វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 8034 នាក់
ម្សិលមិញ 8227 នាក់
សរុប 14134915 នាក់
ភូមា៖ខណៈដែលកំពុងមានការថ្កោលទោសរបស់អន្តរជាតិកំពុងតែកើនឡើងនោះយោធារបស់ប្រទេសមីយ៉ាន់ម៉ាបានស្នើកងកម្លាំងសន្តិសុខដែលទទួលខុសត្រូវចំពោះការវាយប្រហារដ៏បង្ហូរឈាមទៅលើក្រុមបាតុករប្រឆាំងរដ្ឋប្រហារកាលពីចុងសប្តាហ៍នោះកុំឲ្យប្រើគ្រាប់កាំភ្លើងពិត។
ការប្រកាសធ្វើក្នុងទូរទស្សន៍កាលពីថ្ងៃអាទិត្យទី២៨កុម្ភៈបន្ទាប់ពីមានការបង្ហូរឈាមខ្លាំងបំផុតចាប់តាំងពីរដ្ឋប្រហារថ្ងៃទី១ ខែកុម្ភៈ ដែលអង្គការសហប្រជាជាតិបានប្រកាសថា ក្រុមបាតុករយ៉ាងហោចណាស់ ១៨នាក់ត្រូវបានសម្លាប់ និង ៣០នាក់ផ្សេងទៀតបានរងរបួស ។យោធាមីយ៉ាន់ម៉ាបានប្រកាសឲ្យដឹងថា ក្រុមបាតុករជាង ១៣០០នាក់ហើយ។ ការអំពាវនាវមិនឲ្យប្រើគ្រាប់កាំភ្លើងពិតនេះបានកើតឡើងស្របពេលដែលរដ្ឋមន្ត្រីការបរទេសនៅក្នុងសមាគមអាស៊ានដែលមានសមាជិក ១០ប្រទេសបានត្រៀមបើកកិច្ចប្រជុំក្រៅផ្លូវការមួយនៅថ្ងៃអង្គារ៍នេះដើម្បីពិភាក្សាអំពីស្ថានភាពនៅក្នុងប្រទេសមីយ៉ាន់ម៉ាជាលើកដំបូងចាប់តាំងពីមានរដ្ឋប្រហារមក។
សូមបញ្ជាក់ថារលកថ្មីនៃការតវ៉ាបានចាប់ផ្ដើមនៅថ្ងៃអង្គារនេះបន្ទាប់ពីតុលាការមីយ៉ាន់ម៉ាបានបប្ថែមការចោទប្រកាន់ចំនួន ២ករណីទៀតប្រឆាំងនឹងមេដឹកនាំស៊ីវិល លោកស្រី អ៊ុងសាន ស៊ូជី (Aung San Suu Kyi) ដែលនេះអាចធ្វើឲ្យលោកស្រីជាប់ពន្ធនាគារកាន់តែយូរ។ចំនួនអ្នកស្លាប់កើនឡើងអាចនឹងបង្កើនសម្ពាធដល់រដ្ឋាភិបាលនៅជុំវិញពិភពលោកឲ្យចាត់វិធានការបន្ថែមទៀតប្រឆាំងនឹងក្រុមមេដឹកនាំយោធាមីយ៉ាន់ម៉ាដែលបានបដិសេធមិនទទួលស្គាល់ជ័យជម្នះភ្លូកទឹកភ្លូកដីរបស់គណបក្សនយោបាយរបស់ លោកស្រី ស៊ូជី ក្នុងការបោះឆ្នោតសកលកាលពីខែវិច្ឆិកា។