វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1417 នាក់
ម្សិលមិញ 5020 នាក់
សរុប 14116864 នាក់
ភ្នំពេញ៖លោក ម៉ម សូណង់ដូរ ប្រធានគណបក្សសំបុកឃ្មុំសង្គមប្រជាធិបតេយ្យ បាន ទាមទារឲ្យមានការពន្យល់ពីមូលហេតុនៃការឈានទៅបញ្ចប់មុខតំណែងរបស់ លោក សុខសុវណ្ណ វឌ្ឍនាសាប៊ុង ពីសមាជិកឧត្តមក្រុមប្រឹក្សាពិគ្រោះនិងផ្តល់យោបល់ ដែលមានឋានៈស្មើទេសរដ្ឋមន្ត្រី។
លោក ម៉ម សូណង់ដូ បញ្ជាក់ថាការពន្យល់ពីមូលហេតុ គឺមានសារៈសំខាន់ ដើម្បីធ្វើយ៉ាងណាកុំឲ្យសមាជិកឧត្តមក្រុមប្រឹក្សាពិគ្រោះនិងផ្តល់យោបល់ផ្សេងទៀត ដើរជាន់លើដានចាស់របស់លោក សុខសុវណ្ណ វឌ្ឍនាសាប៊ុង។
សូមបញ្ជាក់ថា លោក សុខសុវណ្ណ វឌ្ឍនាសាប៊ុង ប្រធានប្រតិភូគណបក្សខ្មែរក្រោក ត្រូវបានប្រមុខរដ្ឋស្តីទីលោក សាយ ឈុំ បញ្ចប់មុខតំណែងពីសមាជិកឧត្តមក្រុមប្រឹក្សាពិគ្រោះនិងផ្តល់យោបល់ មានឋានៈស្មើទេសរដ្ឋមន្ត្រី កាលពីថ្ងៃចន្ទទី៣ឧសភាតាមសំណើរនាយលរដ្ឋមន្ត្រី ដោយមិនបានបញ្ជាក់ពីមូលហេតុច្បាស់លាស់នោះទេ។
លោក សុខសុវណ្ណ វឌ្ឍនាសាប៊ុង ហៅwilliam guang(វីល្លីយ៉ាំហ្កាំង)ត្រូវបានគេដឹងថា លោកបានប៉ះទង្គិចជាមួយអាជ្ញាធរនិងមន្ត្រីបរិស្ថាននៃក្រសួងបរិស្ថាន ក្នុងពេលដែលលោកនិងក្រុមការងារ បានចុះទៅបំពេញបេសកម្មការងារនៅក្នុងបញ្ហាជម្លោះដីធ្លីមួយកន្លែង ស្ថិតនៅក្នុងខេត្តព្រះសីហនុកាលពីថ្ងៃទី២ឧសភា។ បន្ទាប់មកនៅថ្ងៃទី៣ឧសភា ក្រសួងបរិស្ថានចេញសេចក្តីថ្លែងការណ៍ បានចាត់ទុកថា ការ ប្រធានគណបក្សខ្មែរក្រោករូបនេះ មិនចេះធ្វើការនិងមាក់ងាយស្ថាបន័។
លោក ម៉ម សូណង់ដូ ដែលជាមេបក្សតែមួយក្នុងចំណោម១៦ដែលហ៊ានចេញមុខតវ៉ាបារម្ភថា ការបញ្ចប់មុខតំណែងរបស់សមាជិកឧត្តមក្រុមប្រឹក្សាពិគ្រោះនិងផ្តល់យោបល់រូបនេះ គឺជាក្តីបារម្ភមួយសម្រាប់សមាជិកឧត្តមក្រុមប្រឹក្សាផ្សេងទៀត ក្នុងការបំពេញតួនាទីរបស់ខ្លួន។ ជុំវិញបញ្ហាបញ្ចប់តំណែងពីសមាជិកឧត្តមក្រុមប្រឹក្សាពិគ្រោះ និងផ្តល់យោបល់របស់ប្រធានគណបក្សខ្មែរក្រោករូបនេះ ធ្វើឲ្យមានការលើកឡើងពីអ្នកតាមដានសង្គមនិងនយោបាយថា តួនាទីនិងមុខតំណែងនៅក្នុងអង្គភាពមួយនេះ មានលក្ខណៈផុយស្រួយ ហើយអាចជាមេរៀនមួយសម្រាប់សមាជិកផ្សេងទៀតមកពីគណបក្សខុសៗគ្នា។
គួរជម្រាបជូនថា ឧត្តមក្រុមប្រឹក្សាពិគ្រោះនិងផ្តល់យោបល់ គឺជាអង្គភាពមួយដែលប្រមូលផ្តុំមកពីគណបក្សនយោបាយក្រៅរដ្ឋាភិបាល(អត់មាន១ជើងម៉ាក្នុងសភា) ដែលត្រូវបានបង្កើតឡើងដោយព្រះរាជក្រឹត្យ ចុះថ្ងៃទី០៦ ខែកញ្ញា ឆ្នាំ២០១៨ ដើម្បីឲ្យជួយផ្តល់យោបល់ទៅកាន់រដ្ឋាភិបាល។តែមិនមានអភ័យឯកសិទ្ធដូចសភាឡើយ។