វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 74 នាក់
ម្សិលមិញ 5378 នាក់
សរុប 14079367 នាក់
ហុងកុង៖ នាយករដ្ឋមន្ត្រីអង់គ្លេសលោក បូរីស ចនសុន កាលពីថ្ងៃអង្គារ ទី២ ខែមិថុនាបានប្រកាសថា លោកនឹងផ្តល់ទិដ្ឋាការដល់ប្រជាជនហុងកុងរាប់លាននាក់ និងផ្លូវដែលអាចទៅរួចក្នុងការទទួលបានសញ្ជាតិអង់គ្លេសប្រសិនបើប្រទេសចិនប្រកាន់ខ្ជាប់ដាក់ចេញនូវច្បាប់សន្តិសុខជាតិរបស់ខ្លួនលើហុងកុង ។
នៅក្នុងអត្ថបទមួយសម្រាប់កាសែត The Times និងកាសែត South China Morning Post លោកបានសរសេរថា “ប្រជាជនជាច្រើននៅហុងកុងភ័យខ្លាចអំពីរបៀបរស់នៅរបស់ពួកគេ ដែលប្រទេសចិនបានសន្យាថានឹងគាំទ្រ” ។ ពលរដ្ឋប្រហែល ៣៥០,០០០ នាក់ នៅហុងកុង បច្ចុប្បន្នកាន់លិខិតឆ្លងដែនជាតិអង់គ្លេសដែលអនុញ្ញាតឱ្យចេញចូលប្រទេសអង់គ្លេស ដោយមិនចាំបាច់មានទិដ្ឋាការឡើយ រហូតដល់ ៦ខែ ។ ប្រជាជន ២,៥ លាននាក់ផ្សេងទៀត នឹងមានសិទ្ធិដាក់ពាក្យសុំលិខិតឆ្លងដែនអង់គ្លេស ។
លោកបានសរសេរថា “វាច្បាស់ណាស់ ពីព្រោះយើងស្វាគមន៍ប្រទេសចិន ក្នុងនាមជាសមាជិកឈានមុខគេនៃសហគមន៍ពិភពលោក ដែលយើងរំពឹងថា ចិននឹងគោរពតាមកិច្ចព្រមព្រៀងអន្តរជាតិ” ។ លោកចនសុនបានច្រានចោលនូវការអះអាងមិនពិតដែលថា ទីក្រុងឡុងជាអ្នករៀបចំឲ្យមានការតវ៉ានៅហុងកុង ដោយលោកបន្ថែមថា ចក្រភពអង់គ្លេសមិនត្រូវការអ្វីក្រៅពីហុងកុងដើម្បីទទួលបានជោគជ័យ ក្រោមប្រទេសមួយប្រព័ន្ធពីរនោះឡើយ ។ ខ្ញុំសង្ឃឹមថាប្រទេសចិនក៏ចង់បានដូចគ្នាដែរ ។
លោកបានបន្តថា ចូរយើងធ្វើការរួមគ្នា ដើម្បីធ្វើឱ្យបានជោគជ័យ ។ “ប្រសិនបើចិនដាក់ចេញច្បាប់សន្តិសុខជាតិរបស់ខ្លួន រដ្ឋាភិបាលអង់គ្លេសនឹងផ្លាស់ប្តូរច្បាប់អន្តោប្រវេសន៍ និងអនុញ្ញាតឱ្យអ្នកកាន់លិខិតឆ្លងដែនទាំងនេះ ពីហុងកុងចូលមកចក្រភពអង់គ្លេស ក្នុងរយៈពេល ១២ ខែ និងអាចទទួលបានសិទ្ធិអន្តោប្រវេសន៍បន្ថែមទៀត រួមទាំងសិទ្ធិការងារ ដែលអាចដាក់ពួកគេស្ថិតនៅលើផ្លូវទៅកាន់ភាពជាពលរដ្ឋមួយ” ។
រដ្ឋមន្ត្រីការបរទេសសហរដ្ឋអាមេរិកលោក Mike Pompeo បានបញ្ជាក់កាលពីថ្ងៃអង្គារថា សហរដ្ឋអាមេរិកកំពុងពិចារណាលើការស្វាគមន៍ពលរដ្ឋមកពីទីក្រុងហុងកុង ដើម្បីជាការឆ្លើយតបទៅនឹងការជំរុញរបស់ចិន នៅក្នុងការដាក់កំហិតសំណើច្បាប់សន្តិសុខជាតិថ្មីលើទីក្រុងនេះ ។មេដឹកនាំខាងគណបក្សសាធារណរដ្ឋនៅក្នុងព្រឹទ្ធសភាសហរដ្ឋអាមេរិក លោក Mitch McConnell ក៏បានបញ្ជាក់ផងដែរថា លោកសង្ឃឹមថា រដ្ឋបាលរបស់លោក ត្រាំ នឹងកំណត់អំពីវិធីជាក់លាក់មួយ ដើម្បីដាក់ទណ្ឌកម្មលើរដ្ឋាភិបាលក្រុងប៉េកាំង ទាក់ទិននឹងការរារាំងសេរីភាពនៅក្នុងទីក្រុងហុងកុង ។
លោក McConnell បាននិយាយថា សហរដ្ឋអាមេរិកគួរមើលលើការឆ្លើយតបរបស់បណ្ដាប្រទេសប្រជាធិបតេយ្យផ្សេងទៀត និងបើកទ្វារទទួលពលរដ្ឋមកពីទីក្រុងហុងកុង ។ លោក McConnell បានថ្លែងប្រាប់ព្រឹទ្ធសភាថា សហរដ្ឋអាមេរិកមាន «កេរ្តិ៍ដំណែលដ៏អស្ចារ្យក្នុងការដើរតួជាភ្លើងបំភ្លឺផ្លូវ» សម្រាប់ជនភៀសខ្លួនពីសង្គ្រាម និងពីរបបកុម្មុយនិស្ត ។ លោកបានបន្ថែមថា៖ «យើងគួរតែដើរតួនេះម្ដងទៀត សម្រាប់ពលរដ្ឋមកពីទីក្រុងហុងកុង» ។
ច្បាប់សន្តិសុខថ្មី ត្រូវបានអនុម័តដោយសភារបស់ទីក្រុងប៉េកាំងដែលអះអាងថា ជាការចាំបាច់ដើម្បីដោះស្រាយ “ភេរវកម្ម” និង “បំបែកខ្លួន” ៕