វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 247 នាក់
ម្សិលមិញ 10264 នាក់
សរុប 14139429 នាក់
ឧត្តរមានជ័យ៖ប្រភពពីមន្ត្រីនៅច្រកទ្វារអន្តរជាតិអូរស្មាច់ បានបង្ហើបឲ្យដឹងថាមានមន្ត្រីយោធាពាក់ផ្កាយ១ម្នាក់មានតួនាទីជាជំនួយការការិយាល័យការពារព្រំដែនកងទ័ពជើងគោកបានធ្វើសកម្មភាពនាំជ្រូកចូលពីប្រទេសសៀម លើសចំនួនកំណត់ច្រើនឆ្នាំមកហើយ។
ជាក់ស្តែងកាលពីយប់ថ្ងៃទី០៥ ខែឧសភា ឆ្នាំ២០២០ ក៏ត្រូវបានកម្លាំងអគ្គនាយកដ្ឋានផលិតកម្មសត្វនិងសុខភាពសត្វចាត់វិធានការបង្ក្រាបរថឡានដឹកជ្រូកលើសចំណុះរបស់មេឈ្មួញ ជាមន្ត្រីយោធាពាក់ផ្កាយ១ នៅក្នុងស្រុកអន្លង់វែងនោះផងដែរ។ការចុះបង្ក្រានេះ ធ្វើឡើងនៅ តាមផ្លូវជាតិលេខ៦៦ ត្រង់ចំណុចបង្គោលគីឡូលេខ១២១ ស្ថិតនៅឃុំអន្លង់វែង ស្រុកអន្លង់វែង ខេត្តឧត្តរមានជ័យ ដោយកម្លាំងអគ្គនាយកដ្ឋានសុខភាពសត្វនិងផលិតកម្មសត្វ នៃក្រសួងកសិកម្ម។
បើតាមសេចក្តីរាយការណ៍ខ្លះបានឲ្យដឹងថា មេឈ្មួញជ្រូកដែលគេស្គាលថាឈ្មោះ កែវឋានៈ ជាមន្ត្រីយោធាពាក់ផ្កាយ១។បើតាមអ្នករកស៊ីនិយាយថា គាត់អាចធ្វើអ្វីៗតាមអំពើចិត្តចឹងគឺទាល់តែមានការឃុបឃឹតបើកដៃពីសំណាក់លោក តាញ់ បុត្តា មេពេទ្យសត្វខេត្តឧត្តរមានជ័យនិងការឃុបឃឹតជាមួយសមត្តកិច្ចច្រកទ្វារទើបទៅរួច ។មន្ត្រីដែលពាក់ពន្ធ័ដូចជាលោក ដេ ប្រធានស្នាក់ការគយច្រកអូរស្មាច់លោក ពៅ ផេង ទាហា៑ន ទំនាក់ទំនង ព្រំដែន ខ្មែរថៃ ជាអ្នកទទួលខុសត្រូវការនាំចូលក្រុមហ៊ុនជ្រូកជាដើម។
ប្រភពពីមន្ត្រីរាជការនៅក្នុងមន្ទីរកសិកម្មខេត្តឧត្តរមានជ័យ បានឲ្យដឹងថា ក្រុមហ៊ុនដានីដេង គឺជាក្រុមហ៊ុនរបស់មេឈ្មួញ កែវ ឋានៈ ជាមន្ត្រីយោធាពាក់ផ្កាយ១ ហើយគ្រប់គ្រងដោយប្រពន្ធរបស់លោក កែវ ឋានៈ មានឈ្មោះ ប៊ុត សុខណាជាអ្នក រកស៊ីនាំចូលជ្រូកពីប្រទេសសៀម តាមច្រកទ្វារអន្តជាតិអូរស្មាច់យូឆ្នាំហើយ។ មន្ត្រីពាក់ព័ន្ធបានឲ្យដឹងថា ក្រុមហ៊ុនដានីដេង របស់មេឈ្មួញ កែវ ឋានៈ ជាមន្ត្រីយោធាព្រុំដែនពាក់ផ្កាយ១ តែងនាំចូលជ្រូកលើសចំនួនកំណត់ក្នុងច្បាប់អនុញ្ញាតិ។ជ្រូកដែលក្រុមហ៊ុនដានីដេង នាំចូលពីប្រទេសសៀមគឺ យកមករក្សាទុកក្នុងភូមិអូរខ្ចៅ សង្កាត់កូនក្រៀល ក្រុងសំរោង ខេត្តឧត្តរមានជ័យ មុនពេលដឹកជញ្ជូនទៅចែកចាយតាមបណ្តាខេត្តនានា និងនៅរាជធានីភ្នំពេញ។
បញ្ហានេះគឺជារឿងដែលថ្នាក់ដឹកនាំក្រសួងកសិកម្ម ក៏ដូចជាអគ្គនាយកដ្ឋានពាក់ព័ន្ធនៃក្រសួងកសិកម្ម គួរចាត់វិធានការទប់ស្កាត់ទង្វើមិនប្រក្រតីរបស់លោក តាញ់ បុត្តា មេពេទ្យសត្វខេត្តឧត្តរមានជ័យបើមិនមានការសើមាត់សើមកនោះទេ។ប្រការគួកត់សម្គាល់ថា៖តើលោកតាញ់បុត្តាអាចឃុបឃឹតជាមួយឈ្។ញនាំចូលជ្រូកតំអំពើចិត្តក៏ដោយរំលងលោក សូត ស៊ីសុខឃាង ប្រធានមន្ទីរកសិកម្មខេត្តឧត្តរមានជ័យកើតដែរ ?។ចឹងអ្នកចាប់កុំចាប់យកតែល្អមើលបើជ្រុលជាចុះចាប់ហើយស្រាវជ្រាវសកម្មភាពមិនប្រក្រតីរបស់មន្ត្រីទៀតមើលកុំចាំទាល់តែក្រុមហ៊ុនផ្សេងប្តឹងបានធើនោះ!៕