ប៊ួគីណាហ្វាស៊ូប្រទេសអាហ្វ្រិក១បានប្រកាសផ្តាច់ទំនាក់ទំនងការទូតជាមួយប្រទេសបារាំង

ប៉ារីស៖ ប្រទេសបារាំង បានឱ្យដឹងថា ខ្លួនកំពុងពិចារណាចាត់វិធានការតបវិញ បន្ទាប់ពីប្រទេសប៊ូគីណាហ្វាសូ បានកាត់ផ្តាច់ទំនាក់ទំនងការទូត។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នាថ្ងៃសៅរ៍ ទី២៧ ខែមិថុនា ឆ្នាំ២០២៧។ 

មេដឹកនាំប៊ូគីណាហ្វាសូ ថាទំនាក់ទំនងជាមួយបារាំងដែលជាអតីតប្រទេសអាណានិគមរបស់ខ្លួន គឺកាន់តែអាក្រក់ទៅៗអស់រយៈពេលជាច្រើនឆ្នាំមកនេះ​ ជុំវិញបញ្ហាសន្តិសុខ អធិបតេយ្យភាព និងការជ្រៀតជ្រែកពីបរទេស។

ក្រសួងការបរទេសបារាំងបានចេញសេចក្តីថ្លែងការណ៍ថា បារាំងមានការសោកស្តាយចំពោះការសម្រេចចិត្តដ៏អរិភាព និងគ្មានមូលដ្ឋានច្បាស់លាស់នេះ។ ក្រសួងបានជំរុញឱ្យជនជាតិបារាំងនៅប៊ូគីណាហ្វាសូ មានការប្រុងប្រយ័ត្នខ្ពស់។

គួរបញ្ជាក់ថា ប៊ូគីណាហ្វាសូ បាននិងកំពុងប្រយុទ្ធប្រឆាំងការបះបោរដោយក្រុម ISIS ដែលរីករាលដាលពីប្រទេសម៉ាលី ហើយបានសម្លាប់មនុស្សរាប់ពាន់នាក់ និងរាប់លាននាក់ផ្លាស់ទីលំនៅក្នុងតំបន់ក្នុងរយៈពេលមួយទសវត្សរ៍កន្លងមកនេះ។

រដ្ឋមន្ត្រីក្រសួងទំនាក់ទំនងប៊ូគីណាហ្វាសូ លោក Gilbert ⁠Ouedraogo និយាយថា ការសម្រេចចិត្តនេះចូលជាធរមានកាលពីថ្ងៃសុក្រ ហើយចោទប្រកាន់បារាំងថាបានគាំទ្របណ្តាញវិទ្ធង្សនា និងពួកភេរវករ ដែលជាការចោទប្រកាន់ត្រូវបានបារាំងបដិសេធកន្លងមក.។សូមបញ្ជាក់ថាទំនាក់ទំនងការទូតជាមួយបារាំងកាន់តែអាក្រក់បន្ទាប់ពីលោកមេបញ្ជាការអ៊ីប្រាហ៊ីមត្រាអូរ( Capt Ibrahim Traore)ធ្វើរដ្ឋប្រហារឡើងកាន់អំណាចកាលពីឆ្នាំ២០២២ហើយបានងាកមករកទំនាក់ទំនងជិតស្និតជាមួយរុស្ស៊ីនិងចិន។

ប្រទេសបារាំងលែងមានឯកអគ្គរដ្ឋទូតនៅក្នុងប្រទេសប៊ួគីណាហ្វាសូតាំងពីឆ្នាំ២០២៣មកម្លេះ។មេដឹកនាំរបបយោធាវយ័ក្មេងដែលស្និទ្ធចិននិងរុស្ស៊ីធ្លាប់បានប្រកាសថានឹងស្តាប្រពន្ធ័ប្រជាធិបតេយ្យឡើងវិញនៅឆ្នាំ២០២៤។តែបានបញ្ឈប់វិញហើយមកដល់ដើមឆ្នាំ២០២៦ហើយថែមទាំងបានលុបចោលបណ្តាគណបក្សនយោបាយផ្សេងក្នុងស្រុកចោលទាំងអស់។នៅឆ្នាំ២០២៥មេដឹកនាំយោធាប៊ួគីណាហ្វាសូបានមកចងសមន្ធ័ភាពជាមួយប្រទេសជាប់គ្នា២គឺប្រទេសម៉ាលីនិងនីហ្សេដែលគ្រប់គ្រងដោយរបបយោធាដែលបានដើរចេញពីប្លុកលោកសេរី។

.

.