វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5158 នាក់
ម្សិលមិញ 8227 នាក់
សរុប 14132039 នាក់
មីយ៉ានម៉ា៖អ្នកស្រីអ៊ុង សានស៊ូជីទីប្រឹក្សារដ្ឋ ស្ថិតក្នុងចំណោមមន្ត្រីជាន់ខ្ពស់របស់ប្រទេសមីយ៉ានម៉ា ត្រូវបានក្រុមអង្គការសិទ្ធិមនុស្ស ប្តឹងទៅកាន់តុលាការ ក្នុងប្រទេសអាហ្សង់ទីន ពីបទ ឧក្រិដ្ឋកម្មប្រឆាំងនឹងជនជាតិដើមភាគតិចរ៉ូហ៊ីងយ៉ា។
ក្រុមអង្គការសិទ្ធិមនុស្សអាមេរិកឡាទីន និងរ៉ូហ៊ីយ៉ា បានដាក់បណ្តឹងទៅកាន់ប្រទេសអាហ្សង់ទីន ក្រោមគោលការណ៍តុលាការសកល ដែលវាជានីតិវិធីច្បាប់ត្រូវបានតម្កល់នៅក្នុងច្បាប់ នៃប្រទេសមួយចំនួន។ទីភ្នាក់ងារសារព័ត៌មាន AFPថា “បានដកស្រង់សម្តីលោកមេធាវី Tomas Ojea ថាបណ្តឹងនោះគឺដើម្បីស្វែងរកឲ្យមានការដាក់ទណ្ឌកម្មទៅលើអ្នកប្រព្រឹត្តិ អ្នកផ្សំគំនិត លើអំពើប្រល័យពូជសាសន៍។
ពួកយើងដាក់បណ្តឹងនោះតាមរយៈប្រទេសអាហ្សង់ទីន ពីព្រោះពួកគេមិនមានលទ្ធភាពផ្សេងទៀតឡើយ ក្នុងដាក់បណ្តឹងឧក្រិដ្ឋកម្មនៅកន្លែងផ្សេងទៀត”។“អស់ជាច្រើនទសវត្សរ៍មកហើយ អាជ្ញាធរមីយ៉ានម៉ា បានព្យាយាមបោសសម្អាតពួកយើង ដោយឃុំឃាំងពួកយើងថាជាជនជាតិភាគតិច បង្ខំពួកយើងឲ្យចាក់ចេញពីប្រទេសកំណើត និងសម្លាប់ពួកយើង”។ នេះជាការលើកឡើងរបស់លោក Tun Khin ប្រធានអង្គការរ៉ូហ៊ីងយ៉ាមីយ៉ានម៉ា ដែលមានមូលដ្ឋាននៅទីក្រុងឡុងដ៍ ប្រទេសអង់គ្លេស។
នៅក្នុងបណ្តឹង មានការទាមទារឲ្យមេដឹកនាំយោធា និងនយោបាយរបស់មីយ៉ានម៉ា ដូចជា លោក មីនអ៊ូងឡាំង(Min Aung Hlaing) និងអ្នកស្រី អ៊ុង សានស៊ូជី ប្រឈមនឹងយុត្តិធម៌ជុំវិញ បញ្ហាគំរាមកំហែងដែលជនជាតិដើមភាគតិចរ៉ូហ៊ីយ៉ាបានប្រឈម។សូមបញ្ជាក់ថា ប្រទេសមីយ៉ានម៉ា កំពុងរងសម្ពាធផ្លូវច្បាប់យ៉ាងខ្លាំង នៅក្នុងតុលាការជុំវិញពិភពលោក ជុំវិញករណីធ្វើទុក្ខបុកម្នេញ ទៅលើជនជាតិដើមភាគតិចរ៉ូហ៊ីងយ៉ា នៅក្នុងរដ្ឋរ៉ាឃីន ចាប់តាំងពីឆ្នាំ ២០១៧មក។នេះគឺជាលើកដំបូងហើយ ដែលអតីតម្ចាស់ពានរង្វាន់ណូប៊ែលសន្តិភាព ត្រូវបានគេប្តឹងជុំវិញករណីវិបត្តិរ៉ូហ៊ីងយ៉ា៕