ធ្លាប់តែឃើញប៉ូលីសចាប់ប៉ូលីស ឥឡូវមេព្រៃចាប់មេព្រៃខូចម្តងហើយ!
15-March-2026 / ព័ត៌មានជាតិ
ក្រចេះ ៖នៅល្ងេចថ្ងៃទី២១ខែតុលាឆ្នាំ២០២៣វេលាម៉ោង៧.២០នាទីកម្លាំងសមត្ថកិច្ចចម្រុះរបស់ខេត្តក្រចេះ មានលោក វរះសេនីយ៍ទោ ហេង ចន្ថា នាយការិយាល័យប្រឆាំងបទល្មើសសេដ្ឋកិច្ចនៃស្នងការនគរបាលខេត្តក្រចេះសហការជាមួយលោកទ្រី ម៉េងលៀងនាយរងផ្នែករដ្ឋបាលព្រៃឈើខេត្តក្រចេះនិងលោកអនុសេនីយ៍ទោ ស៊ាម គឹមទឹម កម្លាំងសឹករងខេត្តក្រចេះ បានស្ទាក់ចាប់បង្ក្រាបរថយន្តបិតជញ្ជាំងជិតម៉ាកហុីយ៉ាន់ដាយទំងន់៣តោនកន្លះមួយគ្រឿងដែលផ្ទុកឈើប្រណិតពេញ នៅចំណុចភូមិឬស្សីចារ្យ ឃុំថ្មគ្រែ ស្រុកចិត្របុរី ខេត្តក្រចេះ។
ប្រភពព័ត៌មានពីមន្ត្រីសមត្ថកិច្ចដែលបានចូលរួមចាប់បង្ក្រាបនៅទីនោះ បានឲ្យដឹងថារថយន្តដឹកឈើខាងលើ ត្រូវបានប្រជាពលរដ្ឋរាយការណ៍មកថាបានឡើងទៅទិញដឹកឈើ តាមផ្ទះប្រជាពលរដ្ឋនៅស្រុកសំបូរខេត្តក្រចេះជាញឹកញាប់ ដោយគេប្រើរូបភាពជាឡានដឹកដឹកទំនិញក្រុមហ៊ុន តែតាមពិតលួចលាក់ដឹកឈើ។ប្រភពពត៌មានពីប្រជាពលរដ្ឋ ដែលឈឃើញហេតុការណ៍បង្ក្រាបរថយន្តដឹកឈើខាងលើ បានរៀបរាប់ប្រាប់ក្រុមអ្នកសារពត៌មានក្នុងលក្ខ័ន្ធមិនបញ្ចេញឈ្មោះថា ចំពោះរថយន្តដឹកឈើដែលសមត្ថកិច្ចកំពង់តែចាប់ពេលនេះ គឺជារថយន្តរបស់ឈ្មួញឈើដ៍សកម្មដែលដឹកឈើតាមផ្លូវនេះ(ផ្លូវមាត់ទន្លេរ)ជារៀងរាល់ថ្ងៃមិនដែលរំខានដល់បងប្អូនសមត្ថកិច្ចណាឡើយ កន្លងមកព្រោះជាគ្នារបស់គេ? ទើបតែលើកនេះទេ ព្រោះពេលលើកឈើដាក់ចូលក្នុងឡាន ត្រូវបានអ្នកសារពត៌មាន ប្រទះឃើញ ក៏រាយការណ៍ស្នើសុំការសហកាពីស្ថាប័នតុលាកាឲ្យជួយអន្តរាគមន៍ទប់ស្កាត់បង្ក្រាប ទើបកម្លាំងសមត្ថកិច្ចទាំងនោះចេញមកបង្ក្រាបទៅ។
ចំពោះតៃកុងឡានដឹកឈើ នោះគេស្គាល់ច្បាស់ថា ឈ្មោះគុណ ពិដោ នាយផ្នែករដ្ឋបាលព្រៃឈើ ស្រុកព្រែកប្រសព្វ ខេត្តក្រចេះ ដែលខ្លួនគាត់(លោកគុណ ពិដោ)ជាអ្នកមានតួនាទីទប់ស្កាត់និងបង្ក្រាបបទល្មើសព្រៃឈើ បែរជាមករកស៊ីដឹកឈើខ្លួនឯងបែបនេះទៅវិញ?។កន្លងមកបងប្អូនក្រុមអ្នកតាមដានសង្គមធ្លាប់បាននិយាយថា កាលពីលើកមុនតួនាទីទប់ស្កាត់និងបង្ក្រាបបទល្មើសព្រៃឈើ គឺស្ថិតក្នុងកណ្តាប់ដៃមេព្រៃ(រដ្ឋបាលព្រៃឈើ)ដែលជាស្ថាប័នចំណុះឲ្យក្រសួងកសិកម្មរុក្ខាប្រម៉ាញ់និងនេសាទ តែមិនសូវមានប្រសិទ្ធិភាពដោយសារឈ្មួញដែលមានខ្សែក្រាស់ៗជាមួយមន្ត្រីនៅក្នុងក្រសួង ទើបរាជរដ្ឋាភិបាលសម្រេចបង្កើតឲ្យមានគណះកម្មការទប់ស្កាត់និងបង្ក្រាបបទល្មើសធនធានធម្មជាតិ ដែលមាននាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស ជាប្រធាន តែការបង្ក្រាបក៏បានតែ១ឆាវដែរ។
ជុំវិញករណីចាប់រថយន្តដឹកឈើ របស់លោក គុណ ពិដោ នាយផ្នែករដ្ឋបាលព្រៃឈើស្រុកព្រែកប្រសព្វ នេះ គឺកម្លាំងសមត្ថកិច្ចមិនបានបើកឃ្លប់រថយន្តឲ្យក្រុមអ្នកដារពត៌មានបានថតប្តិតយករូបភាពឈើបានទេ គឺកម្លាំងសមត្ថកិច្ចបានអូសយករថយន្តយកទៅរក្សារទុកនៅទីស្នាក់ការរដ្ឋបាលព្រៃឈើក្រចេះថា ដើម្បីកសាងសំណុំរឿងបញ្ជូនទៅតុលាកា?។ពាក់ព័ន្ធករណីខាងលើនេះតាមសម្តីរបស់ក្រុមសន្តិសុខដែលយានៅមាត់ទ្វារច្រកចូលទីស្នាក់ការរដ្ឋបាលព្រៃឈើក្រចេះ បានប្រាប់ក្រុមអ្នកសារពត៌មានដែលបានតាមទៅយកពត៌មាននៅទីនោះនៅព្រឹកថ្ងៃទី២២ខែតុលាឆ្នាំ២០២៣ថា មិនទាន់មានបញ្ជាឲ្យបើកទ្វាររថយន្តដឹកឈើនោះ ព្រោះជាថ្ងៃអាទិត្យ?។ប្រជាពលរដ្ឋនិយាយថាប្រត្ន័គេលាងសម្អាតបាត់ទៅព្រោះស្រុកខ្មែរយើងនៅចាយលុយក្រោមតុកបានតើ។
