វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6093 នាក់
ម្សិលមិញ 5020 នាក់
សរុប 14121540 នាក់
ភ្នំពេញ៖នគរបាលចាប់ខ្លួន លោក អេង អូន ជាមន្ត្រីយោធា និងជាប្រធានក្រុមហ៊ុនអភិវឌ្ឍន៍ភ្នំថ្កូវ រឿងមិនសងលុយរដ្ឋជាង៨០០លានរៀលយកទៅបង្ហាញមុខរាជអាជ្ញាបានមួយដង្ហើមចង្រឹតតុលាការក៏លែងឲ្យមានសេរីភាពវិញបាត់ហើយកាលពីល្ងាចថ្ងៃទី២៦ ខែកក្កដា ឆ្នាំ២០២១! ។
ថៅថែក្រុមហ៊ុនជីកដីលក់នៅខេត្តកំពតឈ្មោះអេងអូនដែលជាមន្ត្រីយោធាផងត្រូវបានលោក ស៊ិត វណ្ណៈ ព្រះរាជអាជ្ញារងអមសាលាដំបូងរាជធានីភ្នំពេញដែលចេញដិកាឲ្យចូលឲ្យបានមុនថ្ងៃ៩សីហា២០២១ បានសម្រេចដោះលែងវិញបាត់ បន្ទាប់ពីបញ្ជាឲ្យសមត្ថកិច្ចព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញតាមចាប់ ឃាត់ខ្លួនបញ្ជូនទៅតុលាការមុនថ្ងៃផុតកំណត់។
ជុំវិញការចាប់ហើយដោះលែង លោក អេង អូន នេះលោកព្រះរាជអាជ្ញារង ប្លង់ សុផល អ្នកនាំពាក្យនៃអយ្យការអមសាលាដំបូងរាជធានីភ្នំពេញ សំងំឈឹង!។
បើយោងតាមការផ្សាយរបស់សារព័ត៌មានពីថ្ងៃម្សិលមិញពីការបែកធ្លាយសម្លេងរបស់លោក អេង អូន គាត់អះអាងថា បានទាក់ទងទៅតុលាការ (លោក ស៊ិត វណ្ណៈ) រួចរាល់ហើយ !ចឹងបានន័យថាគេនិយាយគ្នាមុនស្រេច?។គេមិនដឹងថាការដោះលែងមានលុយតំកល់ឬក៏លែងដោយមិនចាត់ការលើពាក្យបណ្តឹងនោះឡើងព្រោះតុលាការធើស៊ីស្ងាតៗចឹងនោះ?។
លោក អេង អូន ត្រូវបាន សមត្ថកិច្ច ឃាត់ខ្លួន ថ្ងៃទី២៦ ខែកក្កដា ឆ្នាំ២០២១ម្សិលមិញ ពាក់ព័ន្ធ បទល្មើសឆបោក និងរំលោភលើទំនុកចិត្ត ទឹកប្រាក់ចំនួន ៩២ម៉ឺនដុល្លារអាមេរិកដែលបទល្មើសព្រហ្មទណ្ឌចឹងត្រូវតែមានលុយតំកល់។សមត្ថកិច្ច បានឃាត់ខ្លួនលោក អេង អូន នៅមុខផ្សារស៊ីធីម៉ល រាជធានីភ្នំពេញ តាមដីកាបញ្ជាឲ្យចូលខ្លួនរបស់លោក ស៊ិត វណ្ណៈ ព្រះរាជអាជ្ញារងអមសាលាដំបូងរាជធានីភ្នំពេញ។
សូមជម្រាបជូនថា លោក អេង អូន ត្រូវបានឯកឧត្តម ស៊ុយ សែម រដ្ឋមន្ត្រីក្រសួងរ៉ែ និងថាមពល ចេញលិខិតផាកពិន័យជាទឹកប្រាក់ជាង ៨០០លានរៀលផងដែរ ដោយសារតែក្រុមហ៊ុន អភិវឌ្ឍភ្នំថ្កូវគុបគិតជាមួយអាជ្ញាធរ លួចកាយយកដីក្រហមនៅភ្នំថ្កូវ ស្ថិតនៅភូមិកោះផ្ដៅ ឃុំកំពង់ត្រាចខាងលិច ស្រុកកំពង់ត្រាច ខេត្តកំពត មុនទទួលបានអាជ្ញាប័ណ្ណពីក្រសួង ។ប៉ុន្តែ លោក អេង អូន ពុំព្រមបង់ប្រាក់ផាកពិន័យតាមការសម្រេចរបស់លោករដ្ឋមន្ត្រីក្រសួងរ៉ែនោះទេ និងបានចេញលិខិតបដិសេធថែមទៀតផង៕