កម្ពុជា បញ្ជូនវិវាទនៅតំបន់មុំបី, ប្រាសាទតាមាន់ធំ, តាមាន់តូច និងតាក្របី ទៅតុលាការយុត្តិធម៌អន្ដរជាតិរួចហើយមិនដឹងថាតើការចរចារទៅរួចដែរឬអត់?
21-September-2026 / ផ្សេងៗ
ភ្នំពេញ៖ ដោយមិនបង្អង់យូរឡើយ រាជរដ្ឋាភិបាលកម្ពុជា បន្ទាប់ពីទទួលបានការគាំទ្រជាឯកច្ឆន្ទពីសមាជរដ្ឋសភា និងព្រឹទ្ធសភា បានបញ្ជូនវិវាទរវាងកម្ពុជា-ថៃ នៅតំបន់មុំបី, ប្រាសាទតាមាន់ធំ, ប្រាសាទតាមាន់តុច និងប្រសាទតាក្របី ទៅកាន់តុលាការយុត្តិធម៌អន្ដរជាតិ (ICJ) រួចរាល់ហើយកាលពីថ្ងៃទី២ ខែមិថុនា ឆ្នាំ២០២៥កន្លងទៅ។នេះបើតាមសេចក្ដីថ្លែងការណ៍នៅថ្ងៃទី៤ ខែមិថុនា ឆ្នាំ២០២៥ រាជរដ្ឋាភិបាលកម្ពុជា។
មូលហេតុគឺថា តំបន់ទាំងបួននេះនៅតែមិនទាន់ដាច់ស្រេច និងមានភាពរសើបជាយូរយារណាស់មកហើយ ដែលអាចបង្កនូវភាពតានតឹងកាន់តែធ្ងន់ធ្ងរ ប្រសិនបើមិនមានការដោះស្រាយនោះទេ។ខ្លឹមសារនៃសេចក្ដីថ្លែងការណ៍របស់រាជរដ្ឋាភិបាល បានបញ្ជាក់យ៉ាងដូច្នេះថា «ដោយមើលឃើញពីបញ្ហានេះ និងដើម្បីផលប្រយោជន៍ នៃការធានាបាននូវដំណោះស្រាយ មួយដោយយុត្តិធម៌ មិនលម្អៀង និងយូរអង្វែង នៅថ្ងៃទី២ ខែមិថុនា ឆ្នាំ២០២៥ រាជរដ្ឋាភិបាលកម្ពុជា បានសម្រេចបញ្ចូនវិវាទនៅតំបន់ដែលមានភាពរសើបចំនួនបួន គឺ តំបន់មុំបី ប្រាសាទតាមាន់ធំ ប្រាសាទតា មាន់តូច និងប្រាសាទតាក្របី ទៅតុលាការ ICJ នៅទីក្រុងឡាអេ។
ការសម្រេចនេះទទួលបានការគាំទ្រជាឯកច្ឆន្ទ ពីសមាជរដ្ឋសភា និងព្រឹទ្ធសភា លើកទី១ »។
ស្របពេលនៃការបន្តស្វែងរកដំណោះស្រាយផ្លូវច្បាប់នៅតុលាការ ICJ រាជរដ្ឋាភិបាលកម្ពុជា នៅតែប្តេជ្ញចិត្តបន្តការសន្ទនា និងច្រកការទូត កម្ពុជា នឹងបន្តចូលរួមរកដំណោះស្រាយតាមរយៈក្របខ័ណ្ឌទ្វេភាគី ដែលមានស្រាប់ ហើយនឹងធ្វើជាម្ចាស់ផ្ទះនៃកិច្ចប្រជុំ នៃគណៈកម្មការចម្រុះខណ្ឌសីមា និងបោះបង្គោល ព្រំដែនគោក (JBC) នៅថ្ងៃទី១៤ ខែមិថុនា ឆ្នាំ២០២៥ នៅរាជធានីភ្នំពេញ។ ទោះជាយ៉ាងនេះក្តី ដោយសារមានការបញ្ជូនវិវាទខាងលើទៅតុលាការ ICJ នោះ ករណីតំបន់ទាំងបួនខាងលើនឹងមិនត្រូវបាន ដាក់បញ្ចូលក្នុងរបៀបវារៈ នៃសម័យប្រជុំ JBC នាពេលខាងមុខនេះ។
រាជរដ្ឋាភិបាលកម្ពុជាសង្ឃឹមថា ប្រទេសថៃនឹងសហការបញ្ជូនសំណុំរឿងនេះទៅតុលាការ ICJ ក្នុងស្មារតីយុត្តិធម៌ ការកសាងទំនុកចិត្ត មិត្តភាពយូរអង្វែង និងភាពជាអ្នកជិតខាងល្អ។ កម្ពុជាបានត្រៀមខ្លួន បន្តកិច្ចដំណើរការនេះ ដោយឯករាជ្យម្ចាស់ការ ក្នុងករណីដែលមិនមានកិច្ចសហការណាមួយ។បើយោងតាមសេចក្តីថ្លែងការណ៍នេះគេមិនដឹងថាតើកិច្ចប្រជុំ(JBC) នៅថ្ងៃទី១៤ ខែមិថុនា ឆ្នាំ២០២៥ នៅរាជធានីភ្នំពេញអាចនឹងដំណើរការទៅបានដែរឬយ៉ាងណានោះទេ។ថ្ងៃទី៥ឧសភានេះគេបានឃើញមានរូបថតជួបគ្នារវាលោកនាយឧត្តមសេនីយ៍ទៀសីហារដ្ឋមន្ត្រីការពារជាតិកម្ពុជានិងលោករដ្ឋមន្ត្រីការពាជាតិថៃលោកភុំថាំវេឆៃយ៉ាឆៃ( Phumtham Wechayachai) ។តែគេមិនទាន់មានសេចក្តីរាយការណ៍ចេញពីកិច្ចប្រជុំនោះទេ។តែគេជឿថាវាជាសកម្មភាពពិភាក្សាជំហ៊ានដំបូងមុននឹងមានកិច្ចប្រជុំ(JBC) នៅថ្ងៃទី១៤ ខែមិថុនា។បើមិនមានការសម្របសម្រួលជជ ជែកគ្នាហើយភាគីកម្ពុជាយើងធ្វើតាមសេចក្តីថ្លែងការណ៍ខាងលើគេជឿថាកិច្ចប្រជុំអាចបរាជ័យ។បើវាបរាជ័យតើនឹងមានអ្វីកើតឡើងនៅតាមព្រុំដែនក្នុងពេលដែលកងទព័ប្រទេសទាំងពីរកំពុងប្រឈមមុខដាក់គ្នារួចហើយ?។
គួរជ្រាបថា បន្ទាប់ពីរដ្ឋាភិបាលកម្ពុជាប្រកាសជំហរផ្លូវការក្នុងការយកបញ្ហាព្រំដែនប្តឹងទៅ ICJ ក្រុមជាតិនិយមថៃបានចេញមកប្រតិកម្មតវ៉ានៅតាមស្ថាប័នរដ្ឋាភិបាលនានារបស់ថៃនៅថ្ងៃទី៥មិថុនានេះ។ តាមរយៈការចុះផ្សាយរបស់កាសែតជាច្រើននៅក្នុងប្រទេសថៃនៅថ្ងៃទី៥ មិថុនាដដែល រដ្ឋមន្ត្រីក្រសួងការពារជាតិ លោក Phumtham Wechayachai បានអះអាងថា កងទ័ពថៃបានត្រៀមខ្លួនជាស្រេចក្នុងការបិទព្រំដែនរបស់ខ្លួន ប្រសិនបើគណៈកម្មការ JBC មិនទទួលបានលទ្ធផល។
រដ្ឋមន្ត្រីការពារជាតិថៃរូបនេះបានព្រមានដែរថា ប្រសិនបើច្បាប់អាជ្ញាសឹកត្រូវបានប្រកាសក្នុងស្ថានការណ៍បច្ចុប្បន្ននេះ មេបញ្ជាការនៃតំបន់ ២ គឺជាអ្នកសម្រេចថាតើនឹងត្រូវបិទច្រកព្រំដែននៅតំបន់ដែលកំពុងមានជម្លោះជាមួយកម្ពុជា ឬយ៉ាងណា។ គួរដឹងដែរថា ការប៉ះទង្គិចដោយអាវុធនៅព្រំដែនកម្ពុជា-ថៃ នាពេលនេះត្រូវបានគេមើលឃើញថាកើតមានដោយសារភាពមិនច្បាស់លាស់នៃស្ថានការណ៍នយោបាយផ្ទៃក្នុងរបស់ថៃ៕
