គ.ជ.បចេញសេចក្តីប្រកាសលេខរៀងឈ្មោះគណបក្សនយោបាយឈរឈ្មោះបោះឆ្នោតនិបកស្រាយរឿងអវត្តមានភ្លឿងទៀន
21-September-2026 / ផ្សេងៗ
ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) បានចេញសេចក្តីប្រកាសព័ត៌មាន ពីការចាប់ឆ្នោតដើម្បីកំណត់លំដាប់លេខរៀងឈ្មោះគណបក្សនយោបាយឈរឈ្មោះបោះឆ្នោតលើសន្លឹកឆ្នោត សម្រាប់ការបោះឆ្នោត ជ្រើសតាំងតំណាងរាស្ត្រ នីតិកាលទី៧ ឆ្នាំ ២០២៣។កម្មវិធីចាប់ឆ្នោតសម្រាប់ការបោះឆ្នោតជ្រើសរើសតំណាងរាស្ត្រ អាណត្តិទី៧ នៅព្រឹកថ្ងៃទី២៩ ខែឧសភា ឆ្នាំ២០២៣នេះព្រះវត្តមានសម្តេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត ទេព វង្ស សម្តេចព្រះមហាសង្ឃរាជគណៈមហានិកាយ និងសម្តេចព្រះអភិសិរីសុគន្ធាមហាសង្ឃរាជាធិបតី កិត្តិឧទ្ទេសបណ្ឌិត បួរ គ្រី សម្តេចព្រះមហាសង្ឃរាជគណៈធម្មយុត្តិកនិកាយ នៃព្រះរាជាណាចក្រកម្ពុជា ព្រឹកថ្ងៃចន្ទ ទី២៩ ខែឧសភា ឆ្នាំ២០២៣។
លោក ប្រាជ្ញ ចន្ទ ប្រធាន គ.ជ.ប ប្រាប់ថា ការរៀបចំពិធីចាប់ឆ្នោត ដើម្បីកំណត់លំដាប់លេខរៀងឈ្មោះគណបក្សនយោបាយឈរឈ្មោះបោះឆ្នោតនៅលើសន្លឹកឆ្នោត ដែលនឹងត្រូវដាក់លើសន្លឹកឆ្នោតសម្រាប់ការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ ដែលនឹងប្រព្រឹត្តទៅនៅថ្ងៃទី២៣ ខែកក្កដា ឆ្នាំ២០២៣។សម្រាប់ការបោះឆ្នោតជ្រើសរើសតំណាងរាស្ត្រ ឆ្នាំ២០២៣នេះមាន គណបក្សនយោបាយចំនួន១៨ ចូលរួមប្រកួតប្រជែង ។ គណបក្សទាំង១៨ បានចាប់បានលេខរៀងដូចខាងក្រោម ៖
គណបក្សសំបុកឃ្មុំដើម្បីប្រជាធិបតេយ្យ លេខរៀងលើគេគឺទី១ ។ទី២ គណបក្សខ្មែរតែមួយទី៣ គណបក្សសញ្ជាតិកម្ពុជាទី៤ គណបក្សខ្មែររួបរួមជាតិទី៥ គណបក្សកម្លាំងប្រជាធិបតេយ្យទី៦ គណបក្សកសិករទី៧ គណបក្សស្ត្រីដើម្បីស្ត្រីទី៨ គណបក្សខ្មែរឈប់ក្រទី៩ គណបក្សហ្វ៊ុនស៊ីនប៉ិចទី១០ គណបក្សធម្មាធិបតេយ្យទី១១ គណបក្សប្រជាធិបតេយ្យមូលដ្ឋានទី១២ គណបក្សបំណងពលរដ្ឋទី១៣ គណបក្សអភិវឌ្ឍន៍សេដ្ឋកិច្ច។ទី១៤ គណបក្សឯកភាពជាតិខ្មែរទី១៥ គណបក្សខ្មែរអភិរក្សទី១៦ គណបក្សយុវជនកម្ពុជាទី១៧ គណបក្សជនជាតិដើមប្រជាធិបតេយ្យកម្ពុជាទី១៨ គណបក្សប្រជាជនកម្ពុជា។កន្លងមកនៅពេលចាប់បានលេខរៀងគណបក្សនយោបាយតែងតែបកស្រាយពីអត្ថន័យលេខរៀងដែលទទួលបានតាមការយល់ឃើញ និងជំនឿរបស់គេរៀងៗខ្លួនដើម្បីអូសទាញរកអ្នកគាំទ្រ ។
សម្រាប់គណបក្សដែលអវត្តមានហើយទទួលបានការចាប់អារម្មណ៍ទាំងមតិជាតិនិងអន្តរជាតិនោះលោក ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោតក្រោយបញ្ចប់ការពិធីចាប់ឆ្នោតដើម្បីកំណត់លំដាប់លេខរៀងឈ្មោះគណបក្សនយោបាយឈរឈ្មោះបោះឆ្នោត បានប្រាប់កាសែតថា គណបក្សភ្លើងទៀន និងគណបក្សមហាសាមគ្គីជាតិខ្មែរ ជាអ្នកបង្កកំហុសផ្នែកច្បាប់ដោយខ្លួនឯង ទើបមិនអាចចូលរួមការបោះឆ្នោត និងមិនមែនជា កំហុសរបស់ គ.ជ.ប នោះទេ។លោក ហង្ស ពុទ្ធា ថា៖ «ខ្ញុំចង់បញ្ជាក់ថា ការមិនបានចូលរួមរបស់គណបក្សពីរទៀត គឺគណបក្សភ្លើងទៀន និងគណបក្សមហាសាមគ្គីជាតិខ្មែរ មិនមែនជាកំហុសរបស់ គ.ជ.ប ទេ គឺជាកំហុសរបស់សាមីគណបក្សផ្ទាល់ ដែលយើងអាចបញ្ជាក់ពីមូលលហេតុបន្តិចថា យោងទៅលើមាត្រា២៧ នៃច្បាប់បោះឆ្នោតជ្រើសតាំងតំណាងរាស្ត្រ...»។
លោក ហង្ស ពុទ្ធា បានលើកពីទិដ្ឋភាពច្បាប់នៃការបោះឆ្នោតជ្រើសតាំងតំណាងរាស្ត្រ គឺបានចែងយ៉ាងច្បាស់ថា «សេចក្តីចម្លង លិខិតបញ្ជាក់ការការចុះបញ្ជីគណបក្សនយោបាយនៅក្រសួងមហាផ្ទៃ មួយច្បាប់» ចំណុចនេះហើយដែលគណបក្សភ្លើងទៀន និងគណបក្សមហាសាមគ្គីជាតិខ្មែរ មិនមានឯកសារគ្រប់គ្រាន់តាមច្បាប់។អ្នកនាំពាក្យ គ.ជ.ប បានបញ្ជាក់ថា៖ «ការដែលមិនឯកសារច្បាប់ដើមនេះហើយ ដែលជាមូលហេតុ ហើយក៏មិនមែនជាបញ្ហារបស់អ្នកដទៃដែរ គឺសាមីគណរបស់បក្សផ្ទាល់ជាអ្នកទទួលខុសត្រូវដោយខ្លួនឯង ដោយសារមិនមានច្បាប់ដើមទុកទៅធ្វើនីត្យានុកូលកម្ម»។
លោក ហង្ស ពុទ្ធា បានលើកឡើងថា សាមីគណបក្សភ្លើងទៀន និងគណបក្សភ្លើងទៀន មិនបានបំពេញនូវឯកសារសំខាន់ទីមួយដែលមានចែងនៅក្នុងច្បាប់បោះឆ្នោតនោះទេ។ចំពោះការបោះឆ្នោតជ្រើសរើសក្រុមប្រឹក្សាឃុំ សង្កាត់កន្លងមក គឺគណបក្សភ្លើងទៀន បានយកឯកសារថតចម្លង យកទៅស្នើសុំចុះបញ្ជីគណបក្សឈរឈ្មោះ និងដាក់បេក្ខជនប្រកួតប្រជែង នៅពេលបោះឆ្នោតជ្រើសរើសក្រុមប្រឹក្សាឃុំ សង្កាត់ ត្រូវលោក ហង្ស ពុទ្ធា បានគូសបញ្ជាក់ថា កន្លងមកទាំង គ.ជ.ប និងក្រសួងមហាផ្ទៃ ធ្លាប់ណែនាំទៅគណបក្សភ្លើងទៀន នៅក្នុងខែមីនា រួចទៅហើយចំពោះឯកសារច្បាប់ដើម។លោក ហង្ស ពុទ្ធា៖«សម្រាប់ការបោះឆ្នោតនៅថ្នាក់ជាតិមិនមែនទើបធ្វើអីឡូវទេ តាំងពីឆ្នាំ២០១៨មក ប៉ុន្តែដោយសារគណបក្សភ្លើងទៀន មិនបានចូលរួមបោះឆ្នោតនាពេលនោះ ហាក់ដូចឆកល្វែង ក្តាប់មិនបាន មិនដឹងថាត្រូវយកប្រកាសនោះទៅថតចម្លងហើយ ហើយធ្វើនីត្យានុកូលកម្ម ហើយមកដាក់ស្នើសុំបាន អ៊ឹចឹងសម្រាប់ការស្នើចុះបញ្ជីឈ្មោះថ្នាក់ជាតិនេះ តម្រូវការតែមួយសន្លឹកទេ»។
