ក្រុមដោនជាប់សង្ស័យថានៅពីក្រោយបទល្មើសព្រៃឈើនៅព្រៃការពារ គូលែនព្រហ្មទេពខេត្តព្រះវិហ៊ារ
21-September-2026 / ព័ត៌មានជាតិ
ព្រះវិហារ៖ :ក្រុមហ៊ុន ដោន បានរងនៅការចោទប្រកាន់ពីសំណាក់ប្រជាពលរដ្ឋថា បានប្រមូលឈើប្រភេទ ឈើលេខ1 ផ្ចឹក ស្រឡៅ ត្រាច នឹងឈើលេខ2 ឈើទាលផ្តៀកចេញពីព្រៃការពារ គូលែនព្រហ្មទេពនឹងព្រៃព្រះរការ ចូលក្រុមហ៊ុនរបស់ខ្លួនដើម្បីបំលែងទៅជាឈើស្របច្បាប់ កាត់ប៉េសេ (PC)យកលក់នៅតាមបណ្តាលខេត្ត នានានៅក្នុងព្រះរាជាណាចក្រកម្ពុជា ។
ជាក់ស្តែងកាលពីវេលាម៉ោង១០យប់ថ្ងៃទី២៧ ខែឧសភា ឆ្នាំ២០២២នេះមានរថយន្តម៉ាកវេអង (V1 ) ចំនួន៣គ្រឿងដឹកឈើពេញប្រៀបត្រូវបានគេឃើញដឹកចេញពីក្រុមហ៊ុនដោន នៅចំណុចភូមិព្រីងធំ ឃុំព្រីងធំ ស្រុកជាំក្សាន្ត តាមបណ្តោយផ្លូវជាតិលេខ៦២មកដល់ត្រង់ចំណុចភូមិចំការស្រម៉ូវ ត្រូវបានសមត្ថកិច្ចរដ្ឋបាលព្រៃឈើត្បែងមានជយ័ សហការជាមួយអាវុធហត្ថក្រុង ឃាត់បាន1គ្រឿងដើម្បីត្រួតពិនិត្យមួយគ្រឿង ចំណែក2គ្រឿងទៀតមិនឈប់អោយត្រួតពិនិត្យទេ។ នៅក្នុងប៉េសេ បង្ហាញសមត្តកិច្ចមានឈើសរុបចំនួន17ម៉ែត្រគូប កំពង់ពីបាទទ្រុង1ម៉ែត្រ តែឈើផ្ទុកក្នុងឡានពេញដល់ដំបូលលើ យ៉ាងតិចប៉ផុតក៏២៥ម៉ែត្រ
គូបដែរ។ បន្ទាប់ពីត្រួតពិនិត្យ រថយន្តត្រូវបានសមត្ថកិច្ចអញ្ញាតអោយបន្តដំណើរទៅមុខទៀត? ។
ក្រុហ៊ុនដោន ត្រូវបានគេរាយការណ៍ថាបានទទួលសិទ្ឋដីសម្បទានសេដ្ឋកិច្ចពីរដ្ឋាភិបាលដែលអាចប្រមូលផលអនុផលពីដីសប្បទាននោះ។តែសេចក្តីរាយការណ៍ឲ្យដឹងថាដីសម្បទានក្រុមហ៊ុនអស់ឈើកាប់ទៅហើយដូច្នោះ ឈើដែលក្រុមហ៊ុនដោនបាននិងកំពង់ដឹកជញ្ជូនចេញពីក្រុមហ៊ុនស្ទើរស្រុតថ្នល់លេខ៦២នោះជាឈើដែលក្រុមហ៊ុនអនុវត្តន៍វិធីកន្ទេលធំបន្លំដេក គឺប្រមូលទិញអនាធិបតេយ្យពីប្រជាពលរដ្ឋដែលចូលកាប់ដឹកជញ្ជូនចេញពីព្រៃការពារគូលែនព្រហ្មទេព នៅចំណុច ឃុំយាង នឹងព្រៃការពារ ព្រះការ ចំណុចក្បាលដំរី របុញ ស្ថិតក្នុងឃុំមរកត់ ភូមិត្មាតប៉ើយ ភូមិក្រឡាពាស ឃុំព្រីងធំ ស្រុកជាំក្សាន ខេត្តព្រះវិហារ ។
ប្រជាពលរដ្ឋនៅភូមិរបុញ ឃុំមរកត់ ឃុំយាង នឹងភូមិត្មាប៉ើយ ភូមិក្រឡាពាស ឃុំព្រីងធំ ស្រុកជាំក្សាន្តបានរាយការណ៍មកថា ជារៀងរាល់ថ្ងៃគេតែងសង្កេតឃើញមេការដើរប្រមូលទិញឈើអនាធិបតេយ្យពី
ប្រជាពលរដ្ឋនៅចំណុចខាងលើដឹកចូលមកស្តុកទុកក្នុងក្រុមហ៊ុន ដោយពុំមានសមត្ថកិច្ចណាមួយរំខានដល់ការដឹកជញ្ជូនឈើខុសច្បាប់នេះលើយ ។លោក យ៉ាន់ ប៊ុនសឿង នាយកព្រៃព្រះរការ បានអះ
អាងថា មិនមានឈើខុសច្បាប់ដឹកចេញពីចំណុចក្បាលដំរី នឹងភូមិរបុញលើយ។តែ លោកថា កូនចៅរបស់លោកនៅក្បាលដំរីចំនួន2ក្រុម បើសិនជាមានដឹកឈើចេញពីចំនុចខាងលើមែនចាំលោកសួទៅកូនចៅ
លោកសិន? ។
លោក ម៉ា សុផល នាយកដែនជម្រកសត្វព្រៃគូលែនព្រហ្មទេព មិនអាចសុំការបញ្ជាក់បកស្រាយបានទេដោយសាទូរសព្ទ័ខលមិនចូល ។លោក ញាណ សុខជា តំណាងក្រុមហ៊ុនដោន មិនអាចសុំការបកស្រាយបានទេ ដោយសាគ្មានប្រភពទំនាក់ទំនង ។លោក នួន សុខុម នាយខណ្ឌ័រដ្ឋបាលព្រៃឈើព្រះវិហារ បានអោយដឹងថា ក្រុមហ៊ុនដោនមានស្តុកឈើជាង1000ម៉ែត្រគុបមែន កំពង់ត្រៀមកាត់ប៉េសេរ(PC) ដើម្បីដឹកចេញពីក្រុមហ៊ុនតែលោកមិនប្រាប់ថាឈើនោះក្រុមហ៊ុនបានពីណានោះទេ ។
ពាក់ពន្ឋ័នឹងបទល្មើសព្រៃឈើខាងលើនេះ មហាជនសូមសំណូមពរទៅឯកឧត្តម ប្រាក់ សុវណ្ណ អភិបាលខេត្តព្រះវិហារនិងលោកនាយឧត្ដមសេនីយ៍ សៅ សុខា អគ្គមេបញ្ជាការរងនៃកងយោធ ពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងជាប្រធានគណៈកម្មការជាតិ ដើម្បីទប់ស្កាត់និងបង្ក្រាបបទល្មើសធនធានធម្មជាតិជួយចាត់វិធានការទប់ស្កាត់និងបង្ក្រាប នូវរាល់សកម្មភាពខាងលើ ដើម្បីការពារធនធានធម្មជាតិឱ្យនៅគង់វង្សជារៀងរហូតផង៕
