំលទ្ធផលពីមន្ទីរពិសោធន៍បន្ថែមទៀតនិងហាមធ្វើបុណ្យគឺឲ្យយកទៅកប់ភ្លាមៗ??? ។
ក្រសួងបញ្ជាក់ថា បើតាមការសន្និដ្ឋានបឋម ការស្លាប់របស់បុរសខ្មែររូបនេះអាចបណ្តាលមកពី ខ្យល់គរភ្លាមៗ, ប្រតិកម្មថ្នាំដែលលេបច្រើនមុខពេក និងមានសមាសធាតុដូចគ្នាច្រើន, ការលេបថ្នាំច្រើនមុខក្នុងពេលតែមួយ ដោយអាចឈ្លក់ចូលបំពង់ខ្យល់ ឬអាចបណ្តាលមកពីបញ្ហាសុខភាពមិនជាក់លាក់ផ្សេងៗ។
ក្រសួងសុខាភិបាល បានអះអាងថាសាមីសពមានជំងឺផ្តាសាយ ២ ទៅ ៣ ថ្ងៃមកហើយ រួចក៏ប្រើបងប្រុសឲ្យទៅទិញឱសថពីខាងក្រៅមកលេប ដោយលេបម្តងមានថ្នាំ ៥ មុខមាន Paracetamol 500mg ១គ្រាប់ (សរុប ៤ គ្រាប់), Dexamethasone 4mg ១គ្រាប់ (សរុប ៤ គ្រាប់), Chlopheniramine 4mg ១គ្រាប់ (សរុប ៤ គ្រាប់), Tetracicliyne 250mg ១គ្រាប់ (សរុប ៤ គ្រាប់), និងថ្នាំ Moxy Cold ១គ្រាប់ (សរុប ៤ គ្រាប់) ដែលថ្នាំនេះ មានសារធាតុផ្សំដូចជា Paracetamol 500mg, Chlopheniramine 4mg និង Phenylpherine 10mg។
ដោយអនុវត្តមានវិធានការសុខាភិបាល ក្រុមគ្រូពេទ្យមន្ទីរសុខាភិបាលខេត្តត្បូងឃ្មុំ បានបង្ខំចិត្តបញ្ចុះសពទាំងយប់ ដើម្បីជៀសវាងការចម្លងមេរោគជាយថាហេតុ និងមិនអនុញ្ញាតិឲ្យចម្អះទឹកឡើយ។ ក្រុមគ្រូពេទ្យជំនាញក៏បានយកវត្ថុសំណាកពីសាមីសព ទៅពិនិត្យនៅវិទ្យាស្ថានប៉ាស្ទ័រ ដើម្បីរកវីរុសកូវីដ ១៩។
បើតាមលោក កែវ វណ្ណៈ ប្រធានមន្ទីរសុខាភិបាលខេត្តត្បូងឃ្មុំ បានបញ្ជាក់ថានៅថ្ងៃទី២៣ ខែកក្កដា ឆ្នាំ២០ ២០ មានបុរសជនជាតិខ្មែរម្នាក់បានស្លាប់ អំឡុងពេលធ្វើចត្តាឡីស័ក នៅក្នុងអនុវិទ្យាល័យស្វាយឃ្លាំង ស្រុកក្រូចឆ្មារ ខេត្តត្បូងឃ្មុំ។
លោក កែវ វណ្ណៈ បានឲ្យដឹងទៀតថា ជនជាតិខ្មែររូបនេះបានស្លាប់នៅថ្ងៃទី២២ ខែកក្កដា ឆ្នាំ២០២០ វេលាម៉ោងប្រហែល៧៖៣០យប់មិញ អំឡុងពេលធ្វើចត្តាឡីស័កបាន ៣ថ្ងៃ ជាមួយនឹងអ្នកធ្វើចត្តាឡីស័កចំនួន ១០នាក់។ មន្ត្រីជំនាញបានចុះទៅធ្វើកោសល្យវិច្ច័យ សាកសពបុរសខាងលើហើយសន្និដ្ឋានថា គាត់ស្លាប់ដោយសារខ្យល់គ ខណៈមុនពេលស្លាប់ បុរសរូបនេះបានប្រើថ្នាំផ្តាសាយយកមកលេបផងដែរ។
ប្រធានមន្ទីរសុខាភិបាលខេត្តត្បូងឃ្មុំ បានឲ្យដឹងបន្ថែមថា បុរសជនជាតិខ្មែរនេះគឺជាអ្នកឆ្លងដែនតាមផ្លូវគោកមកពីម៉ាឡេស៉ី ដោយធ្វើដំណើរឆ្លងកាត់ប្រទេសថៃមុនចូលមកដល់កម្ពុជាវិញ។ករណិយ៍មួយនេះបង្ហាញថាមន្ត្រីសុខាភិបាលមានការថ្វេសប្រហែសទើបកើតករណិយ៍បែបនេះ។ព្រោះការធ្វើចត្តាឡីសក័តម្រូវឲ្យទុកមនុស្សចោលឬយ៉ាងម៉េច?៕