វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4416 នាក់
ម្សិលមិញ 8227 នាក់
សរុប 14131297 នាក់
ភ្នំពេញ ៖ រាជរដ្ឋាភិបាលបានអនុញ្ញាតិឲ្យក្រុមហ៊ុនផលិតម៉ាស់នៅក្នុងប្រទេសកម្ពុជាទាំងអស់ អាចធ្វើការនាំចេញនូវផលិតផលរបស់ខ្លួនទៅលក់នៅក្រៅប្រទេសបានហើយ ខណៈការផ្គត់ផ្គង់ម៉ាស់នៅក្នុងស្រុកបានគ្រប់គ្រាន់ ទៅតាមតម្រូវការរបស់ប្រជាពលរដ្ឋ។
លោក គុណ ញឹម ប្រតិភូរាជរដ្ឋាភិបាលទទួលបន្ទុកជាអគ្គនាយកគយ និងរដ្ឋាករកម្ពុជាបានឲ្យកាសែតដឹងពីរឿងនេះ។ តាមរយៈលិខិតរបស់អគ្គនាយកដ្ឋានគយ និងរដ្ឋាករកម្ពុជាដែលកាសែតទទួលបាននៅថ្ងៃទី៦ ខែឧសភានេះបញ្ជាក់ថាការអនុញ្ញាតឲ្យនាំចេញផលិតផលម៉ាស់នេះ គឺដោយសារ បច្ចុប្បន្ននេះរាជរដ្ឋាភិបាលអាចគ្រប់គ្រង និងធានាបាននូវស្តុកបម្រុងគ្រប់គ្រាន់នូវមុខទំនិញម៉ាស់ ដែលបម្រើដល់ការទប់ស្កាត់ការឆ្លងរីករាលដាលនៃវីរុសកូវីដ១៩ នៅក្នុងប្រទេសកម្ពុជា។
នៅព្រឹកថ្ងៃទី៦ ខែឧសភា ឆ្នាំ២០២០នេះដែរ លោកស្រី វេជ្ជបណ្ឌិត យក់សម្បត្តិ រដ្ឋលេខាធិការក្រសួងសុខាភិបាលបានមានប្រសាសន៍ ឲ្យដឹងថា ការងារនេះគណៈកម្មការចំពោះកិច្ចដើម្បីទប់ស្កាត់ជំងឺកូវីដ១៩ ដែលមានក្រសួងសេដ្ឋកិច្ចនិងហិរញ្ញវត្ថុ ក្រុមប្រឹក្សាអភិវឌ្ឍន៍កម្ពុជា ក្រសួងសុខាភិបាលនិងអគ្គនាយកដ្ឋានគយនិងរដ្ឋាករកម្ពុជា បានធ្វើការពិភាក្សាគ្នារួចហើយ ដោយអនុញ្ញាតឲ្យមានការនាំចេញម៉ាស់ទៅលក់នៅក្រៅប្រទេស។ «សម្រាប់លិខិតដែលខាងអគ្គនាយកដ្ឋានគយ និងរដ្ឋាករកម្ពុជា លោកបានធ្វើការណែនាំហ្នឹង គឺត្រឹមត្រូវហើយ ដូច្នេះក្រុមហ៊ុនដែលផលិតម៉ាស់ទាំងអស់ នៅប្រទេសកម្ពុជា អាចមានសិទ្ធិនាំចេញផលិតផលរបស់ខ្លួនបានតែតម្រូវឲ្យរក្សាទុកម៉ាស់៥ភាគរយជាទៀងទាត់នៃចំនួនផលិតកម្មសរុបនៅក្នុងរោងចក្រសម្រាប់ត្រៀមបម្រុងទុក នៅពេលដែលរដ្ឋត្រូវការរដ្ឋអាចទៅទិញពីក្រុមហ៊ុនបាន»។
នៅក្នុងប្រទេសកម្ពុជា មានក្រុមហ៊ុនផលិតម៉ាស់ចំនួន៥ដែល ក្រសួងសុខាភិបាល បានចុះកិច្ចសន្យាក្នុងការផ្គត់ផ្គង់ម៉ាស់។ លោកស្រីរដ្ឋលេខាធិការបានបញ្ជាក់ថា បច្ចុប្បន្ននេះ ក្រសួងសុខាភិបាលមានម៉ាស់ស្តុកទុក នៅក្នុងឃ្លាំងប្រមាណ១៧លានម៉ាស់ សម្រាប់ប្រើប្រាស់ប្រចាំថ្ងៃ និងត្រៀមបម្រុងទុកទៅថ្ងៃខាងមុខ ក្នុងនោះមានជាង១៣លានម៉ាស់ស្តុកនៅក្នុងឃ្លាំងបម្រុងយុទ្ធសាស្ត្ររបស់សម្តេចតេជោ និងប្រមាណ៣លាន៦សែនទៀត ស្តុកក្នុងឃ្លាំងក្រសួងសុខាភិបាលនៅចោមចៅ។
គួរបញ្ជាក់ថា រហូតដល់ម៉ោង ៧:២០នាទី នៅព្រឹកថ្ងៃទី ៦ ឧសភា ២០២០ ក្រសួងសុខាភិបាលពុំរកឃើញករណីជំងឺ COVID-19 ថ្មីទេ ជាសរុបប្រទេសកម្ពុជាមានករណីជំងឺកូវីដ១៩ ចំនួន១២២ករណីដដែល និង មិនមានករណីជាសះស្បើយថ្មីទេ។ ដូច្នេះករណីជាសះស្បើយចាស់សរុបមានចំនួន១២០នាក់ដដែល ស្លាប់គ្មាន និងអ្នកជំងឺនៅសល់កំពុងសម្រាកព្យាបាលនៅមន្ទីរពេទ្យចំនួន ២នាក់ប៉ុណ្ណោះ។ ទោះបីជាពុំរកឃើញករណីថ្មីក៏ដោយ ក្រសួងសុខាភិបាលសូមណែនាំដល់បងប្អូនបន្តប្រយ័ត្នជាប់ជានិច្ច ដោយធ្វើអនាម័យ នៅឃ្លាតឆ្ងាយពីគ្នា មិនចេញក្រៅផ្ទះបើមិនចាំបាច់ ព្រោះប្រទេសជិតខាងយើង។
v