វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2183 នាក់
ម្សិលមិញ 8227 នាក់
សរុប 14129064 នាក់
វ៉េណេហ្សុយអេឡា៖ លោក Nicolas Maduro ប្រធានាធិបតីវ៉េណេស៊ុយអេឡាត្រូវបានគេប៉ងធ្វើឃាតដោយប្រើយន្តហោះដ្រូនកាលពីវេលាម៉ោង៥:៤១ល្ងាចថ្ងៃទី៤សីហាឆ្នាំ២០១៨ពេលកំពុងមានវត្តមានក្នុងកម្មវិធីមួយនៅក្នុងទីក្រុងការ៉ាកាស។
រដ្ឋមន្ត្រីក្រសួងព័ត៌មានវ៉េណេស៊ុយអេឡា លោក Jorge Rodriguez បានប្រាប់កាសែតថាការវាយប្រហារប៉ងផ្ដាច់ជីវិតលោក Maduro បានកើតឡើងនៅក្នុងវេទិកាសេដ្ឋកិច្ចនោះ។ យន្តហោះគ្មានមនុស្សបើកជាច្រើនគ្រឿងដែលមានគ្រឿងផ្ទុះបានឡោមព័ទ្ធប្រធានាធិបតីក្នុងកំលុងពេលនោះដែរ។លោក Rodriguez បានប្រាប់ប្រព័ន្ធផ្សព្វផ្សាយ ថា «ការស៊ើបអង្កេតទាំងអស់បានបង្ហាញថាការបំផ្ទុះនេះគឺជាការវាយប្រហារទៅលើប្រធានាធិបតីនីNicolas Maduro»។
យ៉ាងណាមិញ ការប៉ុនប៉ងលើអាយុជីវិតរបស់លោកប្រធានាធិបតីវេណេស៊ុយអេឡា ពុំទទួលបានជោគជ័យឡើយ។លោក ម៉ាឌូរ៉ូ ផ្ទាល់មិនបានរងគ្រោះថ្នាក់នោះទេ និងត្រូវបានកងការពារជម្លៀសខ្លួនចេញពីវេទិកាថ្លែងសារជាបន្ទាន់ខណៈកងទ័ពមួយចំនួន ត្រូវគេរាយការណ៍ថាបានរងរបួស។
មានការអះអាងមួយចំនួនបានអះអាងថា ផែនការខាងលើបានទទួលបរាជ័យ គឺដោយសារប៉ូលិសការពារក្នុងតំបន់ បានបាញ់ទម្លាក់ឧបករណ៍ដ្រូនមួយគ្រឿង ដែលបានព្យាយាមវាយប្រហារមកលើកន្លែងកើតហេតុ ជាទីដែលមន្ត្រីរដ្ឋាភិបាលវេណេស៊ុយអេឡា រួមមានទាំងលោក នីកូឡាស់ ម៉ាឌូរ៉ូ មានវត្តមាន។ ជុំវិញរឿងនេះ លោក ម៉ាឌូរ៉ូ បានទម្លាក់កំហុសទៅលើក្រុមស្តាំនិយមថា ជាអ្នកនៅពីក្រោយខ្នង។
យោងតាមលោក Rodriguez, កងកម្លាំងទាហាន និង ឆ្មាំជាតិចំនួន ៧ នាក់បានរងរបួសដោយសារការវាយប្រហារដោយបំផ្ទុះគ្រាប់បែកនោះ៕