មហាក្សត្រផាត់មហាធាចេញតែងតាំងមូហ៍យីដឌីន យ៉ាសស៊ីន (Muhyiddin Yassin) ជាបេក្ខភាពនាយករដ្ឋមន្ត្រីថ្មីនៃប្រទេសម៉ាឡេស៊ី
02-November-2023 / ព័ត៌មានអន្តរជាតិ
ម៉ាឡេស៊ី៖ នៅទីបំផុតព្រះមហាក្សត្រនៃប្រទេសម៉ាឡេស៊ី បានសម្រេចព្រះទ័យចាត់តាំងលោក មូហ៍យីដឌីន យ៉ាសស៊ីន (Muhyiddin Yassin) ជាបេក្ខភាពនាយករដ្ឋមន្ត្រីថ្មីនៃប្រទេសម៉ាឡេស៊ី។ នេះបើតាមការចេញផ្សាយដោយ ទីភ្នាក់ងារព័ត៌មាន AP នារសៀលថ្ងៃសៅរ៍ ទី២៩ ខែកុម្ភៈ ឆ្នាំ២០២០។
នៅក្នុងសេចក្តីថ្លែងការណ៍ពីព្រះរាជវាំងម៉ាឡេស៊ីបានឲ្យដឹងថា «ការសម្រេចព្រះទ័យរបស់ព្រះមហាក្សត្រ ក្នុងការជ្រើសតាំងលោក Muhyiddin (ប្រធានគណបក្ស Bersatu) ជានាយករដ្ឋមន្ត្រីគឺស្របទៅតាមរដ្ឋធម្មនុញ្ញមាត្រា ៤០ និង ៤៣ នៃសហព័ន្ធម៉ាឡេស៊ី»។ មន្ត្រីវាំង ម្នាក់បាននិយាយក្នុងសេចក្តីថ្លែងការណ៍មួយថា «ក្រោយទទួលជួបតំណាងមកពីគ្រប់បក្សនិងសមាជិកសភាឯករាជ្យមកតាមព្រះរាជតម្រិះរបស់ព្រះមហាក្សត្រ សមាជិកសភាតាន់ស្រ៊ី មូយីតឌីន យ៉ាស៊ីន(មូយីតឌីន)ទំនងជាមានការជឿទុកចិត្តពីសមាជិកសភា។
សេចក្តីថ្លែងការណ៍បានបន្តថា « ព្រះមហាក្សត្រចេញព្រះរាជក្រិតចែងដែលថា ដំណើរការតែងតាំងនាយករដ្ឋមន្ត្រីម្នាក់នឹងមិនត្រូវបង្អែរបង្អង់ ដោយសារតែប្រទេសជាតិត្រូវការរដ្ឋាភិបាលមួយសំរាប់វិបុលភាពរបស់ប្រជាជន និងប្រទេសជាទីស្រឡាញ់របស់យើង។ព្រះមហាក្សត្រចេញក្រិតបែបនេះជាលទ្ធផលល្អបំផុតសំរាប់គ្រប់គ្នាហើយព្រះអង្គសង្ឃឹមថា វិបត្តិនយោបាយនេះនឹងចប់»។
ការប្រកាសចេញពីវាំងដ៏ស្រឡាំងកាំងនេះកើតឡើងចំពេលនាយករដ្ឋមន្ត្រីបណ្តោះអាសន្ន មហាធៀត្រូវបានគេរាយការណ៍ថា រកបានការគាំទ្រពីសមាជិកសភា១១២រូប សំរាប់បង្កើតរដ្ឋាភិបាលមួយ។តែលោកមហាធាមិនអាចកោះប្រជុំសភាបានដោយសារព្រះមហាក្សត្រមិនយល់ព្រម។ការតែងតាំងនេះមានន័យថាលោកមហាធាត្រូវបានគេផាត់ចេញពីចេញពីឆាក់នយោបាយដោយសារតែភាពស្មោកគ្រោករបស់គាត់ក្នុងការដឹកនាំ។
សូមបញ្ជាក់ថាលោក មូហ៍យីដឌីន យ៉ាសស៊ីន (Muhyiddin Yassin) អាយុ៧២ឆ្នាំ ជាថ្នាក់ដឹកនាំជាន់ខ្ពស់របស់គណបក្ស បឺសាទូ (Bersatu) របស់បណ្ឌិត មហាធៀ មហាំម៉ាត់ គឺជាអ្នកនយោបាយជើងចាស់មួយរូប។ប្រសិនបើលោកទទួលបានការគាំទ្រពីសភា ការស្បថឡើងកាន់តំណែង និងត្រូវធ្វើឡើងនៅព្រះរាជវាំង អ៉ីស្តាណា ណេហ្គារ៉ា (Istana Negara) នៅថ្ងៃអាទិត្យ ទី០១ ខែមីនា ឆ្នាំ២០២០ វេលាម៉ោង ១០៖៣០នាទីព្រឹក។
ដូចច្នោះលោកលោកមូហ៍យីដឌីន យ៉ាសស៊ីន (Muhyiddin Yassin)ដើម្បីបង្កើតគនរដ្ឋមន្ត្រីមួយបានក្រៅពីការគាំទ្រពីគណបក្សបឺសាទូ (Bersatu)ខ្លួនឯងលោកត្រូវតែមានការគាំទ្រពីគណបក្សរួមគ្នាជាមួយគណបក្ស PKR របស់លោក អាន់វ៉ា អ៉ីប្រាហ៊ីម (Anwar Ibrahim), គណបក្ស DAP និងគណបក្ស PAN សរុបចូលគ្នាបានចំនួន១២៩អសនៈលើសពី៥០បូក១នៃសមាជិកសភា២២២នាក់ ដើម្បីបង្កើតចេញជារដ្ឋាភិបាលចំរុះ។
បើមិនចឹងទេគឺត្រូវមានការគាទ្រពីគណបក្ស UMNOរបស់អតីតនាយករដ្ឋមន្ត្រីណាជីបរ៉ាហ្សាក់ដែលកំពុងប្រឈមនិងការកាត់ទោសពីបទប្រព្រឹត្តអំពើពុករលួយពេលកាន់អំណាច។យ៉ាងណាដើម្បីទទួលបានការគាំទ្រពីគណបក្សផ្សេងៗវាត្រូវតែមានការដោះដូរជារង្វាន់ទើបបាន។
ប្រវត្តិនយោបាយរបស់លោក Muhyiddin Yassin៖ការពិតទៅលោក Muhyiddin មានទំនោរទៅរកឆាកនយោបាយ តាំងតែពីទើបបញ្ចប់ការសិក្សាថ្នាក់បរិញ្ញាបត្រ័សេដ្ឋកិច្ចនៅឆ្នាំ១៩៧១ ដោយលោកបានចូលរួមជាសមាជិក នៃចលនានយោបាយមួយ (គណបក្ស) មានឈ្មោះថា UMNO ក្នុងឆ្នាំដដែលនោះ។
នៅឆ្នាំ១៩៧៦ លោក Muhyiddin ត្រូវបានតែងតាំងជាប្រធានយុវជន នៃចលនា UMNO និងក្រោយមកលោកក៏បានក្លាយជាប្រធានយុវជនរបស់ UMNO ប្រចាំរដ្ឋ Johor។
តំណែងរបស់លោក Muhyiddin បានហក់ឡើងយ៉ាងលឿន និងជាបន្តបន្ទាប់ នៅក្នុងគណបក្សយុវជន UMNO នៃរដ្ឋ Johor ហើយនៅទីបំផុតក្នុងការបោះឆ្នោត សកលនៅឆ្នាំ១៩៨៦ លោកអាចដណ្តើមបានអសនៈមួយក្នុងសភារដ្ឋ Johor។
នៅក្នុងជួរដ្ឋាភិបាលរបស់លោក Muhyiddin Yassin៖ពីឆ្នាំ១៩៩៥ ដល់ឆ្នាំ១៩៩៩ លោក Muhyiddin កាន់តំណែងជារដ្ឋមន្ត្រីក្រសួងយុវជន និងកីឡា។
ពីឆ្នាំ១៩៩៩ ដល់ឆ្នាំ២០០៤ លោក Muhyiddin កាន់តំណែងជារដ្ឋមន្ត្រីក្រសួងពាណិជ្ជកម្មក្នុងស្រុក។ពីឆ្នាំ២០០៤ ដល់ឆ្នាំ២០០៨ លោក Muhyiddin កាន់តំណែងជារដ្ឋមន្ត្រីកសិកម្ម និងកសិ-ឧស្សាហកម្ម។ពី២០០៨ ដល់ឆ្នាំ២០០៩ លោក Muhyiddin កាន់តំណែងជារដ្ឋមន្ត្រីពាណិជ្ជកម្មអន្តរជាតិ និងឧស្សាហកម្ម។លោក Muhyiddin ត្រូវបានអតីតរដ្ឋបាលលោក ណាជីប រ៉ាហ្សាក់ តែងតាំងជាឧបនាយករដ្ឋមន្ត្រី និងជារដ្ឋមន្ត្រីក្រសួងអប់រំនៅឆ្នាំ២០០៩។
ដំណើរវិវឌ្ឈន៍នយោបាយដែលធ្វើឲ្យលោក Muhyiddin Yassinក្លាយខ្លួនជានាយករដ្ឋមន្ត្រី៖
* នៅខែកក្កដា ឆ្នាំ២០១៦ លោក Muhyiddin បានចុះឈ្មោះបង្កើតគណបក្សថ្មីមួយ ដែលមានឈ្មោះថា ផាទី ព្រីប៊ូមិ បឺសាទូ ម៉ាឡេស៊ី (PPBM ឬ Bersatu) ជាមួយបណ្ឌិត មហាធៀ មហាំម៉ាត់ ដោយលោក Muhyiddin មានតំណែងប្រធាន ហើយលោក មហាធៀ ជាអគ្គលេខាធិការបក្ស។
* នៅក្នុងការបោះឆ្នោតកាលពីខែឧសភា ឆ្នាំ២០១៨ គណបក្ស Bersatu ទទួលបានអសនៈច្រើននៅក្នុងសភាជាតិ ហើយត្រូវរួមគ្នាជាមួយគណបក្ស PKR របស់លោក អាន់វ៉ា អ៉ីប្រាហ៊ីម (Anwar Ibrahim), គណបក្ស DAP និងគណបក្ស PAN សរុបចូលគ្នាបានចំនួន១២៩អសនៈ ដើម្បីបង្កើតចេញជារដ្ឋាភិបាលចំរុះ។
* លោក មហាធៀ ត្រូវបានគណបក្សចំរុះគាំទ្រធ្វើជានាយករដ្ឋមន្ត្រី។នៅក្នុងការបង្កើតបក្សចំរុះ Pakatan Harapan (PH) ដើម្បីគ្រប់គ្រងរដ្ឋាភិបាល លោក មហាធៀ បានសន្យាថា នឹងប្រគល់តំណែងនាយករដ្ឋមន្ត្រី ឲ្យលោក Anwar វិញមិនឲ្យលើសពីរឆ្នាំ។
* ភាពមិនច្បាស់លាស់កើតឡើងជាបន្តបន្ទាប់ ក្រោយលោក មហាធៀ ត្រូវបានគេមើលឃើញថា មិនមានចេតនាផ្ទេរតំណែងឲ្យលោក អាន់វ៉ា តាមការសន្យា។
នៅថ្ងៃចន្ទ ទី២៤ ខែកុម្ភៈ ឆ្នាំ២០២០ លោក មហាធៀ ដាក់ពាក្យលាលែងពីតំណែងនាយករដ្ឋមន្ត្រីដ៏គួរឲ្យភ្ញាក់ផ្អើល ថ្វាយព្រះមហាក្សត្រ ហើយលោកក៏លាលែងពីតំណែងអគ្គលេខាធិការបក្ស Bersatu ផងដែរ។ * ព្រះមហាក្សត្រម៉ាឡេស៊ី ព្រះចៅ អាប់ឌុលឡាហ៍ បានសម្រេចព្រះទ័យយល់ព្រមតាមលិខិតលោក មហាធៀ តែទ្រង់បានស្នើលោកធ្វើជា នាយករដ្ឋមន្ត្រីបណ្តោះអាសន្ន១០ថ្ងៃ ដើម្បីដឹកនាំប្រទេសរហូតដល់គណៈរដ្ឋមន្ត្រី និងនាយករដ្ឋមន្ត្រីថ្មីត្រូវបានតែងតាំង។
* លោក មហាធៀអាយុ៩៤ឆ្នាំ និងលោក អាន់វ៉ាអាយុ៧២ឆ្នាំបាន អះអាងរៀងៗខ្លួនអំពីលទ្ធភាពអាចឡើងកាន់តំណែងជានាយករដ្ឋមន្ត្រី។
* បុគ្គលបីរូបត្រូវបានគេមើលឃើញថា ជាជម្រើសល្អបំផុតសម្រាប់តំណែងនាយករដ្ឋមន្ត្រីមានដូចជា លោក Muhyiddin, លោក មហាធៀ និងលោក អាន់វ៉ា។
