វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1660 នាក់
ម្សិលមិញ 10264 នាក់
សរុប 14140842 នាក់
សៀមរាប៖ប្រជាពលរដ្ឋក្នុងខេត្តសៀមរាបគ្មានទេឱកាសចិញ្ចឹមជ្រូកសម្រាប់លើកកំពស់ជិវភាពព្រោះមិនអាចប្រកួតប្រជែងនិងទីផ្សារនាំចូលជ្រូកយួននិងសៀមមកកាប់បានឡើយ។ ប្រជាពលរដ្ឋជាអាជីវករបានឲ្យដឹងថា៖ ឈ្មួញជាច្រើននាក់ នៅតែអាចនាំជ្រូកពី ស្រុកយួនមកកាប់សាច់លក់ ក្នុងទីផ្សារខេត្ត សៀមរា ប កាន់តែច្រើនឡើងៗ
ព្រោះ មានការឃុបឃិតបើកដៃពី សំណាក់លោក ព្រំ វិចដែលជាប្រធានបសុពេទ្យនៃមន្ទីរកសិកម្មខេត្ត រួចទៅហើយ។ ឈ្មួញខ្លះទៀតសម្រុក ដឹកជញ្ជូនជ្រូករស់ ពីស្រុកសៀមមកកាប់សាច់ លក់ពេញទីផ្សារ ក៏ដូចជានាំចូលមាន់ ទាររស់ពីស្រុកសៀមមកលក់ ចែកចាយពេញផ្សារ ក្នុងខេត្ត សៀម រាប ហើយមិន ឃើញលោក ព្រំ វិច ព្រមទាំងមន្ត្រី ក្រោមឱវាទចាត់វិធានការត្រួតពិនិត្យ តាមតួនាទីរបស់ខ្លួននោះទេ។
រឿងអាស្រូវពុករលួយរបស់លោក ព្រំ វិច និងបក្ខពួកត្រូវបានមន្ត្រីរាជការនៅក្នុងមន្ទីរកសិកម្មខេត្តសៀមរាប បើកកកាយជាបន្តបន្ទាប់ដើម្បីឲ្យថ្នាក់ដឹកនាំក្រសួងកសិកម្ម បានដឹងឮនិងចាត់វិធានការទប់ស្កាត់ឲ្យបានទាន់ពេលវេលា។ ប៉ុន្តែលោក វេង សាខុន ដែលជារដ្ឋមន្ត្រីក្រសួងកសិកម្ម និងថ្នាក់ដឹកនាំនាយកដ្ឋានពាក់ព័ន្ធបែរជារក្សាភាពស្ងៀមស្ងាត់ពិសេសលោកទៀគឹមសុទ្ធដែលជានាយកមន្ទីរកសិកម្មខេត្តសៀមរាបដោយទុកឲ្យលោក ព្រំ វិច ប្រធានការិយាល័យផលិតកម្មនិងបសុព្យាបាលនៃមន្ទីរកសិកម្មខេត្តសៀមរាប ប្រើប្រាស់តួនាទីដើម្បីប្រមូលលុយពីឈ្មួញតាមរបៀបពុករលួយ។
ករណីលោក ព្រំ វិច មេពេទ្យសត្វខេត្តសៀមរាប ប្រើតួនាទីនិងអំណាចធ្វើអ្វីៗតាមអំពើចិត្តនាពេលកន្លងមកបើគ្មានការឃុបឃិតបើកដៃពីសំណាក់លោក ទា គឹមសុទ្ធអតីតមេព្រៃខេត្តសៀមរាបហើយ តូលុយដូតួនាទីមកជាប្រធានមន្ទីរកសិកម្មខេត្តសៀមរាប ផងដែរទើបលោក ព្រំ វិច អាចជិះសេះលែងដៃបាន។
តាមការបង្ហើបពីមន្ត្រីរាជការនៅក្នុងមន្ទីរកសិកម្មខេត្តសៀមរាប បានឲ្យដឹងថាលោក ព្រំ វិច ប្រធានការិយាល័យផលិតកម្មនិងបសុព្យាបាលឬហៅថាមេពេទ្យសត្វខេត្តសៀមរាប នៅតែបន្តឃុបឃិតឲ្យឈ្មួញនាំចូលជ្រូករស់ ជ្រូកងាប់ ឬជ្រូកមានជំងឺ មកកាប់សាច់លក់ចែកចាយពេញទីផ្សារក្នុងខេត្តសៀមរាប ដោយគ្មានញញើតអ្វីទាំងអស់។ ការិយាល័យមាតុភូមិរងចាំការបកស្រាយចំពោះពតិមានចោទប្រកាន់ខាងលើនេះជានិច្ច៕