វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4874 នាក់
ម្សិលមិញ 10264 នាក់
សរុប 14144056 នាក់
ប្រទេសហ្វាំងឡង់: លោកស្រីសាណាម៉ារីន( Sanna Mari) ក្នុងវ័យទើបតែ៣៤ឆ្នាំ នឹងក្លាយជានាយករដ្ឋមន្ត្រីវ័យក្មេងបំផុតរបស់ពិភពលោក ក្នុងនាមជាប្រមុខរដ្ឋាភិបាលចម្រុះ ដឹកនាំដោយស្ត្រីនៅប្រទេសហ្វាំងឡង់ហើយតាមផែនការ ការស្បថសច្ចាចូលកាន់តែតំណែងនឹងប្រព្រឹត្ត ទៅនៅសប្តាហ៍នេះ។
ទីភ្នាក់ងារពត៍មានBBC ចេញផ្សាយនៅថ្ងៃចន្ទទី៩ខែធ្នូ បានឲ្យដឹងថាអតីតរដ្ឋមន្ត្រីដឹកជញ្ជូនរូបនេះ ត្រូវបានជ្រើសរើសដោយគណបក្សប្រជាធិបតេយ្យសង្គម ដើម្បីទទួលបន្ទុកបន្ទាប់ពីនាយករដ្ឋមន្ត្រីអានទីរីណេ( Antti Rinne) បានធ្វើការប្រកាសលាឈប់ទៅហើយនោះ ។
លោកស្រីនាយករដ្ឋមន្ត្រីដ៏ស្រស់ស្អាតរូបនេះ នឹងដឹកនាំសម្ព័ន្ធភាពកណ្តាលឆ្វេងនិយម នៃក្រុមគណបក្សចំនួន ៥ ដែលដឹកនាំដោយស្ត្រីនៅក្រោយពេលដែលលោករីណេ( Rinne) ដែលបានសម្រេចចិត្តលាឈប់ពីតំណែង បន្ទាប់ពីបាត់បង់ទំនុកចិត្ត ពីសមាជិកសម្ព័ន្ធមួយលើការដោះស្រាយកូដកម្មតាមប្រៃសណីយ៍នាពេលថ្មីៗនេះ។
នៅពេលចូលកាន់តំណែងនោះ លោកស្រីនឹងក្លាយជានាយករដ្ឋមន្ត្រី ដែលក្មេងជាងគេនៅលើពិភពលោកនាំមុខ។ សូមបញ្ជាក់ថានាយករដ្ឋមន្ត្រីនូវ៉ែហ្សេឡង់លោកចាស៊ីនដាអាដឺម (Jacinda Ardern )មានអាយុ ៣៩ ឆ្នាំរីឯនាយករដ្ឋមន្ត្រីអ៊ុយក្រែនលោកអូឡេសីហូនចារឹក( Oleksiy Honcharuk) មាន អាយុ ៣៥ ឆ្នាំ៕