វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1465 នាក់
ម្សិលមិញ 6501 នាក់
សរុប 13950020 នាក់
ពោធិសាត់៖ស្ត្រីម្នាក់ផឹកស្រាស្រវឹងខ្លាំងទាស់សម្តីជាមួយប្តីទាញកាំបិតចាក់ប្តី បណ្តាលអោយរងរបួសធ្លាយពោះវៀនចេញមកខាងក្រៅកាលពីវេលាម៉ោង ៤និង ៣០នាទីល្ងាចថ្ងៃទី ១១ ខែកញ្ញា ២០១៩កើតឡើងនៅផ្ទះរបស់ជនរងគ្រោះស្ថិតនៅក្នុងភូមិដីក្រហមឃុំអន្លង់រាបស្រុកវាលវែងខេត្តពោធិ៍សាត់។
លោកវរសេនីយ៍ឯក ធេងឡេងអធិការនគរបាលស្រុកវាលវែង បានឲ្យដឹងថា៖ជនសង្ស័យជាប្រពន្ធមានឈ្មោះផល្លីអាយុ ៣៩ ឆ្នាំមានមុខរបរជាកសិករ។ជនរងគ្រោះជាប្តីមានឈ្មោះសុខខនអាយុ ៤៨មានមុខរបរជាកសិកររស់នៅក្នុងភូមិឃុំស្រុកកើតហេតុខាងលើ។
នៅមុនពេលកើតហេតុជនសង្ស័យបានផឹកស្រាស្រវឹងជោកជាំ។ជនសង្ស័យបាននិយាយពាក្យសម្ដីមិនសាកសមទៅលើប្ដីរហូតដល់ទាស់ពាក្យសំដីគ្នា។ស្រីចិត្តខ្លាំងក៏បានទាញកាំបិតខ្លីចាក់ទៅលើប្ដីបណ្ដាលឲ្យរងរបួសធ្លាយពោះវៀនផ្នែកខាងឆ្វេង ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យបង្អែកខេត្តពោធិ៍សាត់។ឯស្ត្រីដែលជាប្រពន្ធដៃដល់ក្នុងអំពើហឹង្សាស្រវឹងស្រាជាប្រចាំត្រូវបានសមត្ថកិច្ចធ្វើការឃាត់ខ្លួនបញ្ជូនទៅអធិការនគរបាលស្រុកវាលវែងធ្វើការសាកសួនិងកសាងឯកសារបញ្ជូនបន្តទៅស្នងការនគរបាលខេត្តពោធិ៍សាត់ចាត់ការតាមនីតិវិធី ៕