» កម្ពុជា​បញ្ជូន​តំណាង​ទៅ លើកទឹកចិត្ត​ដល់​វិនិយោគិន​កូរ៉េ ឱ្យ​បន្ត​ស្វែងរក​ឱកាស​វិនិយោគ នៅ​កម្ពុជា​ » រដ្ឋមន្ត្រីការបរទេស​វៀតណាម​ទៅ​ធានា​នៅ​អាមេរិក​ថា​គ្មាន​បញ្ហា​រឿង​ប្រធានាធិបតី​លាលែង​! » ខ្មាន់កាំភ្លើង​ខ្លី​បាន​បាញ់រះ​ចំនួន​០៦​គ្រាប់ ទម្លុះ​ទ្វារផ្ទះ​អ្នកលក់​ទូរស័ព្ទ និង​គ្រឿងអគ្គិសនី​មួយកន្លែង​ម្ចាសផ្ទះ​ថា​អត់​ដឹង​ហង​! » មន្ត្រី​សុរិយោដី​ស្រុក​សំរោង​ទង ស្រវឹងស្រា​បើកឡាន​បុក​ផ្ទាំង​ផ្សាយពាណិជ្ជកម្ម​នៅ​សួនច្បារ​សម្តេចព្រះសង្ឃរាជ ជួន ណាត » ក្រុមហ៊ុនចិន១៧ស្វែងយល់ពីឱកាសវិនិយោគនៅកម្ពុជា » លោក​កើត រិ​ទ្ធ រដ្ឋមន្ត្រីក្រសួង​យុ​ត្តិ​ធ​ម៍​ប្រកាស​បើក​យុទ្ធនាការ​លុប​ពាក្យ​បណ្តាសា ត្រី​មួយ​កន្ត្រក​ស្អុយ​មួយ ស្អុយ​ទាំងអស់​ក្នុង​ប្រព​ន្ធ័​យុ​ត្តិ​ធ​ម៍​ » រុស្ស៊ី​ធ្វើ​សមយុទ្ធ​ក្នុង​សមុទ្រ​ក្បែរ​កោះ​ជប៉ុន​និង​បាន​ព្រមាន​ជប៉ុន​រឿង​លក់​អាវុធ​ចេញ​! » រកឃើញ​ត្រី​លក់​នៅ​ផ្សារ​សាម​គ្គិ​ស្ទឹងត្រែង​មាន​ជាតិពុល​ » រកឃើញ​កន្លែង​បន្លំ​ធ្វើ​ឈាមជ្រូក​និង​សណ្តែកបណ្តុះ​មាន​ជាតិគីមី​ » អ្នកស្រុក​ក្រុង​ហុងកុង នាំគ្នា​តវ៉ា​ប្រឆាំងនឹង​ច្បាប់​សន្តិសុខ​ជាតិ​ថ្មី​ដែល​ទើបបាន​អនុ​ម័​ដែលបិទសេរីភាព » តើករណីយ៍ក្រុមហ៊ុនវិនិយោគCICបោកលុយប្រជាពលរដ្ឋសមត្តកិចរដ្ឋចង់អូសបន្លាយ? » បំបែកសំណុំរឿង​ឃាតកម្ម​សម្លាប់​ញាត់​សព​ក្នុង​វ៉ា​លី​នៅ​ភ្នំពេញ យកទៅ​បោះចោល​នៅ​ខេត្តកោះកុង​ » ក្រសួង​វប្ប​ធ​ម៍​និងឧបនាយករដ្ឋមន្ត្រីហ៊ុនម៉ានីប្រតិកម្ម​រឿង​មិន​រៀបចំ​ស​ង្ក្រា​ន​​ទូរទស្សន៍​ហង្ស​មាស​សុំទោស​ » ហ្វីលីពីន​ថា​៖​ចិន​ថា​កំពុង​ធើ្វ​ការដាក់​ពង្រាយ​របាំង​អណ្តែត​ទឹក​ក្នុង​តំបន់​ជម្លោះ​សមុទ្រ​ចិន​ខាងត្បូង​ » ក្រៅពី​ចុះ​អនុស្សរណៈ​យោគយល់​គ្នា លើ​ឯកសារ​ចំនួន ៧​ជាមួយ​ឡាវ​នាក​យក​រដ្ឋមន្ត្ក្រីកម្ពុជាប្រកាស​ជួយ​១​លាន​ដុល្លារ​ផងដែរ

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 4036 នាក់

ម្សិលមិញ 6501 នាក់

សរុប 13952591 នាក់

បន្ទាប់ពី​វិសោធនកម្ម​ច្បាប់​អង្គភាព​ប្រឆាំង​ពុករលួយ​នៅ​មី​យ៉ាន​ម៉ា​មាន​សកម្មភាព​!


​មី​យ៉ាន​ម៉ា​៖​គណៈកម្មការ​ប្រឆាំង​អំពើពុករលួយ​មី​យ៉ាន់​ម៉ា​ថ្មីៗ​នេះ​បាន​ប្តឹង​មន្ត្រីការិយាធិបតេយ្យ​ជាន់ខ្ពស់​ម្នាក់ និង​បានចាប់ផ្តើម​ធ្វើការ​ស៊ើបអង្កេត​លើ​រដ្ឋមន្ត្រី​ម្នាក់ ដែល​រង​ការចោទប្រកាន់ថា​បាន​ប្រព្រឹត្ត​អំពើពុករលួយ​។ ទង្វើ​នេះ​បាន​ធ្វើឡើង​ក្រោយពេល ព្រឹទ្ធសភា​មី​យ៉ាន់​ម៉ា​បានអនុម័ត​វិសោធនកម្ម​ច្បាប់​ប្រឆាំង​អំពើពុករលួយ ដែល​នឹង​ផ្តល់​អំណាច​ដល់​គណៈកម្មការ​នេះ​ឲ្យ​ធ្វើការ​ស៊ើបអង្កេត​លើ​ពួក​មន្ត្រី

a_minyanmar

​ដែលមាន​ទ្រព្យសម្បត្តិ​ស្តុកស្តម្ភ​កាលពី​សប្តាហ៍​មុន គណៈកម្មការ​ប្រឆាំង​អំពើពុករលួយ​របស់​ប្រទេស​មី​យ៉ាន់​ម៉ា​តែងតែ​រង​ការ​រិះគន់ថា​ទន់ខ្សោយ និង​គ្មាន​សមត្ថភាព​នាពេល​កន្លងមក​។​
​កាលពី​ថ្ងៃទី​២៥​ខែឧសភា​កន្លងទៅ ការិយាល័យ​ប្រធានាធិបតី​មី​យ៉ាន់​ម៉ា​បាន​អះអាង​ពី​ការលាលែង​ចេញពី​តំណែង​របស់​រដ្ឋមន្ត្រីក្រសួង​ផែនការ​និង​ហិរញ្ញវត្ថុ​លោក Kyaw Win បន្ទាប់ពី​គណៈកម្មការ​ប្រឆាំង​អំពើពុករលួយ​ប្រកាសថា លោក​ស្ថិតក្រោម​ការស៊ើបអង្កេត​ពីបទ​ចោទ​ស៊ីសំណូក​។

គណៈកម្មការ​នេះ​ក៏​កំពុង​តាមដាន​រឿងក្តី​ព្រហ្មទណ្ឌ​មួយ​ប្រឆាំង​លោក Than Htut អគ្គនាយក​រដ្ឋបាល​ត្រួតពិនិត្យ​ចំណីអាហារ និង​ថ្នាំពេទ្យ​ពីបទ​ចោទថា​បានទទួល​សំណូក​ជាង​១១.០០០​ដុល្លារ​ពី​ក្រុមហ៊ុន​សំណង់​មួយ​។​​កាលពីមុន​គណៈកម្មកា​រ​នេះ​បានធ្វើ​ការតាមដាន​តែ​ករណី​មួយចំនួន​ប្រឆាំងនឹង​ពួក​មន្ត្រី​ថ្នាក់ក្រោម​ប៉ុណ្ណោះ និង​ត្រូវបាន​គេ​សម្គាល់​ឃើញថា​មិន​អើពើ​នឹង​រឿងអាស្រូវ​របស់​មន្ត្រី​កំពូលៗ​ទេ​។ ឧទាហរណ៍​ដូចជា​ការប្រើប្រាស់​ថវិកា​អភិវឌ្ឍ​ចំនួន​រាប់លាន​ដុល្លារ​មិន​ត្រឹមត្រូវ​តាម​គោលការណ៍​ដោយ​អតីត​ប្រមុខ​រដ្ឋាភិបាល​នៃ​តំបន់ Magwe Region ជាដើម ដែល​មន្ត្រី​រូបនោះ​គ្រាន់តែ​ត្រូវបាន​គេ​បញ្ជា​ឲ្យ​សង​ប្រាក់​មួយចំនួន​មក​មូលនិធិ​កាលពី​ឆ្នាំមុន​តែប៉ុណ្ណោះ​។​

a_miyanmar

លោក Ko Ye អ្នកសម្របសម្រួល​ថ្នាក់ជាតិ​នៃ​សម្ព័ន្ធ​ដើម្បី​តម្លាភាព​និង​ការទទួលខុសត្រូវ​ក្នុងប្រទេស​មី​យ៉ាន់​ម៉ា​ចាត់ទុក​ទង្វើ​នេះ​ថា សញ្ញា​វិជ្ជមាន​មួយ​នៃ​ឆន្ទៈ​នយោបាយ ដែល​លោក​គិតថា​ជា​ធាតុ​ផ្សំ​ដ៏​សំខាន់បំផុត​មួយ​នៅក្នុង​ដំណើរការ​ប្រយុទ្ធប្រឆាំង​អំពើពុករលួយ​។​
​អ្នកស្រី Marie Cauchois Pegie ជាទី​ប្រឹក្សា​នៃ​កា​រិ​ល័យ​អង្គការសហប្រជាជាតិ​ទទួលបន្ទុក​កិច្ចការ​ថ្នាំញៀន​និង​ឧក្រិដ្ឋកម្ម ដែល​កំពុង​ជួយ​ប្រទេស​មី​យ៉ាន់​ម៉ា​ឲ្យ​សម្រេចបាន​តាម​ការប្តេជ្ញា​ចិត្ត​របស់ខ្លួន​នៅក្រោម​អនុសញ្ញា​អង្គការសហប្រជាជាតិ​ប្រឆាំង​អំពើពុករលួយ​ដែល​ប្រទេស​មី​យ៉ាន់​ម៉ា​បានអនុម័ត​កាលពី​ឆ្នាំ​២០១២​បាន​ហៅ​ការ​វ​វិសោធនកម្ម​ច្បាប់​ប្រឆាំង​ពុករលួយ​ថា​ន​បានបង្ហាញ​យ៉ាងច្បាស់​ពី​ការបោះ​ជំហាន​ទៅមុខ​។​

​ទោះជា​យ៉ាងណាក៏ដោយ កង្វះខាត​នៃ​ការការពារ​ដល់​អ្នក​ដែល​បាន​រាយការណ៍​ពី​សកម្មភាព​ល្មើសច្បាប់​នៅតែ​ជា​បញ្ហា​ប្រឈម​ដ៏​សំខាន់​មួយ​។ ដើមបណ្តឹង​នៅតែ​ប្រឈម​នឹង​ការប្តឹង​តប​វិញ​ក្នុង​ប្រព័ន្ធតុលាការ​មួយ ដែល​មនុស្ស​ភាគច្រើន​មើលឃើញថា​លម្អៀង​ទៅខាង​អ្នក​ដែលមាន​អំណាច​។​នៅក្នុង​វិសោធនកម្ម​ច្បាប់​នេះ គណៈកម្មការ​បានស្នើ​ឲ្យ​កាត់​បន្ថយទោស​ជាប់ពន្ធនាគារ​ពី​៥​ឆ្នាំ​មក​ត្រឹម​៦​ខែ​ចំពោះ​ដើមបណ្តឹង​ណា​ដែល​ផ្តល់ព័ត៌មាន​មិន​ពិត ក៏ប៉ុន្តែ​ព្រឹទ្ធសភា​មី​យ៉ាន់​ម៉ា​អនុម័ត​ឲ្យ​កាត់បន្ថយ​មក​នៅត្រឹម​៣​ឆ្នាំ​ប៉ុណ្ណោះ​។​

​ច្បាប់​ប្រឆាំង​អំពើពុករលួយ​ចែងថា «​ការការពារ​ជាពិសេស​»​ត្រូវបាន​ផ្តល់ជូន​បុគ្គល​ណា​ដែល​អាច​ផ្តល់​ត​ស្តុ​តាង​អំពើពុករលួយ​បាន​។ ប៉ុន្តែ​អ្នកស្រី Pegie បាន​គូសបញ្ជាក់ថា «​ការអនុវត្ត​ដូច្នោះ​មិន​រំពឹង​នឹង​កើតឡើង​នោះទេ​»​ហើយ​ថា​ប្រទេស​នេះ​ខ្វះ​កម្មវិធី​ការពារ​សាក្សី​។​

នៅឯ​ពិធី​ស្បថ​ចូលកាន់​តំណែង​ជា​ប្រធានាធិបតី​ថ្មី​របស់​ប្រទេស​មី​យ៉ាន់​ម៉ា កាលពី​ខែមីនា លោក​ប្រធានាធិបតី Win Myint បានប្រកាសថា ការប្រយុទ្ធ​ប្រឆាំងនឹង​អំពើពុករលួយ​គឺជា​ការងារ​អទិភាព​កំពូល​។ ការប្រជុំ​ជា​សាធារណៈ​លើកទីមួយ​របស់លោក​គឺ​ធ្វើ​ជាមួយ​គណៈកម្មការ​ប្រឆាំង​អំពើពុករលួយ ដែល​នៅក្នុង​ការប្រជុំ​នោះ​លោក​បានដាក់​បញ្ជា​ឲ្យ​គណៈកម្មការ​នេះ​មាន​ភាពម៉ឺងម៉ាត់​ក្នុងការ​ប្រឈម​ជាមួយនឹង​ការជ្រៀតជ្រែក​ពី​សំណាក់​មន្ត្រី​មានអំណាច​នានា​។​

នៅមុន​ការបោះឆ្នោត​ឆ្នាំ​២០២០​ចូលមក​ដល់ រដ្ឋាភិបាល​ដែល​ដឹកនាំ​ដោយ​គណបក្ស​សម្ព័ន្ធជាតិ​ដើម្បី​ប្រជាធិបតេយ្យ​កំពុង​ទប់ទល់​នឹង​មតិ​រិះគន់​ជុំវិញ​ភាពយឺតយ៉ាវ​នៃ​ការធ្វើកំណែទម្រង់​នៅក្នុង​ប្រទេស​។​
​ទោះជា​យ៉ាងណាក៏ដោយ លោក Hunter Marston អ្នកវិភាគ​នៅ​វិទ្យាស្ថាន Brookings​ដែលមាន​មូលដ្ឋាន​ក្នុង​រដ្ឋធានី​វ៉ាស៊ីនតោន​បាន​ប្រាប់ VOA ថា​វា​ប្រហែលជា​យឺត​ពេល​ហើយ​ដើម្បី​ទទួលបាន​ប្រជាប្រិយភាព​នៅក្នុង​ការបោះ​ឆ្នោត​ឆ្នាំ​២០២០ តាមរយៈ​ការ​ផ្តោតលើ​ការប្រឆាំង​អំពើពុករលួយ​នេះ ដោយសារតែ​ប្រព័ន្ធតុលាការ​សព្វថ្ងៃនេះ​មាន​ភាព​ធូរ​លុង​។ លោក​បាន​ស្នើថា យុទ្ធសាស្ត្រ​ដែល​អាច​ទទួល​ជ័យជំនះ​បាន​គឺ​ប្រហែលជា​ត្រូវ​ផ្តោតលើ​យុទ្ធសាស្ត្រ​កាត់បន្ថយ​ភាពក្រីក្រ​នៅតាម​ទីជនបទ​វិញ​។​