បន្ទាប់ពីតំណាងសិទ្ធមនុស្សអង្គការសហប្រជាជាតិឯកអគ្គរដ្ឋទូតចិន សម្តែងនូវការព្រួយបារម្ភចំពោះសុខទុក្ខ និងជីវភាពរស់នៅរបស់ពលរដ្ឋពលរដ្ឋភៀសសឹករឿង មិនទាន់អាចវិលត្រឡប់ទៅលំនៅឋានវិញផងដែរ

ព្រះវិហារ៖ លោក Wang Wenbin ឯកអគ្គរដ្ឋទូត សាធារណរដ្ឋប្រជាមានិតចិនដែលជាប្រទេសសមាជិកអចិន្ត្រៃយ៍អង្គការរហប្រជាជាតិ ប្រចាំព្រះរាជាណាចក្រកម្ពុជា នៅព្រឹកថ្ងៃទី៣ ខែសីហា ឆ្នាំ២០២៦បានសម្តែងនូវក្តីអាណិតអាសូរ និងការព្រួយបារម្ភចំពោះសុខទុក្ខ និងជីវភាពរស់នៅរបស់ប្រជាពលរដ្ឋដែលកំពុងស្នាក់នៅក្នុងមណ្ឌលសុវត្ថិភាពនៅពេលលោក បានអញ្ជើញចុះសួរសុខទុក្ខ និងនាំយកអំណោយរបស់ស្ថានទូតចិន ចែកជូនបងប្អូនប្រជាពលរដ្ឋភៀសសឹក ដែលមិនទាន់អាចវិលត្រឡប់ទៅលំនៅឋានវិញ នៅមណ្ឌលសុវត្ថិភាពវត្តពើងអង្កាម ស្ថិតក្នុងស្រុកត្បែងមានជ័យ ខេត្តព្រះវិហារ។ 

លោក Wang Wenbin លោកបានបញ្ជាក់ថា អំណោយដែលនាំយកមកចែកជូននេះ គឺជាការបង្ហាញពីមនោសញ្ចេតនា មិត្តភាព និងកិច្ចសហប្រតិបត្តិការដ៏រឹងមាំ ឬ «មិត្តភាពដែកថែប» រវាងប្រជាជន និងរដ្ឋាភិបាលនៃប្រទេសកម្ពុជា និងចិន ក្នុងគោលបំណងរួមចំណែកសម្រាលការលំបាក និងដោះស្រាយការខ្វះខាតជាបន្ទាន់របស់ប្រជាពលរដ្ឋរងគ្រោះ។សូមបញ្ជាក់ថាសម្តីរបស់លោកទូតចិនដែលជាប្រទេសសមាជិកអចិន្ត្រៃយ៍អង្គការរហប្រជាជាតិកើតឡើងដូចគ្នានិងលោក ថូម៉ាស អាន់ដ្រូស (Thomas Andrews) អ្នករាយការណ៍ពិសេសរបស់អង្គការសហប្រជាជាតិ ស្តីពីស្ថានភាពសិទ្ធិមនុស្សនៅកម្ពុជានិយាយកាលពីថ្ងៃទី៣១កក្កដាថាលោកមានការព្រួយបារម្ភរឿងប្រជាពលរដ្ឋជនភៀសសឹកកម្ពុជាមិនទាន់ត្រូវបានវិលត្រឡប់ទៅកាន់លំនៅឋានរបស់ខ្លួនវិញ។

បន្ទាប់មកនៅថ្ងៃទី៣ ខែសីហា ឆ្នាំ២០២៦ នៅក្រសួងមហាផ្ទៃថៃ លោក អនុទិន ចាន់វីរកុល (Anutin Charnvirakul) នាយករដ្ឋមន្ត្រី និងជារដ្ឋមន្ត្រីមហាផ្ទៃថៃ បានផ្តល់បទសម្ភាសន៍ពាក់ព័ន្ធនឹងរបាយការណ៍របស់លោក ថូម៉ាស អាន់ដ្រូស (Thomas Andrews) អ្នករាយការណ៍ពិសេសរបស់អង្គការសហប្រជាជាតិ ស្តីពីស្ថានភាពសិទ្ធិមនុស្សនៅកម្ពុជា។

លោកអនុទិនបានបញ្ជាក់ថា រដ្ឋាភិបាលថៃ មិនទាន់ទទួលស្គាល់ខ្លឹមសារ និងការសន្និដ្ឋានក្នុងរបាយការណ៍នោះទេ ដោយអះអាងថា ព័ត៌មានដែលបានប្រើប្រាស់ក្នុងរបាយការណ៍ គឺទទួលបានពីប្រភពតែមួយ ហើយមិនទាន់មានការស្តាប់មតិពីភាគីថៃឱ្យបានទូលំទូលាយ និងគ្រប់ជ្រុងជ្រោយនៅឡើយ។

លោកបានឱ្យដឹងថា លោក ស៊ីហាសាក់ ភួងកេតកែវ (Sihasak Phuangketkeow) ឧបនាយករដ្ឋមន្ត្រី និងរដ្ឋមន្ត្រីការបរទេសថៃ កំពុងរៀបចំសេចក្តីបំភ្លឺផ្លូវការ ដោយផ្តល់ព័ត៌មាន និងទិន្នន័យដែលថៃចាត់ទុកថាជា “ការពិត” ដើម្បីបង្ហាញជូនសាធារណជន។

លោកអនុទិនបានស្នើឱ្យប្រជាពលរដ្ឋ និងប្រព័ន្ធផ្សព្វផ្សាយ រង់ចាំការបញ្ជាក់ពីក្រសួងការបរទេស ដើម្បីទទួលបានព័ត៌មានពីគ្រប់ភាគី មុននឹងធ្វើការវាយតម្លៃ។

ពាក់ព័ន្ធនឹងព័ត៌មានថា កម្ពុជាគ្រោងដាក់លិខិតទៅអង្គការសហប្រជាជាតិ នៅថ្ងៃទី៧ ខែសីហា ដោយស្នើឱ្យយក MOU ឆ្នាំ២០០០ និងផែនទីខ្នាត 1:200,000 មកធ្វើជាមូលដ្ឋានក្នុងការចរចាបញ្ហាព្រំដែន លោកអនុទិនបានបញ្ជាក់ថា ថៃមានជំហរច្បាស់លាស់ និងមានលក្ខខណ្ឌសម្រាប់ការចរចា។

លោកអានុទីននិយាយថា៖“ដរាបណា UNCLOS នៅតែកំណត់ថា ការដោះស្រាយដោយបង្ខំ ឬយន្តការចាំបាច់ គឺជាយន្តការដែលស្ថិតក្រោមលក្ខខណ្ឌនៃអនុសញ្ញា គ្មាននរណាអាចបង្ខំឱ្យថៃទទួលយកយន្តការនោះបានទេ។ ថៃមិនទទួលយកការចរចាដែលស្ថិតក្រោមការបង្ខិតបង្ខំនោះឡើយ”។

លោកអនុទិនបានបន្តថា ថៃនៅតែប្រកាន់គោលការណ៍ព្រំដែនច្បាស់លាស់ ដោយបញ្ហាព្រំដែនគោកនៅតែអនុវត្តតាមក្របខណ្ឌ MOU ឆ្នាំ២០០០ ខណៈការចរចាព្រំដែនសមុទ្រ បន្ទាប់ពីថៃបានបញ្ចប់ MOU ឆ្នាំ២០០១ នឹងត្រូវពិភាក្សាក្រោមក្របខណ្ឌ អនុសញ្ញាច្បាប់សមុទ្រអង្គការសហប្រជាជាតិ (UNCLOS)។

លោកបានអះអាងថា ដោយសារកម្ពុជានៅតែទាមទារប្រើយន្តការដែលថៃចាត់ទុកថាជា “ការបង្ខិតបង្ខំ” ការចរចាលើបញ្ហានេះមិនអាចមានភាពរីកចម្រើនបានទេ។លោកអនុទិនបានបញ្ចប់ថា ប្រសិនបើកម្ពុជាចង់បន្តការចរចាជាមួយថៃ ត្រូវត្រឡប់មកពិចារណាលើលក្ខខណ្ឌដែលភាគីទាំងពីរអាចទទួលយកបាន។ លោកបញ្ជាក់ថា គ្មានប្រទេស ឬអង្គការអន្តរជាតិណាមួយអាចបង្ខំថៃបានឡើយ ទោះបីបញ្ហានេះត្រូវបានលើកទៅកាន់វេទិកាណាក៏ដោយ។