អាជ្ញាធជាតិអប្សារា គាស់កាយកំទេសចោលជើងតាងក្រវ៉ាត កុដិវត្ត កងជុំហៅព្រះអង្គខ្មៅតម្លៃរាប់ម៉ឺនដុល្លារ តើ ជាកំហុសអ្នកណា?
21-September-2026 / ព័ត៌មានជាតិ
សៀមរាប៖ព្រះអង្គសេងពេជ្រ ព្រះគ្រូចៅអធិការ វត្តកងជុំ ហៅវត្តព្រះអង្គខ្មៅ ឋិតនៅភូមិគោកចាន់សង្កាត់គោកចក ក្រុងសៀមរាបខេត្តសៀមរាប
មានសង្ឃដីកាឲ្យដឹងថា កុដិចាស់ធ្លុះធ្លាយ ទ្រុតទ្រោម ជាអំណោយ សម្តេចគិតិព្រឹទ្ធ បណ្ឌិត ប៊ុនរ៉ានី ហ៊ុនសែន ព្រះអង្គក៏បានសូមការនុញាតិ ពីសម្តេច រុះចេញដើម្បីសង្ឃកុដិថ្មី ហើយក៏បានសុំច្បាប់ពីអាជ្ញាធរជាតិអប្សារា ដោយមានស៊ីញ៉េនឹងបោះត្រា ដោយឯងឧត្ដម ហង់ពៅ អគ្គនាយក អាជ្ញាធជាតិអប្សារា ចុះថ្ងៃទី ១០ ខែកញ្ញា ឆ្នាំ ២០១៩ផងដែរ ។
ព្រះអង្គបន្តថា ដើមឆ្នាំ២០២០វត្ត បាន ជីកជើងតាងនឹងចាក់ក្រវ៉ាត់ ចំណាយទឹកប្រាក់ ៤ ម៉ឺនដុល្លារអាមេរិក ទិញដែងនឹងស៊ីម៉ង់ មកសាងសង់ត្រូវសមត្តកិច្ចអាជ្ញាធរជាតិអប្សារាឈូសកំទេចចោលដោយមិនមានការដោះស្រាយ។ ព្រះអង្គសេងពេជ្របន្តថា កាលពីចុះបឋមសីលា បានធ្វើពិធីធំដុំហើយក៏បាន អញ្ជើញពួកមន្ត្រីអាជ្ញាធជាតិអប្សារា ចូលរួមក៏ច្រើនអ្នកដែរ តែមិនឮថាការ ជីកជើងតាងនេះធំពេក ឫជ្រៅពេកនោះទេ ? ស្រាប់តែថ្ងៃទី ០៦ ខែមីនា ២០២០ មានលិខិតមួយច្បាស់ ចុះហត្ថលេខាបោះត្រាដោយ ព្រះមេគណខេត្តសៀមរាប ព្រះអង្គជុំ គឹមឡេង ឲ្យផ្អាកការសាងសង់កុដិមួយខ្នងដោយចោទថា បានសាងសង់ខុសពីគំនួសប្លង់ព្រមព្រៀងគ្នាទាំងស្រុង ?។
ព្រះអង្គបន្តថា ការសាងសង់ត្រូវឈប់តាមកាលកំណត់!បន្ទាប់មកស្រាប់តែនៅថ្ងៃទី ១៩ខែមីនា ២០២០ក៏ មានការស៊ីញ៉េនឹងបោះត្រា ពីព្រះអង្គ ជុំគឹមឡេង មេគណខេត្តសៀមរាបទៀត ជម្រាបជូនកាលបរិច្ឆេទ សម្រេចកំណត់យកថ្ងៃទី ០១ ខែមេសា ឆ្នាំ២០២០ ដើម្បីឲ្យព្រះចៅអធិការវត្តកងជុំ ដកជើងតាងចេញទាំងអស់ នឹងកប់រណ្ដៅជើងតាងឲ្យដូចសភាពដើមវិញ។ នៅថ្ងៃទី០៦ខែមេសា ២០២០ក៏ មានគ្រឿងចក្រមកកាយកំទេស ម៉ត់ឡែវ?។
រឿងអាជ្ញាធរជាតិអប្សារាឲ្យច្បាប់សាងសង់តែមិនមានចេញច្បាប់មកហាមនេះ ព្រះអង្គឆ្ងល់ថា ហេតុអ្វីមានតែលិខិតពីព្រះមេគុណខេត្ត មិនមានលិខិតពីអាជ្ញាធជាតិអប្សារា លោកឆ្ងល់ អាត្រង់ហ្នឹង? ។ រឿងសង់កុដិដែលជាលុយពុទ្ធបរិសទ័នេះលោកគ្រូសេងពេជ្រទទួលស្គាល់ថា ការជីករណ្ដៅ ជ្រៅបន្តិច ធំលើសកំណត់ បន្តិច មែនតែហេតុអ្វីនិយាយគ្នាមិនបាន ឈានទៅកំទេចចោលចឹង? ។
ពេលសួរថា កុដិនេះធ្វើទទឺង ប៉ុនណា កំពស់ប៉ុនណា ហើយអស់ប្រាក់ប៉ុន្មាន លោកគ្រូឆ្លើយថា ទទឺង ១១ ម៉ែត្រជាងបណ្ដោយលើសគ្នាតិចទួច ធ្វើកុដិពីជាន់ គិតជាទឹកប្រាក់ ប្រហែល ១២ ម៉ឺនដុល្លារអាមេរិក ។ ករណីយ៍នេះលោកខុម ប្រធានធម្មការសាសនាក្រុងសៀមរាម ឲ្យដឹងតាមទូស័ព្ទថា លោកមានការសោកស្ដាយរឿងវាយកំទេចចោលនេះ។ លោកខំធ្វើអស់ប្រាក់គគោក បើលើសខ្វះ តិចតូចហេតុអ្វីនិយាយគ្នាមិនបាន ដូចជាជ្រុលពេកហើយ?។ ឯលោកទិត្យឌីរ៉ា ចៅសង្កាត់គោកចកក៏បាន ដោយដឹងតាមទួស័ព្ទថា មិនគួទេព្រះសង្ឃសាងកុដិ ដោយសារសប្បុរសជន ប្រគេនប្រាក់ ដូច្នេះត្រូវតែមានការយោគយល់ដល់របស់រួមផង ។
លោកភុនភេទត្រា មេប៉ុស្ដិទន្លេងអុំឲ្យដឹងតាមទូស័ព្ទថា ព្រះអង្គសេងពេជ្រ បួសជាង២០ឆ្នាំហើយ បានជួយសាសនានឹងសង្គមច្រើនណាស់ បើលោកគិតពីប្រយោជន៏ផ្ទាល់ខ្លួននោះ យកប្រាក់ទិញឡានទំនើបយូរណាស់ តែលោកសាងកុដិនេះ សុទ្ធតែឯកឧត្ដម លោកជុំទាវជួយ ដូច្នេះមិនគួរណាអាជ្ញាធ អប្សារា នឹងព្រះទេគុណមេគណធ្វើបែបនេះឡើយ ។
ករណីយ៍នេះព្រះអង្គ ឡាច លាង ព្រះអនុគុណក្រុងសៀមរាបមាន សង្ឃដីកាថា លោកធ្វើហួសកំណត់ តែលោកសូមបិណ្ឌបាត ពីអាជ្ញាធអប្សារាដែរ តែគេមិនព្រម ?។ ភ្នាក់ងារមាតុភូមិ ទូរសព្ទ័ទៅអាជ្ញាធជាតិអប្សារា តែមិនមានអ្នកទទួល ហើយនឹងមិនអាចសូមព្រះ អង្គជុំគឹមឡេង មេគណខេត្ត បញ្ជាក់បន្ថែមរឿងព្រះស៊ីញ៉េចឲ្យគេឈូសជើងតាងកុដិដោយគ្មានអាជ្ញាធរអប្សារាបានទេព្រោះ ព្រះអង្គមិនគង់នៅកុដិ? ។
