វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 700 នាក់
ម្សិលមិញ 6359 នាក់
សរុប 14087333 នាក់
ភ្នំពេញ៖ប្រជាពលរដ្ឋដែលមានលំនៅដ្ឋានក្នុងសង្កាត់ព្រៃសបានស្នើឱ្យអាជ្ញាធរមូលដ្ឋាន ក៏ដូច ជាស្ថាប័នពាក់ព័ន្ធ ពិនិត្យមើលអំពីការកេង ប្រវ័ញ្ចរបស់ លោក ជា ប៊ុនឃាង ម្ចាស់ក្រុមហ៊ុនសំណង់ផ្ទះល្វែង ទៅលើផ្ទៃដីប្រឡាយ ព្រែកហា ដែលជាប្រឡាយមេដ៏ធំសំរាប់រំដោះទឹកចេញយ៉ាងសំខាន់ក្នុងទឹកដីខណ្ឌដង្កោនោះ ត្រូវបានលោក ជា ប៊ុនឃាងចាក់ ដីលុបដោយសំអាងលើលិខិតអនុញ្ញាតរបស់សាលារាជធានីភ្នំពេញដោយឆ្លៀត គៃបំបាត់ទំហំផ្ទៃដីប្រឡាយសាធារណ:របស់រដ្ឋរាប់ពាន់ម៉ែត្រការ៉េ យកទៅធ្វើកម្មសិទ្ធិផ្ទាល់ខ្លួន និងចាក់ដីបិទផ្លូវទឹកស្ពាន ដែលនឹងបង្កឱ្យលិចលង់នៅរដូវវស្សា។
ប្រជាពលរដ្ឋបន្តថាសព្វថ្ងៃនេះសកម្មភាពរបស់ក្រុមហ៊ុនបាននឹងកំពុងចាក់លុបប្រឡាយធំព្រែកហាសម្រាប់ រំដោះទឹកដ៏សំខាន់នេះ ស្ថិតនៅត្រង់ចំណុចស្ពានមួយកន្លែងឆ្លងកាត់ប្រឡាយព្រែកហានេះ ផ្លូវបេតុងឆ្ពោះទៅព្រៃ.ស ក្នុងបុរីពិភពថ្មីចំការដូង ស្ថិតក្នុងសង្កាត់ព្រៃ.ស ខណ្ឌដង្កោ រាជធានីភ្នំពេញ (ដូចមានក្នុងរូបភាព)។
ប្រជាពលរដ្ឋលើកឡើងថា រូបភាពបែបនេះ ត្រូវបានគេមើលឃើញថា ក្រុមហ៊ុនរបស់ លោក ជា ប៊ុនឃាង ប្រើស្នៀតកន្ទេលធំបន្លំដេក គៃបំបាត់ ច្រឹបយកដីចំណីប្រឡាយដែលជាសម្បត្តិសាធារណ:របស់រដ្ឋ យ៉ាងច្បាស់ក្រឡែត ប៉ុន្តែហេតុអ្វីបានជាក្រុមមន្ត្រីពាក់ព័ន្ធមើលមិន ឃើញ ឬក៏ត្រូវថ្នាំសណ្តំដេកលក់អស់ហើយ? ។ ជុំវិញសេចក្តីរាយការណ៍ របស់ប្រជាពលរដ្ឋនេះ ការិយាល័យនិពន្ធ គេហទំព័រ មាតិភូមិ មិនអាចសុំការបំភ្លឺពីលោក ជា ប៊ុនឃាងនិងអាជ្ញាធរខណ្ឌដង្កោ បានទេ ព្រោះពុំមានលេខទូស័ព្ទទាក់ទង ៕ អរគុណសន្តិភាព