វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5041 នាក់
ម្សិលមិញ 10264 នាក់
សរុប 14144223 នាក់
ញូដេលី ៖ លោក ណារិនដ្រា ម៉ូឌីនាយករដ្ឋមន្ត្រីឥណ្ឌា កាលពីថ្ងៃអង្គារ៍ទី២៥មិនា បានដាក់វិធានការប្រកាស “បិទប្រទេសទាំងមូល” រយៈពេល២១ថ្ងៃ ដោយចាប់ផ្តើមពីថ្ងៃអង្គារ វេលាម៉ោង២៤និង០០នាទីតទៅដើម្បីប្រយុទ្ធប្រឆាំង នឹងការរីករាលដាល នៃជំងឺរាតត្បាតកូវីដ-១៩ ។
ទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃទី២៥ ខែមីនា ឆ្នាំ២០២០ បានឱ្យដឹងថា លោក ម៉ូឌី បានព្រមាននៅក្នុងសុន្ទរកថារបស់លោក តាមទូរទស្សន៍ទៅកាន់ប្រជាជនឥណ្ឌាជាង១ពាន់លាន់នាក់ទូទាំងប្រទេសថា មេរោគកូវីដ-១៩ រីករាលដាលយ៉ាងលឿន ប្រសិនបើយើងមិនចាត់វិធានការខ្លាំងនោះទេ នៅពេលឥឡូវនេះ។
វាអាចបង្កការគំរាមកំហែងយ៉ាងធ្ងន់ធ្ងរនាពេលអនាគតដ៏ខ្លី ចំពោះប្រទេសរបស់យើង។ ប្រសិនបើយើងមិនអនុវត្តតាមការបិទប្រទេស សម្រាប់រយៈពេល២១ថ្ងៃទៀតទេ ប្រទេសរបស់យើងអាចត្រូវបានធ្លាក់ចូល ចំពោះការរាតត្បាតជំងឺ ហើយនឹងដើរថយក្រោយទៅ២១ឆ្នាំមុន។
នេះជាសុន្ទរកថាទី២ របស់នាយករដ្ឋមន្ត្រី ទៅកាន់ប្រជាជននៅក្នុងរយៈពេលតិចជាងមួយសប្តាហ៍។ មុននេះលោកបានថ្លែងទៅកាន់ប្រទេសនៅថ្ងៃទី១៩ ខែមីនា។លោក ម៉ូឌី បាននិយាយថា “ការដាក់ឱ្យនៅដាច់ដោយឡែក គឺជាមធ្យោបាយតែមួយគត់ ដើម្បីបំបែកវដ្តរបស់វីរុសកូរ៉ូណា និងការពារប្រឆាំងនឹងវីរុសនេះ។ ការឃ្លាតឆ្ងាយពីការជួបជុំ គឺត្រូវតែធ្វើ”។ លោក ម៉ូឌី បាននិយាយថា ប្រជាជននៅក្នុងប្រទេសមួយចំនួនដែលស្ថិតនៅក្នុងការវាយលុក របស់មេរោគកូរ៉ូណា បានធ្វើតាមការណែនាំរបស់រដ្ឋាភិបាលរៀងៗខ្លួន ហើយបានស្នាក់នៅក្នុងផ្ទះ របស់ពួកគេ។ លោកនាយករដ្ឋមន្ត្រី បានបន្ថែមថា “ហើយដូច្នេះ ប្រទេសទាំងនោះអាចពិនិត្យការរីករាលដាលនៃវីរុសនេះ”។
លោកនាយករដ្ឋមន្ដ្រី ឥណ្ឌាបានបន្ថែមថា ប្រសិនបើ ប្រទេសនេះ បរាជ័យ មិនអាច គ្រប់គ្រង បាន ក្នុងរយៈពេល ២១ថ្ងៃខាងមុខនេះទេ នោះមានន័យថា យើងនឹងវិលត្រឡប់ថយ ក្រោយទៅកាន់ ពេលវេលា ដូចកាលពី ២១ឆ្នាំ មុននោះទៀតហើយ។
សូមបញ្ជាក់ថា ពលរដ្ឋឥណ្ឌា ទាំងអស់ មានជាង ១,៣ពាន់លាននាក់ (ស្ថិតិ ក្នុងឆ្នាំ២០២០)។ ការប្រកាសបិទប្រទេស ឥណ្ឌា នេះ ធ្វើឲ្យប្រជាជន ចំនួន ១ភាគ៥ នៅលើពិភពលោក ទាំងមូល ត្រូវ បានបិទរាល់ការធ្វើដំណើរ។មន្ត្រីសុខាភិបាលឥណ្ឌា បាន ថ្លែងថា អ្នកឆ្លងកូវីដ-១៩ នៅក្នុងប្រទេសនេះ បានកើនឡើងដល់៤៦៩នាក់ ក្នុងនោះ អ្នកជំងឺ ចំនួន១០នាក់ បានបាត់បង់ជីវិត។