ពេលកម្ពុជាស្រូវចុះថោកប្រទេសសឹង្ងបុរីវៀរណាមចិនចុះកុងត្រាទិញអង្ករថៃ!

ពលរដ្ឋនៅស្រុកកញ្ជ្រៀច នាំគ្នាប្ដឹងលោក ស្រី វិចិត្រ ទៅACU ដោយអះអាងថា បានកំណត់យកលុយពីពួកខ្លួន ចាប់ពី៥ម៉ឺនទៅ២៥ម៉ឺនរៀលក្នុង១គ្រួសារ ជាថ្នូរនឹងចែកប័ណ្ណកម្មសិទ្ធិ(ប្លង់រឹង)!

ACU បង្ហាញលទ្ធផលស៊ើបអង្កេត និងស្ដាប់ចម្លើយរបស់លោក ស៊ាន បូរ៉ាត និងលោក ស ថាវី ពាក់ព័ន្ធជាមួយសំណុំរឿងអតីតឧកញ៉ា ឡេង ចាន់ណា ករណីឆបោកប្រាក់រាប់លានដុល្លារ

កីឡាការិនីក្បាច់គុនខៀវចិន្តារត្ន័សម្តែងការខកចិត្តបន្ទាប់ពីដណ្តើមបានមេដាយមាសនៅប្រទេសកូរ៉េ!

បែកធ្លាយករណីយ៍ឧត្តមសេនីយ៍អគ្គនាយករងអត្តសញ្ញាណកម្មស៊ីដាច់លុយ២លានដុល្លាររត់ការចូលសញ្ជាតិខ្មែរ

ជនជាតិដើមភាគតិចពូនង ស្នើសុំឱ្យក្រសួងពាក់ព័ន្ធជួយអភិរក្សព្រៃអារក្ស ព្រៃកប់សព ឱ្យនៅគង់វង្ស

ឈ្មួញជីកដីលក់នៅបណ្តោយផ្លូវជាតិលេខ៤ចន្លោះគីឡូម៉ែត្រលេខ ៩១ ទៅដល់ ៩៣ បង្កផលប៉ះពាល់ដល់បរិស្ថានសមត្តកិច្ចគុបគិត?

ជាច្រើនទៀត

ចំនួនអ្នកទស្សនា

ថ្ងៃនេះ 2617 នាក់

ម្សិលមិញ 3507 នាក់

សរុប 17846348 នាក់

ហេតុអីសឹង្ហបុរីចេះតែបញ្ជូនចិនលាងលុយ៣នាក់ទៀតមកស្រុកខ្មែរ?

27-October-2025 / ព័ត៌មានជាតិ

ប្រទេសសឹង្ហបុរី៖តាមការចុះផ្សាយរបស់កាសែតសិង្ហបុរី The Straits Time ឧក្រិដ្ឋជនលាងលុយកខ្វក់ចំនួន៣នាក់ ដែល១នាក់មានសញ្ជាតិខ្មែរ និង២នាក់មានសញ្ជាតិចិនត្រូវបានបញ្ជូនមកកម្ពុជានៅថ្ងៃទី១៥មិថុនា ឆ្នាំ២០២៤។ ទន្ទឹមនឹងបញ្ជូនមកកម្ពុជា ឧក្រិដ្ឋជនទាំង៣នាក់ក៏ត្រូវបានហាមឃាត់មិនឱ្យជាន់ទឹកដីសិង្ហបុរីវិញដែរ។ ពិរុទ្ធជនទាំង៣នាក់ត្រូវបាននិរទេសមកប្រទេសកម្ពុជាតែប៉ុន្មានសប្តាហ៍ប៉ុណ្ណោះ បន្ទាប់ពីតុលាការសិង្ហបុរីសម្រេចឱ្យពួកគេជាប់ពន្ធនាគាររយៈពេល ១៥ខែដូចគ្នាកាលពីអំឡុងចុងខែមេសា និងខែឧសភា ឆ្នាំ២០២៤នេះ។ តាមប៉ូលិសសិង្ហបុរី ឧក្រិដ្ឋជនចិន Chen Qingyuan អាយុ ៣៤ឆ្នាំ និងមានសញ្ជាតិខ្មែរបានកាន់លិខិតឆ្លងដែនចិន និងដូមីនីកា។ Capture

បុគ្គល Chen Qingyuan បានឆ្លើយសារភាពទទួលស្គាល់លើបទចោទចំនួន២ ករណីពាក់ព័ន្ធនឹងការក្លែងបន្លំឯកសារធនាគារ និងបទចោទចំនួន ១ករណីទៀតពាក់ព័ន្ធនឹងការលាងលុយកខ្វក់តាមរយៈការធ្វើជំនួញល្បែងអនឡាញ។ ប៉ូលិសសិង្ហបុរីរឹបអូសទ្រព្យសម្បត្តិ Chen Qingyuan បានសរុបជាង ២១លានដុល្លារសិង្ហបុរី។ ចំណែកឧក្រិដ្ឋជនចិន២នាក់ទៀត មានឈ្មោះ Zhang Ruijin អាយុ៤៥ឆ្នាំ និងឈ្មោះ Lin Baoying អាយុ៤៤ឆ្នាំ។ Zhang Ruijin ត្រូវបានតុលាការសឹង្ហបុរីរឹបអូសទ្រព្យសម្បតិ្តគិតជាប្រាក់សរុប ១១៨លានដុល្លារសិង្ហបុរី ខណៈគូស្នេហ៍ជននេះឈ្មោះ Lin Baoying ក៏ត្រូវបានតុលាការរឹបអូសទ្រព្យសម្បតិ្តគិតជាប្រាក់ប្រមាណ ១៥៤លានដុល្លារសិង្ហបុរី។

តាមប៉ូលិសសិង្ហបុរី Zhang Ruijin មានសញ្ជាតិចិន និងកាន់លិខិតឆ្លងដែនការាបៀន។ រីឯនាង Lin Baoying ដែលជាគូស្នេហ៍កាន់លិខិតឆ្លងដែនកម្ពុជា ដូមីនីកា និងតួកគី។ អាជ្ញាធរអន្តោប្រវេសន៍ និងត្រួតពិនិត្យ (ICA) របស់សិង្ហបុរីមិនបានបញ្ជាក់ប្រាប់កាសែត The Straits Time ពីមូលហេតុនៃការបញ្ជូនឧក្រិដ្ឋជនទាំង ៣នាក់មកកម្ពុជាទេ។ តែកាលពីខែមេសាកន្លងទៅ មន្ត្រីអ្នកនាំពាក្យរបស់អាជ្ញាធរអន្តោប្រវេសន៍ និងត្រួតពិនិត្យរបស់អាជ្ញាធរសិង្ហបុរីបានលើកឡើងថា ការកំណត់ទីតាំងនិរទេសរបស់ទណ្ឌិតគឺ អាស្រ័យលើច្បាប់អនុញ្ញាតស្តីពីជនបរទេសនៅសិង្ហបុរីដោយផ្អែកលើលិខិតឆ្លងដែនដែលមានសុពលភាពរបស់រូបជនបរទេសនោះ។

គួរជម្រាបជូនថា ឧក្រិដ្ឋជនទាំង ៣នាក់នេះស្ថិតនៅក្នុងចំណោមឧក្រិដ្ឋជន ១០នាក់ដែលត្រូវបានចាប់ខ្លួននៅក្នុងប្រតិបត្តិការបង្ក្រាបករណីលាងលុយកខ្វក់ទ្រង់ទ្រាយធំនៅសិង្ហបុរីកាលពីឆ្នាំ២០២៣ដោយរឹបអូសបានទ្រព្យសម្បត្តិ និងលុយសុទ្ធជាង ៣ពាន់លានដុល្លារសិង្ហបុរី។ នៅថ្ងៃទី១០មិថុនាឆ្នាំ២០២៤ តុលាការសិង្ហបុរីទើបបិទបញ្ចប់ការផ្តន្ទាទោសលើចង្កោមឧក្រិដ្ឋជនចិនលាងលុយកខ្វក់ទាំង១០នាក់ ក្នុងនោះ៧នាក់ត្រូវបានអាជ្ញាធរសិង្ហបុរីបញ្ជូនចូលមកប្រទេសកម្ពុជា ដែល៣នាក់មានសញ្ជាតិខ្មែរ។ហេតុអីសឹង្ហបុរីត្រូវបញ្ជូនពួកគេមកស្រុកខ្មែរតើខ្មែរយើងជាកន្លែងស្តុកពួកឧក្រឹដ្ឋជនចិន?៕ប្រភពវិទ្យុបារាំង