កូរ៉េខាងត្បូងធ្លាក់ចូលក្នុងវិបត្តិនយោបាយបន្ទាប់ពីប្រធានាធិបតីប្រកាសដាក់ច្បាប់អាជ្ញាសឹកបាន១ដង្ហើមចង្រឹត
19-April-2025 / ព័ត៌មានអន្តរជាតិ
ប្រទេសកូរ៉េ៖នយោបាយរបស់ប្រទេសកូរ៉េខាងត្បូងបានធ្លាក់ចូលវិបត្តិកាន់តែធ្ងន់ធ្ងរៗក្រោយលោកប្រធានាធិបតី យុនសុកយ៉ឹល(Yoon Suk Yeol )ប្រកាសច្បាប់អាជ្ញាសឹក ហើយត្បិត។កាលពីយប់ថ្ងៃអង្គារ ប្រទេសកូរ៉េខាងត្បូងបានកើតចលាចលដោយសារច្បាប់អាជ្ញាសឹក ដោយប្រជាជននាំគ្នាចេញតវ៉ា ហើយគេឃើញមានទាំងរថក្រោះនិងកងទាហាន ដាក់ពង្រាយនៅទីក្រុងសេអ៊ូលផងដែរ។
នៅក្នុងសុន្ទរកថាតាមកញ្ចក់ទូរទស្សន៍ លោក Yoon និយាយថា វិធានការនេះគឺចាំបាច់បំផុត ដើម្បីការពារប្រទេសពីកងកម្លាំងកុម្មុយនិស្តកូរ៉េខាងជើង និងដើម្បីកម្ចាត់ក្រុមប្រឆាំងនឹងរដ្ឋ។ ការធ្វើបែបនេះ គឺដើម្បីដកកងកម្លាំងគាំទ្រកូរ៉េខាងជើងចេញពីប្រទេស និងដើម្បីការពារសណ្តាប់ធ្នាប់រដ្ឋធម្មនុញ្ញសេរី។ លោកគ្មានជម្រើសអ្វីក្រៅពីងាកទៅរកច្បាប់អាជ្ញាសឹកឡើយ។
ទោះបីជាយ៉ាងណាក៏ដោយ មិនដល់២ម៉ោងផង ច្បាប់នេះត្រូវបានសមាជិករដ្ឋសភាកូរ៉េខាងត្បូងចំនួន១៩០រូប បោះឆ្នោតប្រឆាំងហើយ Yoon ក៏ដកច្បាប់នេះចេញវិញ។ទោះបីយ៉ាងណាការសម្រេចិត្តបែបនេះបង្កឲ្យមានមន្ត្រីជាន់ខ្ពស់របស់លោកជាច្រើនរូប បានស្នើសុំលាលែងពីតំណែងជាទ្រង់ទ្រាយធំ។តាមការចុះផ្សាយរបស់ Korea Herald នៅថ្ងៃពុធទី៤ខែធ្នូឆ្នាំ២០២៤, មន្ត្រីធំៗនៅការិយាល័យប្រធានាធិបតី រួមទាំងអគ្គសេនាធិការនិងលេខាធិការជាន់ខ្ពស់ផងដែរនោះ សុទ្ធតែស្នើសុំលាលែងពីតំណែង។
រដ្ឋមន្ត្រីការពារជាតិកូរ៉េខាងត្បូង លោក Kim Yong-Hyun នៅថ្ងៃពុធនេះ បានចេញមុខសុំទោសប្រជាជន និងបានស្នើសុំលាលែងចេញពីមុខតំណែង ក្រោយជាប់ពាក់ព័ន្ធ ក្នុងការប្រកាសដាក់ចេញច្បាប់អាជ្ញាសឹក ដែលទទួលបរាជ័យ របស់ប្រធានាធិបតី លោក Yoon Suk Yeol។ នេះបើតាមការចេញផ្សាយដោយ ទីភ្នាក់ងារព័ត៌មាន AFP។លោក Kim បាននិយាយ ថា «ជាដំបូង ខ្ញុំសូមបង្ហាញការស្តាយក្រោយជាខ្លាំង និងសូមទទួលខុសត្រូវទាំងស្រុង សម្រាប់ភាពជ្រួលច្របល់ និងក្តីព្រួយបារម្ភ ដែលបានបង្កឡើងចំពោះសាធារណជនទាំងអស់ ពាក់ព័ន្ធទៅនឹងច្បាប់អាជ្ញាសឹក... ខ្ញុំបានទទួលខុសត្រូវយ៉ាងពេញលេញ សម្រាប់បញ្ហានានា ដែលទាក់ទិននឹងច្បាប់អាជ្ញាសឹក ហើយបានដាក់ពាក្យសុំលាលែងពីតំណែង ទៅកាន់លោកប្រធានាធិបតី»។ លោក Kim Yong-Hyun ទើបតែឡើងកាន់តួនាទីជា ប្រមុខការពារជាតិកូរ៉េខាងត្បូង កាលពីខែកញ្ញា ឆ្នាំនេះ ប៉ុណ្ណោះ។
គួរបញ្ជាក់ថា ក្រុមគណបក្សប្រឆាំងចំនួន៦ នាថ្ងៃពុធនេះ បានដាក់ចេញសេចក្តីព្រាងមួយ សំដៅដំណើរការនីតិវិធីចោទប្រកាន់ជាផ្លូវការ ដើម្បីដកតំណែងលោក Yoon តែម្តង ស្របពេលដែល បក្សប្រឆាំងធំជាងគេ គឺ Democratic Party បានស្នើឱ្យលោក Yoon ចុះចេញពីតំណែងដោយខ្លួនឯង ប្រសិនបើមិនចង់ប្រឈមមុខជាមួយ នីតិវិធីដកតំណែងរបស់សភាទេ។
តាមពិតទៅគណបក្សកាន់អំណាចនិងគណបក្សប្រឆាំងកូរ៉េខាងត្បូង បានទាស់ទែងគ្នាជាយូរមកហើយ ជាពិសេសថ្មីៗបំផុត គឺពាក់ព័ន្ធការខ្វែងគំនិតគ្នារឿងអនុម័តកញ្ចប់ថវិកាការពារជាតិនៅឆ្នាំក្រោយ និងការប្តឹងចោទប្រកាន់គណៈរដ្ឋមន្ត្រីរបស់លោក Yoon ហើយអ្វីដែលសំខាន់បំផុតគឺជុំវិញការស៊ើបអង្កេតមិនឈប់ឈរលើរឿងអាស្រូវនៃការទទួលសំណូកអំណោយជាកាបូបដោយភរិយារបស់លោកតែម្តង។
ក្រោយដកច្បាប់អាជ្ញាសឹកវិញ ស្ថានការណ៍នៅកូរ៉េខាងត្បូង ក៏មិនទាន់ធូរស្រាលដែរ ដោយមានបាតុកម្មទាមទារឲ្យលោក Yoon ចុះចេញពីតំណែង ហើយសមាជិករដ្ឋសភាប្រមាណ៤០នាក់ បានប្រកាសថា ពួកគេត្រៀមរួចរាល់ហើយ ក្នុងការដាក់ពាក្យបណ្តឹង ដើម្បីប្តឹងចោទប្រកាន់ប្រធានាធិបតីកូរ៉េខាងត្បូង ឲ្យបានឆាប់បំផុតតាមដែលអាចធ្វើទៅបាន។សមាជិកសភាបក្សជំទាស់ម្នាក់បានលើកឡើងថា លោកប្រធានាធិបតីគួរតែចុះចេញពីតំណែងដោយសារតែធ្វើឱ្យប្រជាជាតិទាំងមូលមានអរិភាព គាត់មិនគួរស្ថិតនៅបន្តទៀតនោះទេ។បន្ទាប់ពីព្រឹទ្ធការណ៍នេះទីផ្សារភាគហ៊ុនរបស់កូរ៉េខាងត្បូង បានដាំក្បាលចុះនៅថ្ងៃពុធនេះ ។ នេះបេីយោងតាមការចេញផ្សាយរបស់ទីភ្នាក់សារព័ត៌មាន Reuter។
ការប្រកាសដ៏គួរឱ្យភ្ញាក់ផ្អើលកាលពីល្ងាចថ្ងៃអង្គាររបស់លោកប្រធានាធិបតី យ៉ុន ស៊ុក យ៉ូល បានធ្វើឱ្យអ្នកវិនិយោគមានការភ្ញាក់ផ្អើលដែលនាំឱ្យមានការលក់ចេញប័ណ្ណភាគហ៊ុនយ៉ាងច្រើន ក្នុងគ្រាដែលតម្លៃ រូបិយប័ណ្ណកូរ៉េខាងត្បូង បានឈានដល់កម្រិតទាបរយៈពេលពីរឆ្នាំកាលពីថ្ងៃអង្គារម្សិលមិញនេះ ប៉ុន្តែវាត្រឡប់មកមានស្ថេរភាពវិញនៅថ្ងៃពុធនេះ ខណៈដែលសន្ទស្សន៍ទីផ្សារភាគហ៊ុន Kospi បានបាត់បង់ ១,៤៤% នៅថ្ងៃនេះ។
ច្បាប់អាជ្ញាសឹករបស់កូរ៉េខាងត្បូង ហាមប្រាមរាល់សកម្មភាពនយោបាយ និងសភា និងអនុញ្ញាតឱ្យមានការចាប់ខ្លួនដោយគ្មានដីកា)វាគឺជាការប្រកាសច្បាប់អាជ្ញាសឹកជាលើកដំបូងក្នុងរយៈពេលជាង ៤ ទសវត្សរ៍នៅក្នុងប្រទេសកូរ៉េខាងត្បូង ដែលបានមើលឃើញនូវការបញ្ចប់នៃរបបផ្តាច់ការយោធានៅចុងទសវត្សរ៍ឆ្នាំ១៩៨០ ។ លោកយូន( Yoon) ដែលត្រូវបានជាប់ឆ្នោតជាប្រធានាធិបតីក្នុងឆ្នាំ ២០២២ បានស្ថិតក្នុងការប្រឈមមុខផ្នែកនយោបាយជិតជាប់ជាមួយគណបក្សប្រឆាំងដែលគ្រប់គ្រងសភា ហើយរដ្ឋាភិបាលរបស់លោកបានប្រឈមមុខនឹងការធ្លាក់ចុះការវាយតម្លៃជាសាធារណៈ។
នៅក្នុងសុន្ទរកថារបស់លោកដែលប្រកាសច្បាប់អាជ្ញាសឹកកាលពីល្ងាចថ្ងៃអង្គារ លោក Yoon បាននិយាយថា លោកកំពុងធ្វើវិធានការដើម្បីការពារសាធារណរដ្ឋកូរ៉េសេរីពីការគំរាមកំហែងរបស់កងកម្លាំងកុម្មុយនិស្តកូរ៉េខាងជើង និងដើម្បីលុបបំបាត់កងកម្លាំងប្រឆាំងរដ្ឋដែលគាំទ្រកូរ៉េខាងជើងដោយឥតអៀនខ្មាសដែលកំពុងលួចប្លន់។ សេរីភាព និងសុភមង្គលរបស់ប្រជាជនយើង និងដើម្បីការពារសណ្តាប់ធ្នាប់រដ្ឋធម្មនុញ្ញដោយសេរី។ តាមរយៈច្បាប់អាជ្ញាសឹកសង្គ្រោះបន្ទាន់នេះ ខ្ញុំនឹងកសាងឡើងវិញ និងការពារសាធារណរដ្ឋកូរ៉េសេរី ដែលកំពុងធ្លាក់ក្នុងការបំផ្លិចបំផ្លាញ»។
ទាក់ទងនិងព្រឹត្តិការណ៍ខាងលើលោក ហេង សួរ រដ្ឋមន្ត្រីក្រសួងការងារកម្ពុជា បានបង្ហោះសារទៅកាន់បងប្អូនពលរដ្ឋខ្មែរនៅកូរ៉េខាងត្បូងថា៖ សូមបងប្អូនសហគមន៍ខ្មែរយើងនៅសាធារណរដ្ឋកូរ៉េមេត្តារក្សាភាពស្ងៀមស្ងាត់កុំចូលរួមសកម្មភាពប្រមូលផ្តុំណាមួយដែលអាចខុសទៅនឹងច្បាប់អាជ្ញាសឹក ដែលទើបប្រកាសដោយលោកប្រធានាធិបតី Yoon SukYeol នៅយប់មិញ និងរក្សាប្រក្រតីភាពការងារ និងមេត្តាកុំលូកដៃចូលក្នុងសកម្មភាពនយោបាយរបស់គេឲ្យសោះ! សូមអរគុណ។ស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េ បានជូនដំណឹងដល់បងប្អូនប្រជាពលរដ្ឋខ្មែរដែលកំពុងរស់នៅធ្វើការ និងសិក្សានៅសាធារណរដ្ឋកូរ៉េទាំងអស់ជ្រាបថា ដោយសារស្ថានភាពនយោបាយក្នុងសាធារណរដ្ឋកូរ៉េមានការប្រែប្រួល។
