វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1358 នាក់
ម្សិលមិញ 9706 នាក់
សរុប 14079601 នាក់
តរតនគិរី ៖ ក្មេងប្រុសម្នាក់បាន បាត់បង់ជីវិតពេលបញ្ជូនដល់មន្ទីរពេទ្យ បន្ទាប់ពីត្រូវដំរីឈ្មោះ បុក ម៉ាយ ឈ្មោល មានអាយុ៣២ឆ្នាំ ចាប់បោកយ៉ាងដំណំកាលពីថ្ងៃទី១៤ ខែមិនា ឆ្នាំ២០២០ វេលាម៉ោង ៩.១១នាទី ត្រង់ចំណុចភ្នំក្រូច ស្ថិតក្នុងភូមិកាទៀង ឃុំល្បាំង២ ស្រុកលំផាត់ ខេត្តរតនគិរី ។
កុមារារងរង្គ្រោះឈ្មោះ ហៀក ជីវ: ភេទប្រុស អាយុ១០ឆ្នាំ ជនជាតិព្រៅ ជាសិស្ស មានទីលំនៅភូមិកាទៀង ឃុំល្បាំង២ ស្រុកលំផាត់ ខេត្តរតនគិរី។ ចំណែកម្ចាស់ដំរី ឈ្មោះ ខៃ ចិន្តា ភេទប្រុស អាយុ៤៨ឆ្នាំ ជនជាតិខ្មែរ មានទីលំនៅ ភ្នំពេញ បានជួលឲ្យ ម៉ដំរី ឈ្មោះ ប៊ុនរឿង ផ្លាល ភេទប្រុស អាយុ៣១ឆ្នាំ ជនជាតិព្រៅ មានទីលំនៅភូមិកាទៀង ឃុំល្បាំង២ ស្រុកលំផាត់ ខេត្តរតនៈគិរី ជាអ្នកមើលថែ ។
មុនពេលកើតហេតុ ឈ្មោះ ប៊ុនរឿង ផ្លាល បាននាំក្មេងរង្គ្រោះ ជិះម៉ូតូជូនទៅកន្លែងចងដំរី ដើម្បីឲ្យក្មេងជួយយកម៉ូតូត្រឡប់ទៅភូមិវិញ។តែមិនដឹងយ៉ាងម៉េច គ្រាដែលជិះម៉ូតូទៅដល់ ដំរីក៏បានស្ទុះចាប់បោកក្មេងប្រុស ទៅនឹងគល់ឈើ។ ឃើញសភាពរបួសធ្ងន់ធ្ងរពេក ម៉ដំរីក៏បានលើកក្មេងរងរបួស ដាក់ម៉ូតូដឹកទៅពេទ្យបង្អែកខេត្តដើម្បីជួយសង្គ្រោះដែរ។
តែបើតាមការឲ្យដឹងពីលោក ហ៊ីង ផានសុគន្ធា ប្រធានមន្ទីរពេទ្យបង្អែកខេត្តរតនគិរី បានឲ្យដឹងថា ពេលយកក្មេងមកដល់មន្ទីរគ្រូពេទ្យ បានពិនិត្យ ឃើញថា ក្មេងប្រុសបានស្លាប់បាត់ទៅហើយ។ក្រោយពីបានដឹងថា ក្មេងរងគ្រោះស្លាប់ ហ្ម៉ដំរីក៏បានបិទសាប៊ូគូថរត់គេចខ្លួនបាត់តែម្តង ។
កម្លាំងជំនាញអធិការដ្ឋាន សហការជាមួយកម្លាំងប៉ុស្តិ៍ ចុះពិនិត្យកន្លែងកើតហេតុ និងពិនិត្យសាកសព រួចបានធ្វើកំណត់ហេតុប្រគល់សាកសព ជូនឪពុកម្តាយធ្វើបុណ្យតាមប្រពៃណី៕