ពលករខ្មែរ ជាង១០០នាក់ត្រឡប់មកពីប្រទេសថៃ ត្រូវបានអាជ្ញាធរ ក្រុងនិងខេត្តបន្ទាយមានជ័យ នាំយកទៅទុកនៅមណ្ឌលសំចត.បន្ទាប់មកបានអាជ្ញាថៃខ្មែរជជែកគ្នារឿងទំនិញនិងពលករ!!!
21-September-2026 / សន្តិសុខសង្គម
ក្រុងប៉ោយប៉ែត ៖ កាលពីព្រឹកថ្ងៃអង្គារ ទី៣១ ខែមីនា ឆ្នាំ២០២០ នេះ ក្រោមការសម្របសម្រួលរៀបចំពី លើក អ៊ុំ រាត្រី អភិបាលខេត្តបន្ទាយមានជ័យ និងមន្ត្រីមូលដ្ឋានសហកានិង កងកម្លាំងប្រដាប់អាវុធ សមត្ថកិច្ចជំនាញពាក់ព័ន្ធ តាមបន្ទាត់ព្រំដែនកម្ពុជា-ថៃបាននាំយកពលករខ្មែរ ប្រមាណ១១៧នាក់ ដែលទើបវិលត្រឡប់មកពីបម្រើរការងារនៅប្រទេសថៃ តាមចក្ររបៀង ចំការគរ ស្រុកស្វាយចេ ខេត្តបន្ទាយមានជ័យទៅដាក់នៅមណ្ឌលត្រួតពិនិត្យសុខភាព។
នៅទីនោះមន្ត្រីជំនាញសុខាភិបាល ពេទ្យបង្អែក ក្រុងប៉ោយប៉ែត បានធ្វើការ ស្ទង់កំដៅការពារ និងធ្វើការណែនាំផ្សព្វផ្សាយ វិធានការទប់ស្កាត់មេរោគជំងឺកូវីត-១៩ ។បើមានការសង្ស័យ ក្រុមការងារនិងបន្តពិនិត្យ ដោយយកចិត្តខ្ពស់ និងមិនអនុញ្ញាតអោយ បន្តដំណើរទៅតាមតម្រូវការពួកគាត់នោះទេក្នុងរយៈពេល១៤សិន។
ក្នុងឱកាសកំពង់ពិនិត្យ ការពារជំងឺកូវីដ-១៩ ក្រុមការងារអាជ្ញាធរ ក៏បានចែកជូនអារហារថ្ងៃត្រង់និង ទឹកសុទ្ធ ដល់ពលករខ្មែរ ដែលបានសរុបចំនួន៥ខេត្ត ដែលទើបតែវិលត្រឡប់មកពីប្រទេសថៃ គ្រោងទៅស្រុកកំណើត ផ្ទះសម្បែងវិញផងដែរ ក្នុងនោះមានចំនួន៥ខេត្តដូចខាងក្រោម៖
ទី១-ខេត្តបន្ទាយមានជ័យ។ទី២-ខេត្តសៀមរាប។ទី៣-ខេត្តឧត្តរមានជ័យ។ទី៤-ខេត្តកំពង់ធំ។ទី៥-ខេត្តស្វាយរៀង។
បន្ទាប់មកនៅទី ១ ខែមេសា ឆ្នាំ២០២០ នេះ អាជ្ញាធរក្រុងប៉ោយប៉ែត ខេត្តបន្ទាយមានជ័យ ប្រតិភូកងកម្លាំងអាជ្ញាធរមានសមត្ថកិច្ច ក្នុងភូមិសាស្ត្រខេត្ត និងបន្ទាត់ព្រំដែនកម្ពុជា~ថៃ ដឹកនាំដោយ លោកអ៊ុំ រាត្រី អភិបាលបានជួបប្រជុំ ពិភាក្សា ដោះស្រាយការងារបន្ទាន់មួយចំនួន ជាមួយ អាជ្ញាធរស្រុកអារញ្ញ ខេត្តស្រះកែវ រាជាណាចក្រថៃ គឺ វរ៉ាផាន់ សុវាណុន Mr.WORAPHAN SUWANNUS អភិបាលខេត្តស្រះកែវនៅស្នាក់ការគយថៃ ច្រកទ្វារព្រំដែនអន្តរជាតិប៉ោយប៉ែត ក្លងឡឹក ។
អាជ្ញាធរខេត្តបន្ទាយមានជ័យ បានស្នើសុំជាគោលការណ៍រួមទៅ ០២ចំណុច ដល់ឯកឧត្តមអភិបាលខេត្តស្រះកែវ ៖
១ • ស្នើសុំជួយសម្រួលដល់បងប្អូនប្រជាពលករខ្មែរ ដែលត្រូវបានអាជ្ញាធរថៃ បញ្ជូនមកជារាល់ថ្ងៃ សូមមានកិច្ចសហការ និងកំណត់យកទីតាំងច្រក ណាមួយសមរម្យផ្លូវ ដូចជាច្រកបឹងត្រគួនជាអាទ៍ ដើម្បីងាយស្រួលក្នុងការត្រួតពិនិត្យ ការពារជំងឺកូវីត១៩ តែកន្លងមកបញ្ជូនមកតែតាមច្រករបៀង ចំការគរ ។
២ • ស្នើឱ្យមានការជួយសម្រួលការចេញចូលដឹកតំឡូងមីរបស់ប្រជាកសិករ ដើម្បីជំរុញសេដ្ឋកិច្ចនៃប្រទេសទាំងពីរ ដូចជា នៅច្រកបឹងត្រគួន ច្រកម៉ាឡៃ និងច្រកប៉ោយប៉ែត ជាដើម ។
ក្រោយពីការជជែកពិភាក្សាយ៉ាងយកចិត្តទុកដាក់រវាងភាគីទាំងពីរប្រទេស តាមសំណើសុំរបស់ ខាងអាជ្ញាធរខេត្តបន្ទាយមានជ័យ ដើម្បីសហការ សម្របសម្រួលជួយដល់ប្រជាពលករខ្មែរ និងដើម្បីរួមសហការគ្នាទប់ស្កាត់ និងប្រយុទ្ធនឹងជំងឺកូវីត១៩ ។
លោក វរ៉ាផាន់ សុវាណុន Mr.WORAPHAN SUWANNUS អភិបាលខេត្តស្រះកែវ និងកងកម្លាំងបូពា៍ថៃ បានឯកភាពជាគោលការណ៍រួម ៖
១ • កំណត់យកទីតាំងច្រកអូរបីជាន់ គោកធ្យូង ជាកន្លែងតែមួយគត់ដើម្បីសម្របសម្រួលដល់ពលករ ដែលអាជ្ញាធរបញ្ជូនមកដើម្បីងាយស្រួលទាំងខាងថៃ និងកម្ពុជា ដើម្បីរួមគ្នាពិនិត្យសុខភាព មុនអនុញ្ញាត្តឲ្យចេញ ។ជាមួយនោះបន្តសហការទប់ស្កាត់ការលួចចេញតាមច្រករបៀងផ្សេងទៀត។
២ • តាមសំណើរសុំបស់ ឯកឧត្តមអភិបាលខេត្តបន្ទាយមានជ័យ សម្រួលចេញដំឡូវមី ទំនិញ ចេញតាមច្រកតំបន់ផ្លូវការណាមួយនោះ រដ្ឋបាលខេត្តស្រះកែវនឹងធ្វើរបាយការណ៍សុំគោលក្រសួងពាណិជ្ជកម្មថៃដើម្បីសម្រួលជូន និងផ្តល់ដំណឹងជម្រាបជូនតាមក្រោយ។ប្រភពប៉ោយប៉ែតប៉ុស្ត្តិ
