វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6755 នាក់
ម្សិលមិញ 5020 នាក់
សរុប 14122202 នាក់
ខេត្តសៀមរាប៖ លោកឃឹម ហ្វីណង់ អភិបាលស្រុកបន្ទាយស្រីដែលទើបតែមកកាន់ដំណែងថ្មី បានអះអាងថាលោក បានរកឃើញការដ្ឋានបូមខ្សាច់ក្នុងស្រុកបន្ទាយស្រី ចំនួន៥ទីតាំង ផ្សេងគ្នា ក្នុងនោះមានទីតាំងបូមខ្សាច់២កន្លែងបានរំលោភធ្ងន់ធ្ងរដោយបិទមុខស្ទឹងទាំងស្រុង បូមយកខ្សាច់រួចចាក់បង្ហូរទឹកភក់កករចូលទៅក្នុងស្ទឹងវិញធ្វើឲ្យទឹកស្ទះហូរចេញចូលមិនរួច ។
លោក អភិបាលស្រុកបន្ទាយស្រីដែលគេស្គាល់ថាជាកូនប្រុសអតីតចៅហ្វាយខេត្តសៀមរាបចាស់មិនបានបង្ហើបពីឈ្មោះថៅកែបូមខ្សាច់ទាំងនោះទេគ្រាន់តែ ឲ្យដឹងថា លោកបានទទួលពាក្យបណ្តឹងផ្ទាល់មាត់ពីប្រជាពលរដ្ឋមកពី ភូមិវត្ត ឃុំត្បែង ស្រុកបន្ទាយស្រី នៅក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្កថាមានការដ្ឋានបូមខ្សាច់ច្រើនកន្លែងធ្វើឲ្យពួកគាត់ជួបការលំបាកយ៉ាងខ្លាំងទៅលើការប្រើប្រាស់ទឹក ។
លោកអភិបាលស្រុកបន្ទាយស្រីឲ្យដឹងពីកំហុសនៃអាជីវកម្មបូមខ្សាច់ក្នុងអាណាចក្រលោកថាថា ទី១ មានការចាក់លុបធ្វើផ្លូវឆ្លងស្ទឹងដោយខុសច្បាប់ដោយមិនដាក់លូតាមស្តង់ដាបច្ចេកទេស ធ្វើឲ្យមុខទឹករួមតូច ។ ទី២ លក្ខខណ្ឌអនុញ្ញាត និងការអនុវត្តផ្ទាល់ភាគច្រើនខុសប្លែកគ្នាទៅតាមទីតាំងការដ្ឋានត្រូវបានគេរំកិលពីនៅក្បែរស្ទឹង មកនៅជាប់មាត់ស្ទឹង ឬនៅពីលើស្ទឹង និងមាន១កន្លែងប្រតិបត្តិការដោយមិនមានអាជ្ញាប័ណ្ណ ក្រោមលេសជួយស្តារស្ទឹងអស់ពេលជាង២ឆ្នាំមកហើយ គ្មានមន្ដ្រីណាចុះពិនិត្យឡើយ ។
ទី៣ ទឹកនៅក្នុងកំណាត់ស្ទឹងតាស៊ូ រាប់សិបគីឡូម៉ែត្រហូរឆ្លងកាត់៣ឃុំ ត្រូវបានរងផលប៉ះពាល់យ៉ាងធ្ងន់ធ្ងរ៖ ទឹកឡើងល្អក់(ខ្ទុះ)មិនអាចប្រើប្រាស់បាន ត្រីមិនអាចរស់នៅបាន គោ ក្របី មិនអាចផឹកទឹកបាន ហើយទិន្នផលស្រូវធ្លាក់ចុះក្រោម១តោនក្នុង១ហិកតា ។ផលប៉ះពាល់នៃអាជីវកម្មបូមខ្សាច់ គឺការប្រើប្រាស់ទឹករបស់បងប្អូនប្រជាពលរដ្ឋជាង១ពាន់គ្រួសារនៅតាមឃុំចំនួន៣ ។
លោក ថារដ្ឋបាលស្រុកនឹងបន្តធ្វើការជាមួយមន្ទីររ៉ែ និងថាមពល ចុះពិនិត្យការដ្ឋានសេសសល់ផ្សេងៗទៀត មុននឹងឈានទៅដល់ចំណាត់ការខាងផ្លូវច្បាប់ក្នុងពេលឆាប់ៗ ក៏ដូចជាជំរុញឲ្យមានការពិចារណាទៅលើសុពលភាពអាជ្ញាប័ណ្ណបូមខ្សាច់ទូទាំងស្រុកឡើងវិញ ។
សូមបញ្ជាក់ផងដែរថា ទីតាំងបូមខ្សាច់ នៅស្រុកបន្ទាយស្រីជាច្រើនបានកើតមានតាំងពីជំនាន់អភិបាលស្រុកមុនៗមកម្ល៉េះមិនត្រូវបានទប់ស្កាត់ ។
ករណីយ៍នេះលោក មាស ជូរ៉ាមី ប្រធានមន្ទីររ៉ែ និងថាមពលខេត្តសៀមរាប ប្រាប់កាសែតដូចអត់ដឹងខ្យល់របៀបមន្ត្រីជើង១០ថា លោកអត់ដឹងទេ ចាំឲ្យមន្ដ្រីលោកចុះទៅមើលជាមួយអភិស្រុកដើម្បីវាយតំលៃតើខុសបច្ចេកទេសឬយ៉ាងណា? ! ។ដោះស្រាយបានយ៉ាងធូស្រុកគេចាយលុយចឹង!?៕