វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3962 នាក់
ម្សិលមិញ 6359 នាក់
សរុប 14090595 នាក់
អ៊ីរ៉ង់៖ លោកស្រីហ្វាតេម៉ារ៉ាបា( Fatemeh Rahba) ជាសមាជិកសភាទើបជាប់ឆ្នោតថ្មីរបស់ប្រទេសអ៊ីរ៉ង់ត្រូវ បានស្លាប់ហើយ ដោយសារវីរុស COVID-19 នាថ្ងៃសុក្រទី៦មីនាម៉ោងនៅប្រទេសអ៊ីរ៉ង់។
ទីភ្នាក់ងារសារព័ត៌មាន RT បានផ្សាយឲ្យដឹងថា៖អ្នកស្រីរ៉ាបា( Rahba )ទើបតែបានទទួលជ័យជម្នះនៅក្នុងការបោះឆ្នោតជ្រើសរើសសមាជិកសភា កាលពីខែកុម្ភៈកន្លងទៅនេះ ហើយអ្នកស្រី ក៏បានទទួល១អាសនៈនៅក្នុងសភានេះដែរ។អ្នកស្រីត្រូវបានធ្វើតេស្តិ៍ រកឃើញវីរុស COVID-19 កាលពីដើមសប្ដាហ៍នេះ ហើយត្រូវបានបញ្ជូទៅកាន់មន្ទីរពេទ្យក្នុងទីក្រុងតេអេរ៉ង់។ ប៉ុន្តែស្ថានភាពរបស់អ្នកស្រីកាន់តែធ្ងន់ទៅៗ និងបានសន្លប់លែងដឹងខ្លួនកាលពីថ្ងៃព្រហស្បត្តិ៍។
អ្នកស្រីរ៉ាបា( Rahba )គឺជាអ្នកនយោបាយស្ត្រីដំបូងគេ ដែលបានស្លាប់ដោយសារវីរុសCOVID-19នេះ។ កាលពីថ្ងៃសុក្រម្សិលមិញ លោករដ្ឋមន្ត្រីក្រសួងសុខាភិបាលអ៊ីរ៉ង់ក៏ត្រូវបានរាយការណ៍បានឆ្លងជម្ងឺនេះដែរ?។
គិតមកដល់ថ្ងៃសៅរ៍នេះ ប្រទេសអ៉ីរ៉ង់បានប្រកាសពីការរកឃើញអ្នកឆ្លង COVID-19 ចំនួន១,០៧៦នាក់ និងស្លាប់២១នាក់ទៀត។ បើតាមសារព័ត៌មាន CGTN នៅថ្ងៃសៅរ៍ ទី០៧ ខែមីនា ឆ្នាំ២០២០បានឲ្យដឹងថា៖ប្រការនេះធ្វើឲ្យតួលេខនៃអ្នកដែលបានឆ្លងជំងឺ COVID-19 នៅទូទាំងប្រទេសអ៉ីរ៉ង់កើនឡើងដល់៥,៨២៣នាក់ ហើយក៏មានករណីសង្ស័យចំនួន១៦,០០០នាក់ផងដែរ។ ចំណែកឯ បើបូកបន្ថែមនូវចំនួនអ្នកស្លាប់ថ្មី២១នាក់ខាងលើ តួលេខសរុបនៃអ្នកបាត់បង់ជីវិតដោយសារ COVID-19 នៅអ៉ីរ៉ង់បានកើនដល់១៤៥នាក់។