» រឿង​ដី​ជាន់គ្នា​នៅ​ដំណាក់​ផ្ចឹក​ស្រុកទឹកផុសកំហុស​អ្នកណា​? » ចិន​ប្រមូល​ទិញ​មាស​ទុក​ធ្វើ​ទុនបំរុង​ដើម្បី​ទប់ទល់​ឥទ្ធិពល​លុយ​ដុល្លារ​អាមេរិក​ » សម្តេច​តេ​ជោ​ហ៊ុនសែន​ប្រកាស​ពី​ចំនួន​ថវិការ​ឧបត្ថម្ភ​ដល់​គ្រួសារ​សព​និង​អ្នករងគ្រោះ​ព្រោះ​រលំ​អគារ​នៅ​ខេត្ត​ព្រះសីហនុ​កម្លាំង​សង្គ្រោះ​ម្នា​ក់បាន​១០០​ដុល្លារ​និង​នារី​បាន​២០០​ដុល្លារ​ដែរ​ » សុនខ​ដំបូងបង្អស់​នៅក្នុង​ប្រវត្តិសាស្ត្រ​របស់​កម្ពុជា បាន​ចុះ​បេសកកម្ម​ក្នុងនាម​ជា​K9 ដើម្បី​បម្រើ​និង​ជួយ​ដល់​មនុស្សជាតិ​! » អគ្គស្នងការ​នគរបាល​ជាតិ ៖ នគរបាល​គ្រឿងញៀន​ដែល​បាញ់រះ​ចូល​ផ្ទះ​ប្រជាពលរដ្ឋ នៅក្នុង​ខណ្ឌ​សែន​សុខ ត្រូវតែ​បញ្ជូនទៅ​តុលាការ​ » សេវា​រថភ្លើង​ថៃ​បាងកក​-​ព្រំដែន​កម្ពុជា​នឹង​ចាប់​ដឹក​ភ្ញៀវ​នៅ​ថ្ងៃ​០១​កក្កដា​តែ​រថភ្លើង​ខ្មែរ​ងាប់​ក៏​មិន​ងាប់​រស់​ក៏​មិន​រស់​? » ខេត្តកំពត​សម្បុក​សម្បូ​ម៉ូតូ​ច្នៃ​បំពង់​ស៊ី​ម៉ាំង​ប្រែ​ន​! » អ្នកស្រី​អាំង​សូ​នី ត្រូវ​ពលរដ្ឋ​ជិត​៥០​គ្រួសារ ចោទថា​ដុត​ផ្ទះ កាប់​ដំណាំ និង​ឆរ​បោក​ប្រាក់ » ឈ្មួញ​ឈើ​ដុះ​ស្លែរ​២​នាក់​បាន​ឡេះ​ធ្វើ​ផ្លូវ លួច​ចូល​កាប់​ដឹកឈើ​ស្ទើរ​រលាយ​ហិនហោច ព្រៃភ្នំ​ក្រមុំ​ច្រើម​ស្រុក​ក្រវាញ​ » លោក​យន្ត​មីន​អភិបាលខេត្ត​ចិត្តសឿង​ព្រោះ​ហ៊ាន​ទទួលខុសត្រូវ​រឿង​បាក់​អគារ​៧​ជាន់​សង់​អត់​ច្បាប់​តែ​តេ​ជោ​ថា​មិនទាន់​ចប់​ទេ​!? » ធម្មការ​និង​មន្ត្រី​សង្ឃ​ពោធិ​សែន​ជ័យ​ថា​រូប​ចៅអធិការ​វត្ត​ពោធិចិនតុង​ដេក​ឱប​ស្រី​គឺជា​រូប​កាត់ត​?! » នាយ​តាក់ស៊ី​សម្រេច​សាង​ផ្នួស​ចោល​ប្រពន្ធ​ក្មេងមែនទែន​ហើយ​! » ព្រះរាជអាជ្ញា​សម្រេច​ចោទប្រកាន់​ឧកញ៉ា សុខ ប៊ុន ចៅសង្កាត់ ក្រុមប្រឹក្សា និង​មេភូមិ​នៅ​សង្កាត់​កោះរ៉ុង ទាំង​៦​នាក់ ពាក់ព័ន្ធ​រំលោភ​ដីធ្លី​ខុសច្បាប់​ » សហ​ស្ស័​នាម​ប៉េ​៥​លោក គួច ចំរើន​មា​ជិ​ក​យុវជន​២២ ក្លាយជា​អភិបាលខេត្ត​ព្រះសីហនុ ជំនួស​លោក យន្ត មីន​មាន​ប្រវត្តិ​ចេញពី​ទាន​ហ៊ាន​ដែរ​! » ជម្លោះ​ដ៏​រ៉ាំរ៉ៃ​មួយ​ នៅក្នុង​ព្រះវិហារ​ខ្មែរ​អ៊ីស្លាម​ស្ថិតនៅក្នុង ភូមិ​ខ្នាយ​កកោះ ឃុំ​សែ​ប​ស្រុក​កំពង់ត្រឡាច​ខេត្តកំពង់ឆ្នាំង

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 2572 នាក់

ម្សិលមិញ 6243 នាក់

សរុប 2399609 នាក់

សម្តេច​ក្រឡាហោម​សខេង​បង្ហើប​ពី​មូលហេតុ​រំលាយ​គណបក្សនយោបាយ​មួយ​!

 

​ភ្នំពេញ​៖ អតីត​គណបក្ស​សង្គ្រោះ​ជាតិ (CNRP) ត្រូវបាន​តុលាការ​កំពូល​រំលាយ​កាលពី​ថ្ងៃ​១៦ ខែវិច្ឆិកា ឆ្នាំ​២០១៧ ដោយសារ​បក្ស ប្រឆាំង​ការបោះឆ្នោត​កាលពី ឆ្នាំ​២០១៣ ហើយ​កៀងគរ​ប្រជាពលរដ្ឋ​ពី បណ្ដា​ខេត្ត​នានា ឲ្យ​ប្រមូល​ផ្ដុំគ្នា​ឡើងមក​ធ្វើបាតុកម្ម នៅ​រាជធានី​ភ្នំពេញ ដើម្បី​ផ្ដួលរំលំ​អ្នកឈ្នះឆ្នោត ។​នេះ​បើតាម​សម្ដេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ ។ a sar kheng PV1 

​ក្នុង​ពិធីបុណ្យ​បញ្ចុះ ខណ្ឌសីមា​ព្រះវិហារ និង​ឆ្លង​សមិទ្ធផល​នានា នៅ​វត្ត​ក្រាំង​ចេតិយ ឃុំ​ត្រពាំង​ស្រែ ស្រុក​មេសាង ខេត្តព្រៃវែង នា​ព្រឹក​ថ្ងៃទី​២៣ ខែមីនា ឆ្នាំ​២០១៩​នេះ សម្តេច​ក្រឡាហោម ស ខេង បាន​មានប្រសាសន៍ថា​៖ មាន​អ្នកខ្លះ​ចង់​នាំយក​កម្ពុជា ទៅរក​ភ្លើងសង្គ្រាម​ឡើងវិញ ។

​សម្ដេច​ក្រឡាហោម​វាយតម្លៃថា ក្នុង​ប្រវត្តិសាស្ត្រ​កម្ពុជា មានការ​បោះឆ្នោត ២​ដង ដែល​ល្អ​បំផុត គឺ​ឆ្នាំ​២០១២ បោះឆ្នោត​ក្រុមប្រឹក្សាឃុំ​សង្កាត់ គ្មាន​អ្នកណា​របកស្បែក​ម្នាក់​ទេ ។​ឆ្នាំ​២០១៣ ក៏​ដូចគ្នា​ដែរ ហើយ​បោះឆ្នោត​ឆ្នាំ​២០១៨ ក៏​អត់​មាន​មនុស្ស​ស្លាប់ យើង​ក៏​ចាត់ទុកថា ល្អ​ដែរ ។ “​ដល់​ហើយ​មាន អា​គណបក្ស​មួយ​នោះ ឥឡូវ​រំលាយ​បាត់​ហើយ ម៉េច​បាន​រំលាយ មិនមែន​នៅ​ស្ងៀមៗ​រំលាយ​ទេ វា​មាន​ហេតុ មាន​ផលរប​ស់វា ។

រំលាយ​ដោយសារ​អី ដោយសារ​គេ​បោះឆ្នោត ល្អ​ម្ល៉ឹងៗ អត់​មាន​មនុស្ស​ស្លាប់ អត់​មានអី​ផង អន្តរជាតិ​ទទួលស្គាល់ ពេញ​ពិភពលោក នៅ​ឆ្នាំ​២០១៣ តែ​មក​គៀងគរ​ប្រជាពលរដ្ឋ ពី​ព្រៃវែង​ផង ពី​កំពង់ចាម ពី​ភ្នំពេញ កណ្ដាល កំពង់ស្ពឺ ជាដើម ។​ល​។ ដើម្បី​ទៅធ្វើ​បាតុកម្ម បំផ្លាញ់​ការបោះឆ្នោត ហើយ​ផ្ដួល​អ្នក​ដែល​ឈ្នះឆ្នោត​” ។​

​សម្ដេច​បន្តថា “​យើង​សួរថា អាហ្នឹង​វា​ប្រជា​ធិ​តេ​យ្យ​ទេ វា​អត់​ប្រជាធិបតេយ្យ​ទេ ហើយ​ផ្ដួល​ទៅ សួរថា​ខ្មែរ​យើង​បាន​សុខ​ទេ អ្នកនោះ​ឡើងមក​ជំនួស អ្នក​ដែល​ត្រូវ​ដួល ឧបមា​ថា គេ​ផ្ដួល​គណបក្ស​ប្រជាជន​ចុះ សួរថា គណបក្ស​ប្រជាជន​សុខចិត្ត​ទេ គឺ​អត់​សុខចិត្ត​ទេ ពីព្រោះថា បោះឆ្នោត​ខ្លួន​ឈ្នះ ហើយ​បោះឆ្នោត​យ៉ាង​ល្អ តាម​ស្តង់ដារ​អន្តរជាតិ ហើយ​ដល់​គេ​មក​បំផ្លាញ​លទ្ធផល មក​ផ្ដួល​យើង​សួរថា​សុខចិត្ត​អត់ អត់​សុខចិត្ត ។ អត់​សុខចិត្ត​មានអី មានតែ​ប្រឆាំង ដល់​ប្រឆាំង​វា​មិន​ទៅ​វឹកវរ​បែកបាក់​ស្រុកទេស សារជាថ្មី រឿងនេះ​ហើយ​ដែល​គណបក្ស​មួយ​នោះ ត្រូវ​ប្រឈម​ការរំលាយ​” ។​បញ្ហា​នេះ​សម្ដេច បាន​អំពាវនាវ​ឲ្យ​ប្រជាពលរដ្ឋ កុំ​គាំទ្រ​។​

​សូមបញ្ជាក់ថា​៖​លោក​កឹម​សុខា​មេគណបក្ស​សង្គ្រោះ​ជាតិ​ត្រូវបាន​នគរបាល​ចាប់ខ្លួន​ទាំង​កណ្តាល​អា​ធ្រា​ត​ថ្ងៃទី​២២​កញ្ញា​ឆ្នាំ​២០១៧​យកទៅ​ឃុំ​នៅ​គុក​ត្រពាំង​ផ្លុ​ង​ដោយ​ចោទថា​ក្បត់ជាតិ​ដោយ​ផ្អែក​តាម​ខ្សែ​វិ​ដេ​អូ​និយាយ​នៅ​អូស្ត្រាលី​កាលពី​ឆ្នាំ​២០១៣​ថា​អាមេរិក​បង្រៀន​ឲ្យ​ធ្វើ​បដិវត្តន៍​បែប​យូ​ហ្គោ​ស្លា​វី​?​។​

ក្រោយមក​ក៏មាន​គណបក្ស​ហ្វុ​ស៊ិនប៉ិច​ដែលរ​កមួយ​ជើងម៉ា​ក្នុង​សភា​គ្មាន​គ្មាន​នោះបាន​ដាក់​ពាក​ក្យ​ប្តឹងទៅ​ក្រសួងមហាផ្ទៃ​ឲ្យ​រំលាយ​គណបក្ស​សង្គ្រោះ​ជាតិ​ទៅ​ក្រសួងមហាផ្ទៃ​ហើយ​ក្រសួងមហាផ្ទៃ​បាន​ប្តឹងទៅ​តុលាការ​កំ​ពំ​ពូ​ល​រំលាយ​គណបក្ស​សង្គ្រោះ​ជាតិ​នៅ​ថ្ងៃទី​១៦​វិច្ឆិកា​ឆ្នាំ​២០១៧​ព្យួរ​ធ្វើ​នយោបាយ​មន្ត្រីជាន់ខ្ពស់​គ​ណ​បក្ស​សង្គ្រោះ​ជាតិ​ចំនួន​១១៨​នាក់​និង​ក្រោយមក​ក្រសួងមហាផ្ទៃ​និង​គជប​ដកយក​កៅ​មា​ជិ​ក​ក្រុមប្រឹក្សាឃុំ​សង្កាត់​គណបក្ស​សង្គ្រោះ​ជាតិ​ជាង​៥០០០​នាក់​បាត់​ចែក​ទៅ​ឲ្យ​គណបក្ស​ប្រជាជន​និងកៅអីតំណាងរាស្រ្៥៥កៅអីតឲ្យទៅគណបក្សហ្វុស៊ិនប៉ិចបាត់​។​ដល់ពេល​បោះ​ឆ្នោតឆ្នាំ២០១៨​គណបក្ស​ប្រជាជន​កម្ពុជា​ស៊ី​ផុយ​!​។​

ទាក់ទង​បញ្ហា​ឈ្នះ​១០០​ភាគរយ​នេះដែរ​សម្ដេច​ក្រឡាហោម​សខេង​ឲ្យ​ដឹងថា​៖ ដល់ពេល​រំលាយ​ហើយ ចោទថា​កម្ពុជា ងាក​ទៅរក​របប​ឯក​បក្ស គឺមាន​បក្ស​តែមួយ​។ ប៉ុន្តែ​បច្ចុប្បន្ននេះ កម្ពុ​ជាមាន​គណបក្សនយោបាយ​ជិត ៥០​គណបក្ស ហើយ​មាន​អង្គការក្រៅរដ្ឋាភិបាល​ជាង ៥០០០​អង្គការ ។​

សម្ដេច​ថ្លែង​បញ្ជាក់ថា ប្រជាធិបតេយ្យ​កម្ពុជា នៅតែមាន​មូលដ្ឋានគ្រឹះ​រឹងមាំ មិន​ដូច​អ្នក​មួយចំនួន លើកឡើងថា កម្ពុជា​បាត់បង់​លទ្ធិប្រជាធិបតេយ្យ ឬ​ដើរ​ថយក្រោយ​ឡើយ ។​ប្រសាសន៍​ម​ស្តេច​ក្រឡាហោម​សខេង​មិនដឹងថា​តើ​សហគមន៍​អឺរ៉ុប​ដែល​ចោទថា​កម្ពុជា​បាន​ដើរ​ថយក្រោយ​រឿង​រំលោភ​សិទ្ធមនុស្ស​និង​លិ​ទ្ធិ​ប្រជាធិបតេយ្យ​យលស្រប​តាម​ដែរ​ឬ​អត់​នោះទេ​?៕a sar kheng PV