វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3172 នាក់
ម្សិលមិញ 6359 នាក់
សរុប 14089805 នាក់
ភ្នំពេញ ៖ ប្រជាពលរដ្ឋ និងសិល្បករ-សិល្បការិនីខ្មែរទូទាំងប្រទេសបាននិងកំពុងកាន់ទុក្ខដ៏ក្រៀមក្រំ បន្ទាប់ពី សម្តេចរាជបុត្រី ព្រះរៀម នរោត្តម បុប្ផាទេវីឧត្តមប្រឹក្សាផ្ទាល់ព្រះមហាក្សត្រ សមាជិកាក្រុម ប្រឹក្សាធម្មនុញ្ញ និងជាអតីតរដ្ឋមន្ត្រី ក្រសួងវប្បធម៌ និងវិចិត្រសិល្បៈ បានយាងសោយទិវង្គតនោះកាលពីថ្ងៃទី១៨វិច្ឆិកាដោយជរាពាធនៅមន្ទីរពេទ្យក្នុងស្រុកសៀម។
ដោយឡែកតារាភាពយន្តអាមេរិកាំងល្បីឈ្មោះអ្នកនាងអែនចូលីណាចូលី(Angelina Jolie)ដែលមានសញ្ជាតិខ្មែរដែរក៏បានថ្លែងចូលរួមរំលែកព្រះរាជមរណៈទុក្ខដ៏ក្រៀមក្រំអមជាមួយរូបភាពអនុស្សាវរីយ៍សម្តេចព្រះរាជបុត្រី ព្រះរៀម នរោត្តម បុប្ផាទេវី ផងដែរ។
អ្នកនាងអែនចូលីណាចូលី(Angelina Jolie)បានបង្ហោះរូបភាពអនុស្សាវរីយ៍របស់សម្តេចព្រះរាជបុត្រី ព្រះរៀម នរោត្តម បុប្ផាទេវីអតីតរដ្ឋមន្ត្រីក្រសួងវប្បធម៍ ដោយបានសរសេរសារភាសាអង់គ្លេស សម្រាយជាភាសាខ្មែរមានន័យថា សូមចូលរួមព្រះរាជមរណៈទុក្ខដ៏ក្រៀមក្រំបំផុតចំពោះសម្តេចព្រះរាជបុត្រី បុប្ផាទេវីជាទីស្រឡាញ់។ការចងចាំនេះ នឹងមិនត្រូវបានបំភ្លេចចោលឡើយ។
សូមជម្រាបថា ព្រះសពរបស់សម្តេចរាជបុត្រី ព្រះរៀម នរោត្តម បុប្ផាទេវី បានដង្ហែតាមជើងយន្តហោះពិសេសពីទីក្រុងបាងកកប្រទេសថៃឆ្ពោះមកដល់ព្រលានយន្តហោះអន្តរជាតិភ្នំពេញហើយនៅវេលាម៉ោងជាង០៧យប់ថ្ងៃទី១៩ ខែវិច្ឆិកា ឆ្នាំ២០១៩។ សម្តេចអគ្គមហាសេនាបតីតេជោ ហ៊ុន សែន ក៏បានប្រកាសណែនាំឲ្យគ្រប់ក្រសួងស្ថាប័នរដ្ឋទាំងអស់នៅថ្ងៃទី២០ខែវិច្ឆិកាត្រូវទម្លាក់ទង់ជាតិត្រឹមពាក់កណ្តាលដើម្បីកាន់ទុក្ខព្រះសពសម្តេចរាជបុត្រីព្រះរៀម នរោត្តម បុប្ផាទេវី។នៅរសៀលថ្ងៃទី២០វិច្ឆិកានេះសម្តេចតេជោក៏បានទៅគោរពវិញ្ញានខន្ធ័ផងដែរ។
ព្រះសពសម្ដេចរាជបុត្រី ព្រះរៀម នរោត្តម បុប្ផាទេវីដែលមានបរមនាមនាថការីឯកតកល់នៅវត្តបុទុម នឹងត្រូវបូជាថ្ងៃច័ន្ទ ទី២៥ ខែវិច្ឆិកា ដើមសប្ដាហ៍ក្រោយនេះនៅវាលព្រះមេរុ មុខវត្តបទុមវតី។