វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1417 នាក់
ម្សិលមិញ 10264 នាក់
សរុប 14140599 នាក់
រតនៈគិរី ៖ កម្លាំងរដ្ឋបាលព្រៃឈើពីភ្នំពេ្ និងកម្លាំងអាវុធហត្ថមូលដ្ឋានស្រុកបរកែវ បានស្ទាក់ចាប់រថយន្តក្រុង១គ្រឿងមានទិសដៅទៅប្រទេសវៀតណាម នៅវេលាម៉ោង៨និង១០នាទីព្រឹក ថ្ងៃទី១១ ខែធ្នូ ឆ្នាំ២០១៩ដែលផ្ទូកឈើប្រណិតធ្នង់នៅ លើកំណាត់ផ្លូវជាតិលេខ៧៨ ស្ថិតក្នុងភូមិឃ្លិះ ឃុំស៊ើង ស្រុកបរកែវ ខេត្តរតនគិរី ។តែអ្វីដែលគួរឲ្យហួសចិត្តគឺអ្នកបើកបរនិងអ្នកពាក់ពន្ធ័គេចខ្លួនបានដោយសុវត្ថិភាព។
នាយផ្នែករដ្ឋបាលព្រៃឈើបរកែវ បានឲ្យដឹងថា រថយន្តក្រុងលួចដឹកឈើប្រណិតគ្មានច្បាប់អនុញ្ញាតិ ពាក់ស្លាកលេខ វៀតណាម81B-001-13 ឆែកឆេរឃើញឈើប្រណិតធ្នង់គីឡូ មានទម្ងន់៧៨០គីឡូក្រាមស្មើនឹង០,៥៧៧ម៉ែត្រគូប ។
បច្ចុប្បន្នរថយន្តក្រុង១គ្រឿង និងឈើប្រណិតធ្នង់ខាងលើ ត្រូវបាន នាំមករក្សាទុក នៅខណ្ឌរដ្ឋបាលព្រៃឈើរតនគិរី ដើម្បីចាត់ចែងតាមច្បាប់ព្រៃឈើ ។
គួរកត់សម្គាល់ថាបទល្មើសព្រៃឈើនៅតែមានក្នុងខេត្តរតនៈគីរី បើទោះបីសមត្ថកិច្ចជំនាញ និងស្ថាប័នពាក់ព័ន្ធ ខិតខំធ្វើការបង្ក្រាប ការដឹកជញ្ជូនឈើល្មើសច្បាប់យ៉ាងណាក៏ដោយ ដែលគេជឿថាឈ្មួញខិលខូច អាចធ្វើសកម្មភាព ដោយមិនខ្លាចច្បាប់បានគឺវាទាល់តែខ្មោចស្រុកឲ្យដៃដែរ ។