វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 9081 នាក់
ម្សិលមិញ 8227 នាក់
សរុប 14135962 នាក់
បន្ទាយមានជ័យ៖ បុរសជាប្តីម្នាក់ ត្រូវប្រពន្ធចាប់ទាញស្លឹកត្រចៀកមកស្មានតែទាញថើប តែបែរជាទាញមកអា.ក ហូរឈាមជោគពេញខ្លួន កាលពីយប់ថ្ងៃទី១៦ ខែមសាឆ្នាំ២០២០ នៅភូមិបន្ទាយថ្មីឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ។
នគរបាលស្រុក អូរជ្រៅ បានឲ្យដឹងថា បុរសរងគ្រោះជាប្តីមានឈ្មោះ គុជ អាយុ ៤១ឆ្នាំ ចំណែកឯជនដៃជាប្រពន្ធមានឈ្មោះទឹម ម៉ៅ អាយុ៣២ឆ្នាំ។ គ្រួសារនេះរស់នៅក្នុងភូមិឃុំខាងលើ។នៅយប់កើតហេតុ បុរសជាប្តីកំពុងផឹកស្រា រាំលេងសប្បាយជាមួយអ្នកភូមិ នៅពេលកំពុងអង្គុយផឹកសប្បាយនោះ ស្ត្រីជាប្រពន្ធបានដើរទៅជិតប្តីហើយចាប់ទាញស្លឹកត្រចៀក ប្តីស្មានតែចាប់ទាញ ក្នុងន័យខ្នាញ់ចង់ថើបក៏អោនក្បាលទៅ ស្រាប់តែស្ត្រីជាប្រពន្ធអា.កនឹងកាំបិតផ្លែឡាម បណ្តាលឲ្យចេញឈាមជោគពេញខ្លួនដួលសន្លប់នៅនឹងកន្លែង ត្រូវគេបាននាំបញ្ជូនទៅមណ្ឌលសុខភាពអូរបីជាន់ តែដោយឈាមហូរខ្លាំងពេកបុគ្គលិកមណ្ឌលបានបញ្ជូនទៅមន្ទីរពេទ្យបង្អែកក្រុងប៉ោយប៉ែត។
ស្ត្រីជាប្រពន្ធ ត្រូវកម្លាំងនគរបាលប៉ុស្តិ៍រដ្ឋបាលឃុំអូរបីជាន់ និងវរៈសេនាតូចការពារព្រំដែនលេខ៩១១ ឡោមព័ទ្ធចាប់ខ្លួនបានក្រោយធ្វើសកម្មភាព។
តាមការសាកសួរចម្លើយ ស្ត្រីជាប្រពន្ធបានសារភាពថា ចំពោះបញ្ហាខ្លួនយកផ្លែឡាមអា.កប្តីនោះ ក៏ព្រោះតែខ្លួនស្រវឹងស្រា ហើយប្រច័ណ្ឌប្តីរួមទាំងចូលឆ្នាំគ្មានលុយផងនោះ ក៏មានចិត្តខឹងនឹងប្តី ។