វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4986 នាក់
ម្សិលមិញ 6501 នាក់
សរុប 13953541 នាក់
ខេត្តព្រះវិហារ÷បនល្បែងស៊ីសងដុះស្លែមួយកន្លែងដែលស្ថិតនៅភូមិរុងរឿ៥ឃុំមរកតស្រុកជាំក្សាន្តនៃខ្សែបន្ទាត់ព្រំដែនសមរភូមិមុខទិសទី១ខេត្តព្រះវិហារកំពុងតែមានភាពគគ្រឹកគ្រេងនិងមានពលរដ្ឋពិសេសទាហ៊ានចូលលេងភ្នាល់ដោយសេរីយ៉ាងអនាធិតេយ្យ។
ប្រភពព័ត៌មានពីស្ត្រីៗជាភរិយាកងទ័ពនៅទីនោះបាន បានឲ្យការិយាល័យនិពន្ធនាយកគេហទំព័រសារព័ត៌មាន មាតុភូមិ អោយដឹងថា៖ជារៀងរាល់ថ្ងៃសុក្រ ក្រុមអ្នកញៀនល្បែងមកពីគ្រប់ទិសទីមិនថាទីឆ្ងាយរឺជិតនោះទេតែងតែមកប្រម៉ូលផ្តុំគ្នានៅក្រោយផ្ទះលោកឧត្តសេនី ឌួង ពេជ្យ មេបញ្ជាការរងកងពលអន្តរាគមន៍លេខ៣ ដែលជាកន្លែងសុវត្ថិភាពបំផុតដល់អ្នកលេងល្បែងភ្នាល់ប្រជល់មាន់អាប៉ោងនិងល្បែងយូគី។ប្រភពបានបន្តថាក្នុងមួយសប្តាហ៍គេលេងភ្នាល់តែ១ថ្ងៃទេហើយភ្នាល់ម្តងៗដាក់ប្រាក់រាប់សិបលានរៀលឯណោះ។
បើនិយាយពីអាជ្ញាធ និង សមត្តកិច្ចវិញយើងពិបាកបន្ទោសពួកគាត់ណាស់ព្រោះទំនងជាខ្លាចអំណាច និងឥទ្ធិពលលោកឧត្តមសេនីយ៍ ឌួង ពេជ្យ កុំថាឡើយរឿងបង្ក្រាបសូម្បីដើរក្បែរកលាភសក្ការៈក៏មិនហ៊ានផង។ គួរបញ្ជាក់ផងដែរថាជាញឹំកញាប់មានពលរដ្ឋ ពិសេសស្ត្រីៗជាភរិយាកងទ័ពដែលឈរជើងនៅតំបន់ទិសប្រាសាទព្រះវិហាររងគ្រោះដោយសារល្បែងភ្នាល់ខាងលើខ្លះលែងលះប្រពន្ធរឺប្តីខ្លះចាញ់អស់ដីស្រែចំការខ្លះទៀតចំណាកស្រុកឆ្លងដែនខុស ច្បាប់ចូលទៅកាប់ឈើក្រញូង ដែលប្រឈមនិងការបាញ់ សម្លាប់និងរងរបួសពិការភាពអស់មួយជីវិត ឬការចាប់ខ្លួនដាក់ពន្ធនាគារពីសំណាក់ទាហានថៃ ។
ដោយមិនឃើញអាជ្ញាធរមូលដ្ឋានអើពើរពួកគាត់សំណូមពរដល់លោកនាយ ឧត្តមសេនីយ៍ សៅ សុខា អគ្គមេបញ្ជាការស្តីទី នៃកងយោធពលខេមរៈភូមិន្ទ និងលោកឧត្តមសេនីយឯក ហ៊ុន ម៉ាណែត អគ្គមេបញ្ជាការស្តីទីកងទ័ពជើងគោក មេត្តាជួយចាត់វិធានការ បង្ក្រាបបនល្បែងស៊ីសងខាងលើនេះផង ។ ទាក់ទងនិងករណីខាងលើ ការិយាល័យនិពន្ធនាយក គេហទំព័រសារព័ត៌មាន មាតុភូមិ មិនអាចស្វែងរកការបំភ្លឺពីលោកឧត្តមសេនីយ៍ទោ ឌួង ពេជ្យ មេបញ្ជារការរងកងពលធំអន្តរាគមន៍លេខ3បានទេ នៅថ្ងៃទី៩កក្កដា ២០១៨នេះ ព្រោះពុំមានលេខទូរស័ព្ទ។ ការិយាល័យយើងនឹងរង់ចាំទទួលការបកស្រាយបំភ្លឺពីលោក ឧត្តមសេនីយ៍ ឌួង ពេជ្យ គ្រប់ពេលថាមានការងល្បែងអត់? ៕ ដោយៈ សុផល