វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1631 នាក់
ម្សិលមិញ 6001 នាក់
សរុប 13874461 នាក់
បន្ទាយមានជ័យ៖លោកសឿន ឌី ត្រូវបានពលរដ្ឋនៅស្រុកមង្គលបូរី ខេត្តបន្ទាយមានជ័យ ឆ្ងល់និងដាក់ការសង្ស័យថា មិនដឹងជាតួនាទីអ្វីពិតប្រាកដនោះទេ ។ម្តងគេថានៅកងអង្គរក្ស ម្តងថាជាទាហានប្រាប់គេថាផ្កាយមួយ ជួនថាផ្កាយពីរ ។តែអ្វីជាសំខាន់គាត់យកតួនាទីដេីរកាងនិង គម្រាមពលរដ្ឋស្លូតត្រង់ សូមក្រសួងការពារជាតិ មេត្តាជួយស្រាវជ្រាវផងទាន។
ប្រភពប្រជាពលដែលសុំមិនបញ្ចេញឈ្មោះ ប្រាប់ថា ឈ្មោះសឿន ឌី នេះអោយតែអ្នកស្រុកមង្គលបូរី ណាមានរឿងអី គឺគេចេញមុខកាងទាំងអស់ ដោយប្រេីអំណាច យកតួនាទីគម្រាមគេ។ជាក់ស្តែងដូចករណីរឿងជំលោះដីធ្លី រវាងលោកមឿន ឡឹង និងលោកអាន ង៉ា គឺដោយសារតែមានបុគ្គលសឿន ឌី ជាអ្នកកាងពីក្រោយខ្នងលោកអាន ង៉ា ទើបមានបញ្ហាក្តីក្តាំគ្នាដល់តុលាការ។លោកមឿន ឡឹង បាននិយាយថា នេះមកពីបុគ្គលឈ្មោះសឿន ឌី ជាអ្នកកាងពីក្រោយឈ្មោះអាន ង៉ា យ៉ាងជាក់ច្បាស់ ព្រោះសឿន ឌី ធ្លាប់អោយអាជ្ញាធរ មកហៅគាត់ជាច្រើនលើដើម្បីចចារសម្រួល អោយដោះស្រាយលុយទៅឈ្មោះអាន ង៉ា ២០ម៉ឺបាត ឬអោយចែកដីគ្នា ។
លោកសឿន ឌី ប្រើពាក្យថាបើសម្រួលមិនត្រូវរឿងនេះគេមិនអោយចប់ទេ ម្យ៉ាងវិញទៀតសឿន ឌី និយាយថា បើនេះជារឿងគេ មឿន ឡឹង មិនអាចឈ្នះគេឡើយ។ក្រោយពេលតុលាការកោះហៅឈ្មោះអាន ង៉ា គឺមានឈ្មោះសឿន ឌី ចេញមុខមកអោយមេភូមិមេឃុំ និងមេប៉ុស្តិ៍ចំណោម ជួយធ្វេីប្លង់ដឺអោយឈ្មោះអាន ង៉ា ដេីម្បីមានឯកសារ សម្រាប់បង្ហាញតុលាការ តែគ្មាននណាហ៊ានធ្វើ។
ប្រភពនិយាយថា ឈ្មោះសឿន ឌី គឺគេមានផ្កាយពីរម្នាក់ទៀត នៅពីក្រោយខ្នង ទើបគេហ៊ានធ្វើព្យុះធ្វើភ្លៀងបាន តែនៅមិនទាន់ដឹងថាជានណានៅឡេីយទេ ។ អ្នកស្រុកថានៅពេលផឹកស៊ី សឿន ឌី តែងបញ្ចេញកាំភ្លើងខ្លីនៅនឹងចង្កេះបង្អួតគេ។នាយទាហានម្នាក់នៅក្រសួងការពារជាតិ ដែលសុំមិនញ្ចេញឈ្មោះ បានមានប្រសាសន៍ថា បើលោកសឿន ឌី មិនមែនជាទាហាន ឬកងអង្គពិតប្រាកដគឺត្រូវមានទោស តែបើគាត់មានតួនាទីនិងមានអង្គភាពត្រឹមត្រូវ ក៍មិនអាចប្រេីតួនាទីរបស់ខ្លួន យកទៅដើរកាងរឿង ឬគម្រាមកំហែងអ្នកណានោះទេ ម្យ៉ាងទៀតប្រធានអង្គភាព មិនអាចបញ្ជាប៉េសកម្ម អោយដេីរធ្វេីការខុសតួនាទីដែរ។
បេីតាមសំដីអ្នកភូមិកំណើតរបស់សឿន ឌី បានបញ្ជាក់អោយដឹងថា ពីមុនជាក្មេងស្ទាវ ក្អោងក្អាង សំដីបាន មិនសូវដឹងខុសត្រូវទាបខ្ពស់ ទេស្រាប់តែបាត់មុខ ប៉ុន្មានឆ្នាំសោះ ម្តេចធ្វើការធំឡើងផ្កាយលឿនម្លេះ?។អង្គភាពសារពត៍មានយើងមិនអាចទាក់ទងសុំការបកស្រាយពីលោកសឿនឌីបាននៅឡើយទេទាក់ទងការចោទប្រកាន់នេះ។សង្ឃឹមថាលោកសឿនឌីនឹងពន្យល់៕