គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 10426 នាក់

ម្សិលមិញ 9639 នាក់

សរុប 20700597 នាក់

ភាពមិនច្បាស់លាស់នៃវិបត្តិនយោបាយក្នុងប្រទេសម៉ាឡេស៊ីដោយសារអំពើរបស់មហាធា

21-September-2026 / ព័ត៌មានអន្តរជាតិ

ប្រទេសម៉ាឡេស៊ី៖លោក មហាធៀ មហាម៉ាត់នាយករដ្ឋមន្ត្រីចាំផ្ទះរបស់ប្រទេសម៉ាឡេស៊ី បានប្រកាសថា នៅថ្ងៃទី២ ខែមីនា សភាម៉ាឡេស៊ីនឹងបើកកិច្ចប្រជុំដើម្បីបោះឆ្នោតជ្រើសរើសនាយករដ្ឋមន្ត្រីថ្មី ដឹកនាំម៉ាឡេស៊ីជាបន្តទៀត។នេះបើតាមសារព័ត៌មាន CNA។ a anva4

ថ្លែងក្នុងសន្និសីទកាសែត កាលពីថ្ងៃទី២៧ខែកុម្ភៈ លោក មហាធៀ បានបញ្ជាក់ថា ការបោះឆ្នោតមុនអាណត្តិអាចនឹងត្រូវរៀបចំឡើង ប្រសិនបើ សភាមិនអាចឈានដល់ការសម្រេចចិត្តមួយបានទេនោះ នៅកំឡុងការបើកអង្គប្រជុំពិសេស។បើតាមលោក មហាធៀ ព្រះមហាក្សត្រម៉ាឡេស៊ីដែលត្រូវបានមហាក្សត្រកោះហៅឲ្យចូលគាល់នាថ្ងៃព្រហស្បតិ៍មុននឹងថ្វើសន្និសីទ្ធកាសែតបាននិយាយថា៖បើសភាមិនអាចកំណត់បេក្ខជនដែលមានសំឡេងគាំទ្រភាគច្រើននៅក្នុងសភាបានទេ ក្រោយចំណាយពេល២ថ្ងៃកន្លងមកនេះ ដើម្បីសាកសួរសមាជិកសភាទាំងអស់ ដូច្នេះទ្រង់យល់ថា កន្លែងដែលត្រឹមត្រូវដើម្បីកំណត់រក បេក្ខជននាយករដ្ឋមន្ត្រី គឺនៅក្នុងសភា។

ប៉ុន្តែនៅថ្ងៃសុក្រទី២៨កុម្ភៈប្រធានសភាម៉ាឡេស៊ីបាននិយាយថា លោកជំទាស់នឹងសំណើរបស់មេដឹកនាំបណ្តោះអាសន្នលោកមហាធៀ ម៉ូហាម៉ាត អោយសភាបើកកិច្ចប្រជុំពិសេសនៅសប្តាហ៍ក្រោយដើម្បីជ្រើសរើសនាយករដ្ឋមន្ត្រី។ប្រធានសភាបាននិយាយថា លោកបានទទួលលិខិតមួយមកពីមហាធៀ សុំអោយបើកសម័យប្រជុំពិសេសមួយនៅថ្ងៃចន្ទទី០២មីនា តែវាមិនអាចធ្វើបានទេបើមិនមានបញ្ជាពីស្តេច ដូច្នេះកាលបរិច្ឆេទសំរាប់កិច្ចប្រជុំដូច្នេះនឹងត្រូវប្រកាសជូននៅពេលក្រោយ។

គួរជម្រាបថា លោក មហាធៀ ដែលមានវ័យ៩៤ឆ្នាំ បានសម្រេចចិត្តលាលែង ចេញពីតំណែងជាប្រធានគណបក្ស Bersatu និងជានាយករដ្ឋមន្ត្រីម៉ាឡេស៊ី កាលពីថ្ងៃចន្ទទី២៤កុម្ភៈកន្លងទៅ។ ប៉ុន្តែ ទោះព្រះមហាក្សត្រម៉ាឡេស៊ីបានយល់ព្រមក៏ដោយ ទ្រង់បាន តែងតាំងជានាយករដ្ឋមន្ត្រីចាំផ្ទះ ហើយកាលពីថ្ងៃពុធ លោក មហាធៀ បានបង្កការភ្ញាក់ផ្អើលជាថ្មី ដោយប្រកាសថា លោកនឹងត្រឡប់មកកាន់តំណែងជានាយករដ្ឋមន្ត្រីពេញលេញវិញ បើសមាជិកសភាភាគច្រើនគាំទ្ររូបលោក។

ចំំណែកលោក អាន់វ៉ា អ៉ីប្រាហ៊ីម (Anwar Ibrahim) ប្រធានគណបក្ស ផាទី គាឌីឡាន រ៉ាក់យ៉ាត (PKR) បានថ្លែងនៅថ្ងៃពុធទី២៦កុម្ភៈថា សមាជិកទាំងអស់នៃរណសិរ្សក្តីសង្ឃឹមដេលមានគណបក្សចំរុះហៅថា ផាកាតាន់ ហារ៉ាផាន់ (PH) នៅក្នុងសភាជាតិម៉ាឡេស៊ី គាំទ្រលោកធ្វើជានាយករដ្ឋមន្ត្រីថ្មីរបស់ប្រទេសនេះ។ នេះបើតាមការចេញផ្សាយដោយសារព័ត៌មាន Straits Times ។

ការលើកឡើងរបស់លោក Anwar បានកើតមានឡើងបន្ទាប់ពីលោក មហាធៀ បានធ្វើសេចក្តីថ្លែងការណ៍តាមកញ្ចក់ទូរទស្សន៍ នៅថ្ងៃពុធនេះដោយអះអាងថា ពេលវេលាដែលលោក ត្រូវចុះចេញនោះ គឺមិនទាន់មកដល់នោះឡើយ ហើយបើលោកនៅតែមានការគាំទ្រពីសមាជិកសភាភាគច្រើន នោះលោកនឹងឡើងកាន់តំណែង ជានាយករដ្ឋមន្ត្រីម៉ាឡេស៊ីឡើងវិញ។

ការលើកឡើងរបស់លោក Anwar គឺដូចទៅនឹងសេចក្តីរាយការណ៍ កាលពីមុនផងដែរថា សមាជិកសភាចំនួន ៩២រូប មកពីគណបក្សចំនួន ០៣ ដែលស្ថិតនៅក្នុងគណបក្សចំរុះ PH មានដូចជា គណបក្ស PKR, គណបក្សសកម្មភាពនៃប្រជាធិបតេយ្យ (DAP) និងគណបក្ស ផាទី អាម៉ាណាហ៍ ណេហ្គារ៉ា (PAN) ត្រូវបានប្រធានគណបក្សរបស់ពួកគេ ណែនាំឲ្យគាំទ្រលោក Anwar Ibrahim ធ្វើជានាយករដ្ឋមន្ត្រីថ្មីរបស់ម៉ាឡេស៊ី។ប៉ុន្តែដើម្បីគ្រប់សម្លេង លោកអានវ៉ាត្រូវការរកសម្លេងគាំទ្រពីតំណាងរាស្ត្រចំនួន២២នាក់ទៀត។

គួរបញ្ជាក់ថា សមាជិកសភាជាតិម៉ាឡេស៊ីមានសរុប ២២២រូប ហើយបើតាមច្បាប់ បេក្ខភាពដែលទទួលបានសំឡេងគាំទ្រពីសមាជិកសភាចាប់ពី ៥០+1 ឡើងទៅនោះ នឹងអាចកាន់តំណែងជានាយករដ្ឋមន្ត្រី។ដូច្នោះបង្ហាញថាប្រទេសម៉ាឡេស៊ីអាចនឹងជាប់គាំងក្នុងវិបត្តនយោបាយ៕ a anva2 a anva